Connect with us

Lajme nga vendi

ASH-Taravari: Azir Aliu propozoi heqjen e Balancuesit, gjatë mandatit të tij si ministër në vitin 2023

Published

on

Nga Aleanca për Shqiptarët, krahu i Taravari, thonë se tashmë ministri i Shëndetësisë, Azir Ali, në periudhën kur ishte ministër i Shoqërisë Informatike dhe Administratës, kishte propozuar heqjen e Balancuesit, që tashmë e ka shfuqizuar Gjykata Kushtetuese. Nga ASH-Taravari pyesin përfaqësuesit e qeverisë se deri ku ka mbetur procedura për miratimin e Ligjit për Përfaqësim të Drejtë dhe Adekuat.

“Azir Aliu – gjatë mandatit të tij si Ministër për Shoqëri Informatike dhe Administratë – ka propozuar heqjen e sistemit të balancuesit, një mjet kyç për përfaqësimin e drejtë të komuniteteve në administratën publike. Sipas dokumentit zyrtar të datës 11 korrik 2023, Qeveria e asaj kohe miratoi Strategjinë për Reformën e Administratës Publike 2023–2030 dhe Planin e Veprimit 2023–2026, ku thuhet qartë se “tejkalohet nevoja e aplikimit të mjetit balancuesit, i cili në praktikë shkakton keqpërdorime të shumta.” Ky propozim u bë pikërisht nga Ministria që drejtohej nga Azir Aliu. Në dokumentin zyrtar të Strategjisë theksohet: Parimi i qasjes së barabartë në çdo vend pune, parimi i ekspertizës dhe kompetencës dhe parimi i barazisë gjinore duhet të jenë parësor, ndërsa në fazën para marrjes së vendimit të përzgjedhjes, duhet të merret parasysh parimi i përfaqësimit adekuat, në këtë mënyrë tejkalohet nevoja e përdorimit të mjetit të quajtur ‘balancues’.” Pra, pikërisht Azir Aliu ka qenë nismëtar i këtij ndryshimi, duke propozuar zyrtarisht përjashtimin e balancuesit nga praktika institucionale. Deklaratat e tij nga ajo kohë e konfirmojnë këtë drejtim politik: “Sipas meje, gjatë kësaj periudhe tranzitore, sistemi i meritës duhet të jetë në vend të parë… Ne duhet të ecim në atë drejtim, për hir të vetes, ne jetojmë këtu”. Në të njëjtën linjë, heqja e balancuesit u përfshi më vonë edhe në Programin “Platforma 1198” të VMRO-DPMNE-së, e cila e bëri heqjen e balancerit një kusht për partneritet qeveritar. Dhe nëse sërish nuk e thonë të vërtetën para shqiptarëve, po e themi ne: VMRO-DPMNE është faktori real që po stagnon ligjin për përfaqësim të drejtë. “, thonë nga ASh-Taravari.

Lajme nga vendi

Ministria e Ekonomisë dhe Punës ka shpallur katër thirrje publike për mbështetje financiare për subjektet afariste

Published

on

Ministria e Ekonomisë dhe Punës ka shpallur katër thirrje publike për mbështetje financiare për subjektet afariste, me qëllim të nxitjes së sipërmarrësisë, rritjen e konkurrueshmërisë dhe avancimin e standardeve të cilësisë te ndërmarrjet mikro, të vogla dhe të mesme, si dhe te zejtarë.

Thirrjet janë pjesë e realizimit të Programit për zhvillimin e sipërmarrësisë dhe konkurrueshmërisë së ndërmarrjeve të vogla dhe të mesme për vitin 2025, si dhe programit për mbështetjen e konkurrueshmërisë së industrisë përpunuese dhe përgjegjësisë shoqërore për vitin 2025.

Janë shpallur thirrjet si vijon:

1. Thirrje publike për kompensimin e një pjese të shpenzimeve të NVM-ve për certifikimin e sistemeve të cilësisë sipas standardeve ISO
Lëndë e thirrjes publike është bashkëfinancimi i 40% të shpenzimeve të dëshmuara, por jo më shumë se 150.000 denarë individualisht për secilin aplikant, për certifikimin e sistemeve të cilësisë sipas standardeve ISO
Gjithsej mjete të parashikuara: 1.500.000 denarë.
Shpenzimet duhet të jenë bërë në vitet 2024 dhe 2025.
Të drejtën e pjesëmarrjes e kanë ndërmarrjet mikro, të vogla dhe të mesme nga sektorët C/B – Industria Prodhuese (10-33.20), të cilat plotësojnë kriteret për aktivitetin, gjendjen financiare dhe harmonizimin ligjor.
Afati për aplikim: deri më 30.06.2025
Nëse ka më shumë kërkesa sesa mjetet në dispozicion, shumat do të zvogëlohen në mënyrë proporcionale.

