Lajme nga vendi
ASh: Cili është qëndrimi i VLEN-it për raportin e BE-së dhe akuzat e zyrtarëve qeveritarë ndaj Brukselit?
Aleanca për Shqiptarët i drejtohet sot opinionit publik dhe përfaqësuesve të koalicionit VLEN me një sërë pyetjesh thelbësore, të cilat nuk mund të mbeten pa përgjigje në kohën kur Maqedonia e Veriut përballet me izolim të thelluar ndërkombëtar, me ngecje në procesin e integrimeve dhe me retorikë gjithnjë e më të rrezikshme nga vetë eksponentët qeveritarë.
Zëvendësministrja për Çështje Evropiane dhe zëvendësshefe e negociatave me BE-në, Viktorija Trajkov – ndihmësja politike e ministrit kukull Orhan Ibrahimi – deklaroi qartë në debat televiziv se:
“Për ne, negociatat me çdo kusht nuk ekzistojnë! Nëse çmimi është Maqedonia, gjuha maqedonase dhe identiteti maqedonas – thjesht nuk negociojmë!”
A është ky qëndrimi i Qeverisë që VLEN po e mbron me heshtje?
A është ky qëndrimi që përfaqëson shqiptarët, apo vetëm vijën e kuqe të VMRO-DPMNE-së?
Nuk munguan as qëndrimet e partnerit strategjik të VLEN-it në zgjedhjet lokale, Maksim Dimitrievski, i cili përveç se kritikoi Parlamentin Evropian dhe eurodeputetët për “qëllime fashiste”, bëri thirrje që vendimet për të ardhmen e Maqedonisë të merren “vetëm brenda kufijve të saj” – pra, jashtë ndikimit të BE-së dhe partnerëve ndërkombëtarë.
Aleanca për Shqiptarët pyet publikisht drejtuesit e grupimit VLEN: A pajtoheni ju me këto deklarata të bashkëpunëtorëve tuaj në qeveri? Cili është qëndrimi zyrtar i VLEN-it për Raportin për Maqedoninë e Veriut të miratuar në Parlamentin Evropian? Përveç deputetes Saranda Imeri-Stafaj – e cila shqiptarët preferon t’i quajë pakicë kombëtare – a ka ndonjë qëndrim tjetër përfaqësuesi juaj për këtë raport kritik dhe alarmues?
Le t’i kujtojmë opinionit disa nga zotimet e VLEN-it: “Nëse nuk realizohen ndryshimet kushtetuese brenda 6 muajve të parë, do të tërhiqemi nga qeveria.” Sot, një vit më vonë, jo vetëm që nuk ka ndryshime kushtetuese, por Evropa na quan çerdhe e Botës Serbe, ndërsa VLEN jo vetëm që nuk është larguar nga pushteti, por hesht, hesht dhe hesht.
Kryeministri Mickoski deklaron se “Evropa tregoi fytyrën e vërtetë” – një mesazh i rrezikshëm që e largon vendin nga vlerat dhe rruga euroatlantike. A pajtoheni edhe me këtë qëndrim, zyrtarë të VLEN-it?
Pse nuk u tërhoqët nga qeveria? Pse nuk kërkuat llogari për mosrealizimin e premtimeve që i bëtë shqiptarëve? Apo gjithçka ishte thjesht një marketing elektoral për të zënë karrige?
Sot më shumë se kurrë, shqiptarët në Maqedoninë e Veriut kërkojnë transparencë, guxim dhe qëndrueshmëri politike. Heshtja e VLEN-it është pranim i përfshirjes në një projekt për izolimin e vendit, kapjen e institucioneve nga VMRO-DPMNE dhe largimin nga procesi euro-integrues.
Aleanca për Shqiptarët do të vazhdojë të jetë zëri i qartë i shqiptarëve, që nuk do të heshtin përballë rrëshqitjes së vendit drejt autokracisë, izolimit dhe mashtrimit politik. Mos heshtni më! Qytetarët meritojnë përgjigje.
Aleanca për Shqiptarët
Dhjetëra shtëpi të vërshuara, oborre të kthyera në liqene, por edhe rrugë të bllokuara dhe rrëshqitje dheu në disa vende. Ky është bilanci nga reshjet e dendura të shiut dhe dalja e lumenjve nga shtrati në rajonin e Pollogut. Komunat e Tetovës, Gostivarit dhe Zhelinës kanë filluar me formimin e komisioneve për vlerësim dhe evidentim të dëmeve, e në disa pika, edhe dislokim të banorëve nga objektet e banimit, si pasojë e rrezikut nga përmbytjet.
“Aktualisht po realizohen analiza të detajuara të rrezikshmërisë me qëllim që banorët e zonave ku siguria është cenuar, të zhvendosen në hapësira më të sigurta, dhe paralelisht po bëhet edhe evidentimi i objekteve të rrezikuara për të vërtetuar edhe statusin e tyre juridik. Sa i përket infrastrukturës rrugore, në rrugën e Banjës janë evidentuar rrëshqitje të mëdha të dheut dhe ekipet e komunës kanë ndërhyrë menjëherë për pastrim dhe normalizim të qarkullimit. Ndërhyrje janë realizuar edhe në Gjermë ku situata është më kritike”, tha Besarta Ramdani, zëdhënëse e Komunës së Tetovës.
“Zonat më të prekura në Komunën e Gostivarit kanë qenë, fshati Forinë, fshati Llakavicë, fshati Turçan i Vogël dhe disa lagje të qytetit, por ne si komunë, kemi bashkëpunuar me banorët dhe nga gjitha të dhënat që përmendëm më kritike ka qenë Forina. Për vlerësimin e dëmit, tani do formojmë një komision dhe do dalim në terren për të vlerësuar dëmet në fshatin Forinë dhe banorëve që janë prekur nga vërshimet”, u shpreh Safet Asani, komisioni për mbrojtje dhe shpëtim Komuna e Gostivarit.
Zona e fundit ku pati përmbytje një ditë më parë ishte fshati Strimnicë.
“Në këtë lagje afërsisht 12 shtëpi kanë dëme materiale që iu ka hy uji nëpër bodrume. Ne si ekipe e komunës ishim afër qytetarëve dhe u ndihmuam sa mundëm, andaj shpresoj që Ministria e Ekologjisë dhe institucionet më lartë të marrin masa që ky problem të përfundoj”, deklaroi Suad Alili, Ndërmarrja Publike Komuna e Zhelinës.
Sipas udhëheqësve të komunave dhe Drejtorisë për Mbrojtje dhe shpëtim përmbytjet janë si pasojë e mos pastrimit në kohë të shtretërve të lumenjve, dhe hedhjes së pakontrolluar të mbeturinave nëpër lumenj. /Alsat.mk
PROTESTË NË 18-VJETORIN E PAVARËSISË SË KOSOVËS
“Vërshimet”, Tetova, Gostivari e Zhelina formojnë komisione për vlerësimin e dëmeve
Kosova, 18 vjet shtet i pavarur, krerë shtetesh urojnë Kosovën
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
