Lajme nga vendi
Taravari nga Gostivari: VLEN e kanë varur pushkën te VMRO-ja – “Koha e yzmeqarllëkut ka mbaruar”
Nga një tubim me qytetarët në Gostivar, lideri i Aleancës për Shqiptarët, Arben Taravari, drejtoi një sfidë të drejtpërdrejtë për Arben Fetain dhe Azir Aliun – dy figura të lidhura me koalicionin VLEN dhe ish-BDI-në.
“I sfidoj Azir Aliun dhe Arben Fetain: Dilni në Gostivar e Likovë si kandidatë. Nëse merrni më shumë se 1 mijë vota shqiptare, unë nuk merrem më me politikë. Po e them publikisht!” – deklaroi Taravari, duke kritikuar ashpër mënyrën se si, sipas tij, kandidatët shqiptarë po i nënshtrohen aprovimimeve të VMRO-së.
Ai denoncoi varësinë politike ndaj partive maqedonase:
“Këta njerëz kanë varur pushkën te VMRO-ja. Shkojnë një nga një te Mickoski dhe marrin ‘aminin’ për kandidaturë. Edhe më parë shkonin te Zaevi. E tash shkojnë për herë të gjashtë te Mickoski. Po a nuk është më e ndershme të dalin para shqiptarëve dhe të marrin votat e tyre?”
Taravari e përshkroi situatën e shqiptarëve në Maqedoninë e Veriut si alarmante:
“Shqiptarët sot janë të margjinalizuar më shumë se kurrë. Dhe ne nuk mund të jemi yzmeqarë të maqedonasve. Ne mund të jemi vetëm partnerë të barabartë. Koha e yzmeqarllëkut ka mbaruar që në vitet ’90.”
Lideri i ASH-së vuri në dukje dy arsye kryesore që e cilësojnë momentin aktual si një gjendje të jashtëzakonshme për shqiptarët: Procesi i bllokuar i integrimeve evropiane dhe margjinalizimi ekstrem i shqiptarëve në institucionet shtetërore
“Pyetini shqiptarët në çdo institucion: A jeni më mirë sot se një vit më parë? – Do t’ju thonë: ‘Jemi shumë më keq!’” – tha ai.
Taravari bëri thirrje për një front të përbashkët shqiptar, të lirë nga interesat e ngushta dhe llogaritë për poste afatshkurtra: “Ju që ende qëndroni për një pozitë, mendoni: A ia vlen për katër muaj? Hajdeni dhe bashkohuni në një front të përbashkët shqiptar, për t’iu treguar maqedonasve: ‘Ne jemi partnerët tuaj – jo shërbëtorët tuaj.’”
***
Taravari: Dolëm nga qeveria sepse premtimet nuk u realizuan!
Lideri i Aleancës për Shqiptarët, Arben Taravari, në një fjalim të mbajtur para strukturave të partisë në Gostivar, ka shpalosur arsyet e largimit nga qeveria dhe ka akuzuar hapur partnerin qeveritar VMRO-DPMNE për mashtrim dhe mosrealizim të marrëveshjes politike.
“Para një viti e disa muajsh, ne vendosëm të sjellim ndryshimin – së paku kështu thamë,” deklaroi Taravari, duke përmendur se Aleanca e nisi rrugëtimin nga komunat si Gostivari dhe Tetova, për ta shtrirë më pas në të gjitha vendbanimet shqiptare. Sipas tij, rezultati i zgjedhjeve të 8 majit – me 107 mijë vota – ishte dëshmi se qytetarët i besuan premtimeve të kësaj force politike.
Taravari rikujtoi se bashkëpunimi me VMRO-DPMNE-në bazohej në katër pika: Eurointegrimi, Decentralizimi fiskal, Lufta kundër korrupsionit dhe Zhvillimi ekonomik.
Por, siç theksoi ai, “sot jemi më keq se një vit më parë.” Eurointegrimi është bllokuar, Kushtetuta nuk është ndryshuar dhe negociatat me BE-në nuk janë hapur. Përkundrazi, tha ai, “jo vetëm që nuk ecëm përpara, por u kthyem prapa.”
Po ashtu, lideri i ASH-së denoncoi projektligjin për pushtetin lokal si “më centralizues se më parë”, duke sqaruar se komunat kanë sot më pak kompetenca. “Ne nuk do ta votojmë këtë ligj,” u zotua ai.