2. Thirrje publike për kompensimin e një pjese të shpenzimeve të NVM-ve për certifikimin e sistemit HALLALL
Bashkëfinancim prej 40% të shpenzimeve për certifikimin e sistemit HALLALL, por jo më shumë se 150.000 denarë për aplikant.
Gjithsej mjete të parashikuara: 1.500.000 denarë
Mbulohen shpenzimet e bëra në vitet 2024 dhe 2025.
Të drejtën e pjesëmarrjes e kanë ndërmarrjet mikro, të vogla dhe të mesme nga sektori C/B – Industria Përpunuese (10-33.20), të cilat plotësojnë kushtet e përmendura në thirrje.
Afati për aplikim: deri më 30.06.2025
Nëse buxheti tejkalohet, zvogëlohen mjetet në mënyrë të barabartë.

Advertisement

3. Thirrje publike për subvencione për zejtarët për vitin 2025
Bashkëfinancim të 40% të shpenzimeve për blerjen e makinave, veglave dhe dizajnin e produktit të ri, por jo më shumë se 120.000 denarë për aplikant.
Gjithsej mjete të parashikuara: 3.000.000 denarë
Shpenzimet duhet të jenë bërë në vitin 2024 dhe 2025.
Të drejtën e pjesëmarrjes e kanë zejtarët dhe ushtruesit e veprimtarisë zejtare të regjistruar në përputhje me Ligjin për Zejtari, me rezultat pozitiv për vitin 2024 dhe të gjitha kushtet e tjera të përmbushura.
Nuk pranohen aplikimet nga paushallët.
Afati për aplikim: deri më 30.06.202 Rajonet me PBB më të ulët marrin mbështetje plotësuese.

4. Thirrje publike për kompensimin e një pjese të shpenzimeve të subjekteve afariste për zhvillimin e subjektit afarist, produktit dhe tregut
Bashkëfinancim prej 50% të shpenzimeve, por jo më shumë se 500.000 denarë për aplikant, për aktivitete që lidhen me:
-zhvillimin e subjektit afarist
-zhvillimin e produktit
-zhvillimin e tregut
Gjithsej mjete të parashikuara: 5.000.000 denarë
Mbulohen shpenzimet e bëra në vitet 2024 dhe 2025.
Të drejtën për pjesëmarrje e kanë ndërmarrjet nga industria përpunuese, me minimum 5 të punësuar me kohë të pacaktuar. Një kërkues mund të aplikojë për një aktivitet.
Afati për aplikim: 18.07.2025
Mjetet ndahen në bazë të parimit “i pari i ardhur, i pari i shërbyer” deri në shterimin e buxhetit.
Afatet për aplikim janë deri më 18.07. të vitit 2025, ose deri në shterimin e buxhetit (i pari i ardhur, i pari i shërbyer).
Më shumë informacione, kritere dhe dokumentacion i nevojshëm mund të gjeni në ueb-faqen e Ministrisë së Ekonomisë dhe Punës: www.economy.gov.mk

Me respekt,
Njësia e marrëdhënieve me publikun

Continue Reading

Lajme nga vendi

QEVERIA I VLERËSOI 19 SPORTISTË PËR ARRITJE TË LARTA

Published

on

Sipas ndryshimeve të fundit në Ligjin për Sport, mirwnjohje u jepet sportistwve të Maqedonisë që kanë fituar medalje ari ose kanw marrw vendet e para në një kampionat zyrtar evropian apo botërore të klubeve për të rritur në sportet olimpike ekipore, si dhe atyre që kanë vendosur rekorde evropiane ose botërore në garat zyrtare ndërkombëtare.

 Në një ceremoni spektakolare të organizuar nga Qeveria e Republikës së Maqedonisë, Kryeministri Hristijan Mickoski dhe Ministri i Sportit, Borko Ristovski, ndanë Mirënjohje Kombëtare për arritjet e larta në sport 19 sportistëve të shquar nga sportet ekipore, sukseset e të cilëve kanë lënë gjurmë të thella në historinë e sportit të Maqedonisë.

