Lajme nga vendi
Ministria e Energjetikës: Ndihmë financiare për kategoritë e cenueshme të qytetarëve, për të ulur shpenzimet e energjisë elektrike
Ministria e Energjetikës, Minierave dhe Burimeve Minerale ka marrë vendim për mbështetje financiare për familjet me një ose më shumë fëmijë me nevoja të veçanta, shfrytëzuesit e ndihmës së veçantë financiare dhe vendime për marrjen e mbështetjes financiare për familjet kujdestare, të cilët kujdesen për një deri pesë persona në familjen e tyre.
Siç thonë nga ministria, vendimet janë pjesë e masave për mbështetje të drejtpërdrejtë financiare për kategoritë e cenueshme të qytetarëve, me qëllim uljen e shpenzimeve të shfrytëzuara të energjisë elektrike.
Siç thekson Ministria, masat synojnë përmirësimin e standardeve të jetesës së këtyre familjeve.
“Në përputhje me protokollin e nënshkruar me EVN Home çdo muaj, më së voni deri me datën 5 në muaj, personat e kontaktit nga MEMBM-së deri tek personat e kontaktit nga EVN u dorëzojnë listat e shfrytëzuesve, të cilëve duhet të ulen faturat për shpenzimin e energjisë elektrike për muajin aktual në përputhje me Programin”, kumtoi Ministria.
Thuhet se listat u dorëzohen personave të kontaktit, në formë elektronike, në adresën e mëposhtme të emailit: kontakt_ranlivi@evn.mk.
Secila nga listat duhet të jetë në format Excel (.xls / .xlsx) dhe të përmbajë: Numrin e Vendimit të miratuar nga Ministria; Numrin e përdoruesit nga baza e të dhënave EVN Home; Numrin e vendit të shpenzimit dhe Shumën e mbështetjes së drejtpërdrejtë financiare.
Pas dorëzimit të listave, e më së voni në afat brenda tre ditëve pune, Ministria kryen pagesë të shumës totale të mbështetjes së drejtpërdrejtë financiare për atë muaj te EVN Home. Informacioni në lidhje me urdhërpagesën do të dërgohet në emailin: kontakt_ranlivi@evn.mk.
EVN Houm në nivel mujor, më së voni tre ditë nga data e realizimit, shfrytëzuesve nga lista ua miraton shumën e përcaktuar të ndihmës direkte financiare, dhe e regjistron si abonim të numrit të shfrytëzuesit.
Siç thekson Ministria, abonimi do të jetë i dukshëm në të evidencën e EVN Houm dhe do të përdoret për të ulur shumën që duhet paguar në faturën e ardhshme për energjinë elektrike të konsumuar. Ulja do të shfaqet si “Shumë në abonim” në faturë.
Nëse shuma në abonim është më e madhe se shuma totale për pagesën e faturës, shuma e mbetur në abonim bazuar në mbështetjen direkte financiare do të përdoret për të ulur shumën për pagesën e faturave vijuese, deri në shterjen e plotë.
Pas regjistrimit të abonimeve të numrave të shfrytëzuesve, EVN Houm deri te kontakt personat nga MEMBM në email adresat dërgon një Raport të përgjithshëm të abonimeve të regjistruara për të gjitha kategoritë e shfrytëzuesve nga kjo shpallje publike.
Më 06.08.2026 në ora 13:40 në SPB Tetovë, një 59-vjeçar nga një fshat i Tetovës ka raportuar se është mashtruar nga personi S.B. nga rajoni i Shkupit. Sipas denoncimit, në prill të vitit 2026 ai me S.B. është marrë vesh që t’i shesë një automjet motorik transportues me targa të Shkupit, pronë e një personi juridik nga Shkupi, për një shumë prej 11.000 eurove me marrëveshje për pagesë me këste. Mirëpo, deri në ditën e denoncimit, shuma e rënë dakord nuk është paguar dhe as automjeti nuk është kthyer. Po merren masa për zbardhjen e rastit.
