Një person, i lindur në vitin 1982, humbi jetën në një përleshje para një kazinoje në Kavadar. Ky informacion u konfirmua për MIA-n nga Antoan Parakeov, mjek i Shërbimit të Ndihmës së Shpejtë.

“Është e vërtetë, ka ndodhur një vrasje gjatë një përleshjeje këtë mëngjes rreth orës pesë para një kazinoje. Bëhet fjalë për lëndime fatale në kokë. Ekipi ynë mori një telefonatë dhe menjëherë shkoi në vendngjarje, por arriti në përfundimin se personi ishte i vdekur, pa shenja jete”, deklaroi për MIA Antoan Parakeov, mjek.

Sipas të dhënave të Qendrës për Menaxhim me Kriza (QMK) deri në orën 7:00 të mëngjesit të sotëm, nuk ka zjarre aktive në sipërfaqe të hapura në territorin e vendit.

Zjarret në komunat Makedonski Brod, Gjevgjeli dhe Dolneni janë vënë nën kontroll.

Një pyll i përzier është djegur në “Jasen”. Një pyll i përzier është djegur edhe në territorin e fshatrave Dolgaec dhe Strovija.

Moti sot me diell dhe më i ngrohtë, me vranësira të vogla deri në mesatare. Do të fryjë erë e dobët nga drejtimi jugperëndimorë.

Temperatura minimale do të jetë në interval prej 6 deri në 17, ndërsa ajo maksimale do të arrij prej 28 deri në 35 gradë.

Në Shkup moti do të jetë me diell dhe me vranësira të vogla. Do të fryjë dhe erë e dobët nga drejtimi jug-perëndimorë. Temperatura minimale do të ulet në 13, ndërsa ajo maksimale do të arrij në 33 gradë Celsiusë.