Lajme nga vendi
Velkovski me rastin e Ditës së Punëtorëve Socialë: Ju nuk po ndryshoni vetëm jetën e njerëzve, por po ndryshoni edhe frymën e shoqërisë sonë
Zëvendësministri i Politikës Sociale, Demografisë dhe të Rinjve, Gjoko Vellkovski mori pjesë në një ngjarje me rastin e festimit të dyfishtë të punës sociale, Ditës së Punonjësve Socialë – 10 qershor dhe Ditës së Punës Sociale që u mbajt së fundmi
Ngjarja me titull: “Festimi i punës sociale – për mirëqenie të qëndrueshme, një të ardhme të përbashkët dhe solidaritet të fortë!” u organizua nga Shoqata e Punonjësve Socialë të Maqedonisë – SHPSM, dhe përveç punonjësve socialë, në të morën pjesë edhe profesorë nga Instituti për Punë Sociale dhe Politikë Sociale pranë Fakultetit Filozofik, Shkup.
Qëllimi i shënimit të të kësaj dite është të afirmohet rëndësia e punës sociale dhe roli që luajnë punonjësit socialë në fusha të ndryshme të veprimtarisë në vendin tonë.
Me këtë rast, Vellkovski shprehu mirënjohjen e tij ndaj punonjësve socialë për sakrificën e tyre në punë, për të cilën ai theksoi se “nuk ka mënyrë më të mirë për ta përshkruar këtë profesion sesa me fjalën humanizëm”.
“Në terren, ne e dimë se sfidat me të cilat përballeni nuk janë të vogla. Por ju nuk dorëzoheni, nuk tërhiqeni. Dhe komunikimi i përditshëm me ju më tregon se ju jeni ata që keni zgjidhjet, ju jeni ata që mund të gjeni një rrugëdalje edhe atëherë kur duket si e pamundur. Dhe në këtë, puna juaj është e paçmuar. Ju jo vetëm që po ndryshoni jetën e atyre që ju drejtohen, por në fakt po ndryshoni frymën e shoqërisë sonë, duke ndërtuar ura midis njerëzve, duke u ofruar një shans për të nesërmen atyre që tani janë të humbur”, theksoi Vellkovski.
Ai iu referua përpjekjeve të Ministrisë për të krijuar një sistem që mbështet punonjësit socialë në kryerjen e misionit të tyre.
“Le të ofrojmë kushte më të mira pune, të sigurojmë burime dhe trajnime që do t’ju mundësojnë të përballeni me të gjitha sfidat që lindin. Ju jeni heronjtë e vërtetë të kësaj shoqërie. Ju falënderoj nga thellësia e zemrës dhe ju uroj shumë suksese në punën tuaj humanitare”, tha Vellkovski.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13