Në lidhje me luftën kundër krimit dhe korrupsionit, Taravari tha se përveç “rastit të Kocanit”, nuk ka asnjë zhvillim domethënës, ndërsa në planin ekonomik, akuzoi qeverinë për diskriminim ndaj shqiptarëve.
“Shteti mori një kredi prej 250 milionë euro nga Hungaria për ndihmë të kompanive private. U përkrahën 200 kompani – asnjëra në pronësi shqiptare. Zero!” tha ai me theks.
Në këtë kontekst, Taravari u shpreh se Aleanca për Shqiptarët ka vendosur të tërhiqet nga qeveria jo për shkak të ndonjë pozite të humbur, por për shkak të mungesës së rezultateve dhe për të ruajtur besimin e qytetarëve.
“Dhe në këtë situatë, duhej të vazhdonim të qëndronim në qeveri? Jo. Ne vendosëm që të dalim në opozitë. Kjo është hera e parë që një parti shqiptare del vetë nga qeveria për arsye parimore. Na ka ndodhur edhe në vitin 2017 si Aleancë, por atëherë sepse na hoqën Ministrinë e Shëndetësisë. Tani nuk është çështje poste. Na ofruan edhe drejtori, por ne thamë jo. Kthehemi te populli, sepse ajo që premtuam, nuk po e realizojmë. Na ofruan drejtori, por thamë jo. Kthehemi te populli, sepse ajo që premtuam, nuk po e realizojmë,” tha Taravari.
Ky veprim, sipas tij, është një precedent historik në politikën shqiptare në Maqedoninë e Veriut, pasi është hera e parë që një parti shqiptare largohet nga pushteti për arsye parimore dhe jo për interesa personale.
***
Valboni është më i mirë se unë – Taravari flet për pasardhësin dhe të ardhmen në Gostivar
Në një fjalim të mbajtur në Gostivar, lideri i Aleancës për Shqiptarët, Arben Taravari, ka folur për kandidaturën e Aleancës për Shqiptarët në Gostivar, duke thënë që Valbon Limani jo që do të jetë kandidat por është kryetar i ardhshëm i Gostivarit.
“Disa portale shkruajnë se unë do të rikandidoj në Gostivar. Jo! Kandidati është Valbon Limani. Ai do të jetë kryetari i ardhshëm i Gostivarit. Për vete, nuk planifikoj më asnjë pozicion publik. Por do të mbetem kryetar partie – me plane të qarta dhe vizion afatgjatë.Gjenerata e re përfshin edhe Blerand Ramadanin, një figurë që premton shumë. Na duhen edhe njerëz me përvojë, si Isen Shabani, një nga kryetarët më të suksesshëm shqiptarë”, tha Taravari.
Duke folur për nevojën e gjeneratës së re në politikën shqiptare, Taravari e përmendi me entuziazëm emrin e Valbon Limanit, për të cilin tha: “Më ndalin njerëzit në Gostivar dhe më thonë: ‘Valboni është më i mirë se ti.’ Dhe kjo më gëzon! Kur pasardhësi yt është më i mirë, kjo është arritje.”
***
Taravari nga Gostivari: Bashkimi me Adnan Azizin dhe Izet Mexhitin, është rikthim tek BDI-ja
Lideri i Aleancës për Shqiptarët, Arben Taravari, në një takim me qytetarët e Gostivarit, theksoi se vendimi për të dalë nga qeveria ishte i domosdoshëm dhe se kjo veprim krijoi një alarm të fortë në opinionin publik dhe “shkundi sistemin”.
“Është e vërtetë që disa ish-anëtarë tanë mbetën në pozita, por ata nuk kanë më identitet politik. Nëse i pyesni ku do të jenë pas tetorit, as vetë nuk e dinë,” deklaroi Taravari.
Ai theksoi gjithashtu se bashkimi i disa aktorëve politikë shqiptarë me Adnan Azizin dhe Izet Mexhitin është në fakt një rikthim tek BDI-ja.
“Do të bëjmë Vetëvendosjen në Maqedoni, do t’i bashkëngjitemi Adnan Azizit dhe Izet Mexhitit. Por praktikisht, kjo është bashkim me BDI-në. Izet Mexhiti është BDI, Adnan Azizi ka qenë BDI. Nuk e kuptoj logjikën e tyre: nga njëra anë thonë se nuk duan të bashkohen me BDI-në, nga ana tjetër i bashkohen një rryme që rrjedh prej BDI-së dhe e bartin me vete bëdëizmin,” u shpreh Taravari.
