Në Xhaminë e Shahit në Teheran, një nga më të rëndësishmet në Iran, është ngritur flamuri i kuq, një simbol i rrallë, por shumë domethënës në traditën shiite.
Flamuri i kuq lidhet me historinë e Imam Huseinit, nipit të Profetit Muhamed, i cili u vra në betejën e Karbalas në vitin 680. Për myslimanët shiitë, ky flamur përfaqëson gjakderdhjen e padrejtë dhe është një thirrje për hakmarrje dhe drejtësi.

Ngritja e këtij flamuri ndodh zakonisht në momente shumë të rëndësishme dhe shihet si paralajmërim për ndonjë reagim të ashpër. Kësaj here, veprimi vjen pas sulmit të Izraelit ndaj infrastrukturës bërthamore të Iranit.
Sipas analistëve, me këtë simbol, autoritetet iraniane po dërgojnë një mesazh të qartë se do të përgjigjet. Ky veprim tregon se vendi është i përgatitur për të reaguar ushtarakisht.

Edhe udhëheqësi Suprem i Iranit, Ajatollah Ali Khamenei, paralajmëroi Izraeli dhe theksoi se republika islamike do të hakmerret.

“Izraeli duhet të parashikojë një ndëshkim të rëndë! Ata kanë kryer një krim ndaj vendit tonë të dashur dhe ushtria jonë nuk do t’i lënë ata të pandëshkuar”- tha Khamenei.

Ai shtoi se: “Me këtë krim, regjimi sionist i ka përgatitur vetes një fat të hidhur dhe të dhimbshëm, të cilin patjetër do ta shohë”./Al Jazeera

Advertisement

Rrjeti i dyqaneve në Izrael, Carrefour raporton një rritje prej 300 për qind të blerësve këtë mëngjes.

Izraelitët po boshatisin raftet – ujë, bukë, ushqim për fëmijë, produkte higjienike dhe bateria elektrike.

Supermarketet janë mbushur plot pasi kryeministri izraelit, Benjamin Netanyahu paralajmëroi se lufta me Iranin do të jetë e gjatë me Iranin.

Ndërkohë, pas konfirmimit të sulmeve, çmimi i naftës Brent u rrit me mbi 9 për qind, duke kaluar 98 dollarë për fuçi, niveli më i lartë për këtë vit.

Ari dhe obligacionet shtetërore amerikane janë rritur, teksa investitorët po kërkojnë asete më të sigurta në një klimë të pasigurt.

Advertisement

Ndryshe, sulmi mund të nxisë një zinxhir reagimesh nga Hezbollah në Liban, milicitë në Irak dhe rebelët Houthi në Jemen duke zgjeruar konfliktin përtej kufijve të Iranit dhe Izraelit.

Pas sulmeve të fundit izraelite, presidenti iranian Masoud Pezeshkian ka reaguar duke paralajmëruar një përgjigje “të fuqishme dhe legjitime” nga ana e Teheranit.

Përmes një fjalimi të mbajtuar ai ka thënë se Irani “do ta bëjë Izraelin të pendohet për veprimin e ndërmarrë”, dhe u ka bërë thirrje qytetarëve që të qëndrojnë të bashkuar dhe të besojnë në udhëheqjen e vendit, raporton Reuters, transmeton Express.