Sipas dispozitave ligjore, sportistit i cili ka arritur njohje sportive kombëtare i ndahet plaket dhe pension mujor i përhershëm, në shumën prej gjysmë deri në një e gjysmë nga paga mesatare mujore, e paguar në Maqedoni në vitin paraprak.  Kryeministri Mickoski iu është përgjigjur edhe kritikave, se pse në mesin e sportistëve, nuk ka asnjë shqiptarë. Ai  me  këtë rast  ka  thënë se në sportet individuale, 20% e personave që gëzojnë këto privilegje, janë shqiptarë.

 “Nuk ka emra të tjerë që kanë fituar nw Ligë të Kampionëve ose Euroligë. Për këtë dua të theksoj se në sportet individuale, rezultate të tilla të larta, nwse merret në përqindje, dhe që janë shpërblyer me lloj të këtillë të pensionit të përhershëm, 47% janë maqedonase, mbi 20% janë shqiptarë, dhe të tjerë.

 Ndryshe, me çmimin kombëtar për arritje të larta në sport sot u nderuan Goran Pandev, Darko Pançev, Ilija Najdovski në futboll. Petar Naumoski, Pero Antiç në basketboll. Kiril Lazarov, Stojançe Stoilov, Vlado Nedanovski, Petar Angelov, Marko Kiziç, Marko Mishevski, Martin Popovski, Valentina Radulloviç, Elena Gjorgjievska, Indira Kastratoviç, Gordana Naceva, Mirjana Çupiç, Mileva Velkova, Anxhela Platon, Larisa Kiseljova, Elena Zlatanovska Muratovska, Klara Boeva në hendboll.

Advertisement
Continue Reading

Lajme nga vendi

Janevska shpalos shifra alarmante: Për 7 vjet, 17 mijë nxënës më pak

Published

on

Në shtatë vitet e fundit, numri i nxënësve të shkollave fillore dhe atyre të mesme në Maqedoninë e Veriut është ulur për rreth 17 mijë. Këtë e bëri të ditur Ministrja e Arsimit dhe Shkencës, Vesna Janevska, duke u përgjigjur në pyetjen për Alsat. Sipas Janevskës, arsyet e uljes së numrit të nxënësve kanë qenë të ndryshme por kryesisht ka dominuar bashkimi familjar jashtë shtetit. Numri i nxënësve është ulur konstant gjatë gjithë vitit shkollor dhe jo vetëm në fillim të vitit shkollor.

“Në total mendoj se numri i nxënësve si në arsimin fillor ashtu edhe në atë të mesëm është ulur për rreth 17 mijë, më vjen keq që këtë e them. Numri i studentëve që studiojnë jashtë shtetit në disa vite është rreth 5 mijë ndërsa tjerët janë rreth 17 mijë nxënës. Arsyeja është ikja jashtë shtetit? Po, sepse kemi të dhëna se edhe gjatë vitit, jo vetëm në fillim, ndodhë largimi”, deklaroi Vesna Janevska, Ministre e Arsimit dhe Shkencës.

Ndërkohë sipas Ministres së Arsimit ankesa të shumta kanë arritur nga ana e prindërve lidhur me tekstet shkollore, duke theksuar se fëmijët e tyre janë pajisur me libra të grisur. Janevska kërkoi nga shkollat që në vend që nxënësve t’u shpërndajnë tekste të dëmtuara dhe të papërdorshme, të paraqesin kërkesa në MASH, për zëvendësimin me tekste të reja para fillimit të vitit të ri shkollor.

“Çdo shkollë sipas ligjit duhet të formoje komision e cila do t’i kontrolloje tekstet shkollore që nxënësit i kanë kthyer nga viti i kaluar dhe duhet të vazhdojnë me përdorimin nga nxënësit tjerë, ai komision i mbikëqyrur nga drejtori i shkollës duhet që tekstet shkollore të dëmtuara t’i ndajë anash dhe më pas nga MASH-i të kërkohet që këto tekste të jenë të përtërirë apo duhet të njoftohet Shërbimi Pedagogjik pranë Ministrisë dhe të plotësohet tirazhi i nevojshëm në sistemin elektronik që ne të mund të sjellim tekste të reja shkollore”, tha Vesna Janevska Ministre e Arsimit dhe Shkencës.

Sipas Janevskës, për prokurimin e teksteve shkollore, çdo vit, Ministria ndan rreth 660 milionë denarë dhe siç tha nuk ka nevojë që ti zhgënjejmë as nxënësit e as prindërit, të cilët me të drejtë reagojnë. /Alsat.mk

Advertisement
Continue Reading

Më të lexuarat