Ai shtoi se të paktën BDI-ja ka nisur një proces të vettingut të brendshëm dhe po promovon figura të reja politike, ndërsa Aleanca për Shqiptarët ka të njëjtin synim, duke punuar për një gjeneratë të re politike.
Aleanca për Shqiptarët mbetet e përkushtuar për forcimin e identitetit politik shqiptar dhe bashkimin e faktorëve politikë për të ardhmen e komunitetit tonë.
FJALIMI I PLOTË: https://www.transfernow.net/dl/20250626j4O92rlk
Me 27 vota pro, Këshilli Komunal ka miratuar buxhetin e Komunës së Tetovës për vitin 2026. Propozim-buxheti kap vlerën mbi 44 milionë euro, nga të cilat rreth 17 milionë euro janë të dedikuara për projekte kapitale. Kryetari i Komunës së Tetovës, Bilall Kasami, theksoi se buxheti për vitin 2026 është më i madh krahasuar me vitin paraprak dhe se bëhet fjalë për një buxhet zhvillimor.
“Për herë të parë, rreth 40 për qind e buxhetit është e dedikuar për investime kapitale. Në buxhetet e mëparshme, 70 deri në 80 për qind shkonin për paga dhe shpenzime operative. Ky buxhet parasheh ndërtimin e shkollave të reja, pishina, rrugë, kanalizim, ujë të pijshëm dhe projekte të tjera në interes të drejtpërdrejtë të qytetarëve”, deklaroi Kasami.
Ai sqaroi se janë paraparë mbi 200 mijë euro për projektimin dhe depërtimin e një rruge të re në fshatin Shipkovicë, e cila do të jetë pjesë e lidhjes rrugore Tetovë-Prizren.
“Në Shipkovicë do të ndërtohet një qarkore, në mënyrë që rruga të mos kalojë përmes fshatit, pasi rruga ekzistuese nuk i plotëson kushtet. Janë ndarë mbi 200 mijë euro për projektimin dhe depërtimin e kësaj qarkoreje. Segmenti nga Tetova deri në Shipkovicë i plotëson kushtet, ndërsa pjesa nga Shipkovica drejt fshatrave të tjera do të zgjerohet”, shtoi Kasami.
Këshilltari nga Lista Më Mirë për Tetovën, Agron Arifi, kritikoi disa zëra të buxhetit, duke theksuar se në të janë përfshirë mjete për rrugë që, sipas tij, janë realizuar gjatë fushatës zgjedhore.
“Bëhet fjalë për projekte që janë realizuar gjatë vitit 2025 dhe që do të paguhen nga buxheti i vitit 2026. Gjithashtu, kemi punësime me kontrata në Komunën e Tetovës, me një vlerë rreth 570 mijë euro. Propozova një amendament për rregullimin e fushës sportive në Gjimnazin ‘Kiril Pejçinoviç’, por nuk u pranua me arsyetimin se aty do të ketë investim privat”, tha Arifi.
Gjatë seancës, këshilltarët e Aleanca Kombëtare për Integrim akuzuan se edhe për vitin 2026 është paraparë një buxhet i konsiderueshëm për punësime, të cilat i cilësuan si punësime të militantëve partiakë. Këto akuza u hodhën poshtë nga kryetari Kasami, i cili deklaroi se në Komunën e Tetovës askush nuk merr pagë pa kryer punë. Po ashtu, këshilltarët e AKI-së kërkuan që të ndahen mjete edhe për rrugën në fshatin Gajre, duke theksuar se ajo është lënë në harresë dhe ndodhet në gjendje të rënduar infrastrukturore./TV KOHA/
Deputeti i VLEN-it, Adnan Azizi, ka reaguar me një mesazh publik lidhur me përurimin e bulevardit të ri në Tetovë, duke vlerësuar lart punën e kryetarit të Komunës, Bilall Kasami.
Në reagimin e tij, Azizi thekson se puna, ndryshimi dhe transformimi i Tetovës janë të lidhura drejtpërdrejt me emrin e Bilall Kasamit, të cilin e cilëson si “kryetarin më të suksesshëm të të gjitha kohërave”.
“Urime bulevardi i ri të gjithë qytetarëve”, ka shkruar deputeti Azizi, duke nënvizuar se projektet infrastrukturore janë dëshmi konkrete e angazhimit për zhvillimin e qytetit dhe përmirësimin e jetës së përditshme të banorëve të Tetovës.
Sipas tij, investimet e realizuara në infrastrukturë po e shndërrojnë Tetovën në një qytet më funksional, modern dhe të denjë për qytetarët e saj, ndërsa përurimi i bulevardit të ri paraqet një hap të rëndësishëm në këtë drejtim.
Lajme nga vendi
Nënshkruhet Marrëveshja për hua me BERZH-in me vlerë 20.9 milionë euro – do të furnizohen lokomotiva elektrike për HRMV Transport
Një marrëveshje për hua midis HM Transport dhe Bankës Evropiane për Rindërtim dhe Zhvillim (BERZH) në vlerë prej 20.9 milionë euro është nënshkruar sot në Qeveri. Me huanë do të do të furnizohen lokomotiva elektrike me pjesë rezervë, ndërsa qëllimi është transport më i madh i mallrave dhe gjenerimi i të ardhurave për ndërmarrjen.
Siç u tha para nënshkrimit, projekti është një hap i rëndësishëm drejt modernizimit të HM Transport, si dhe drejt përmirësimit të sigurisë dhe efikasitetit të transportit hekurudhor të mallrave.
Kushtet nën të cilat u siguruan mjetet – një periudhë afatgjatë e shlyerjes, një periudhë e favorshme grejs dhe një normë interesi konkurruese, janë në përputhje të plotë me strategjinë për menaxhim të përgjegjshëm të borxhit publik dhe sigurimin e financave publike të qëndrueshme.
“Sot po flasim për diçka që është lënë pas dore me dekada, por që është me rëndësi thelbësore për ekonominë, eksportin dhe të ardhmen evropiane të Maqedonisë, dhe kjo është hekurudha. Gjendja që trashëguam ishte katastrofike. Deri vonë, HM Transport nuk kishte asnjë lokomotivë plotësisht funksionale”, nënvizoi kryeministri Hristijan Mickoski, sipas të cilit kjo është një ripërtëritje sistematike e sektorit hekurudhor.
Mickoski informoi edhe se Marrëveshjes për hua i parapriu një analizë e nevojave, funksionalitetit dhe operueshmërisë së HM Transport.
Sipas zëvendëskryeministrit dhe ministrit të Transportit Aleksandar Nikolloski dhe ministres së Financave Gordana Dimitrieska-Kochoska, nënshkrimi i Marrëveshjes është një hap kyç për transformimin e plotë të HRMV Transport në një ndërmarrje moderne që do t’u përgjigjet nevojave të klientëve të saj.
“Lokomotivat e reja do ta ndryshojnë plotësisht pamjen dhe, së bashku me ato ekzistuese, do të jenë në gjendje t’i shërbejnë plotësisht transportit”, tha Nikolloski.
Ministrja Dimitrieska-Koçoska theksoi se Marrëveshja për hua është rezultat i negociatave intensive dhe konstruktive dhe është një konfirmim i besimit që institucionet financiare ndërkombëtare kanë në politikat tona dhe në drejtimin në të cilin po lëviz vendi.
“Me ngjarjen e sotme dhe nënshkrimin e Marrëveshjes për borxh për financimin e projektit “Rinovimi i flotës së mjeteve” drejtpërdrejtë investojmë në rritjen e kapaciteteve dhe efikasitetit të Hekurudhave të Republikës së Maqedonisë – Transport SHA Shkup, përmes furnizimit të lokomotivave të reja të cilat do të mundësojnë vëllim dhe siguri më të madhe në transportin hekurudhor transportues. Kjo do të thotë lidhshmëri më e mirë, konkurrencë më e madhe e ekonomisë vendore dhe mundësi të reja për gjenerimin e të ardhurave. Veçanërisht është e rëndësishme që projekti përfshin edhe vendosjen e sistemit bashkëkohor ERP, me të cilin krijohet bazë për menaxhim më të mirë me burimet, efikasitet të rritur operativ dhe nivel më të lartë të menaxhimit korporativ në sektorin hekurudhor”, theksoi ministrja.
Ky është një shembull, shtoi, i një qasjeje të integruar – jo vetëm investime në infrastrukturë, por edhe forcim institucional dhe menaxhues.
Në nënshkrim, përveç përfaqësuesve të BERZH-it, morën pjesë përfaqësues të Ministrisë së Transportit dhe menaxhmentit të HRMV Transport.
Miratohet buxheti i Tetovës, mbi 17 milionë euro për projekte kapitale
Adnan Azizi: Puna, ndryshimi dhe transformimi i Tetovës kanë emër – Bilall Kasami
Zjarr në Prizren, humb jetën një fëmijë njëvjeçar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