Gjykata Kushtetuese për herë të parë ka kallëzuar një gjyqtar të Gjykatës Themelore Civile Shkup në Prokurorinë Publike dhe në Këshillin Gjyqësor për shkak të moszbatimit të një vendimi të saj, transmeton TV21.
Bëhet fjalë për rastin e gazetares Natasha Stojanovska, lidhur me ngjarjet e 27 prillit 2017.
Gjykata Kushtetuese më herët kishte konstatuar shkelje të së drejtës së saj për lirinë e shprehjes publike dhe kishte urdhëruar rishqyrtimin e rastit.
Megjithatë, Gjykata Themelore Civile e kishte hedhur poshtë kërkesën për përsëritjen e procedurës, duke vlerësuar se vendimi i Gjykatës Kushtetuese nuk përbënte bazë për një gjë të tillë.
Nga Gjykata Kushtetuese thonë se me një veprim të tillë nuk janë respektuar vendimi final.
Për këtë arsye, për herë të parë është aktivizuar mekanizmi i ri për zbatimin e vendimeve, i paraparë me Aktin e Gjykatës, i cili është në fuqi që nga shtatori i vitit 2024.
Lajme nga vendi
DAP: “TURIZËM I DREJTË” – QYTETARËT QË JAPIN ME QIRA AKOMODIME DUHET TË DEKLAROJNË TË ARDHURAT
Me vizita në destinacionet turistike vendase, Drejtoria e të Ardhurave Publike (DAP) po vazhdon fushatën për një sezon turistik të drejtë, me qëllim që të nxisë pagesën e barabartë të tatimeve nga të gjithë qytetarët që realizojnë të ardhura nga dhënia me qira e kapaciteteve të akomodimit të çdo lloji. Në kulmin e sezonit turistik, nga DAP thonë se shumë pronarë privatë presin mijëra turistë dhe realizojnë të ardhura nga dhënia me qira e pronave të tyre, pa i deklaruar ato për qëllime tatimore, duke mos përmbushur detyrimet ligjore.
Përfaqësuesit e DAP informuan se janë vazhdimisht në terren për t’u ofruar qytetarëve udhëzime praktike për deklarimin e të ardhurave që personat fizikë realizojnë nga dhënia me qira e apartamenteve, banesave, shtëpive, uikend-shtwpive, dhomave dhe kapaciteteve të tjera të akomodimit, si dhe nga veprimtari të tjera sezonale të lidhura me turizmin.
Deklarimi i të ardhurave nga qiraja ose nënqiraja bëhet në mënyrë elektronike përmes sistemit e-Shërbime Tatimore. Qytetarët që janë të punësuar ose që tashmë kanë përdorur sistemin për skanimin e kuponëve fiskalë kanë profil të krijuar, ndërsa ata që nuk kanë profil duhet ta hapin një të tillë për të deklaruar të ardhurat në kohë.
FIKRET ZENUNI – Në rastet kur qiraja zgjat më pak se 31 ditë gjatë një muaji, deklarimi duhet të bëhet deri më 10 të muajit pasues. Kur pagesa realizohet përmes platformave të huaja, afati është gjithashtu deri më 10 të muajit pasues pas pagesës. Tatimi i miratuar duhet të paguhet jo më vonë se data 15 e muajit për muajin paraprak.
Tatimi mbi të ardhurat personale llogaritet mbi të ardhurat bruto, pra mbi shumën totale të paguar nga mysafiri.
Nga kjo shumë zbriten 10% shpenzime të njohura, nëse objekti jepet i pamobiluar ose 15%, nëse objekti është i mobiluar.
DAP vë theks të veçantë edhe te dhënia me qira përmes platformave digjitale si Airbnb, Booking, Facebook, Kajak dhe platforma të tjera.
Nëse qytetarët nuk i përmbushin detyrimet tatimore, Ligji për Tatimin mbi të Ardhurat Personale parashikon gjobë prej 50 deri në 250 euro, në kundërvlerë në denarë, për personat fizikë që nuk paraqesin deklarimin për të ardhurat nga qiraja ose nënqiraja./Tv Koha/
Mashtrohet tetovari, mbetet pa veturë e pa para
Gjykata Kushtetuese për herë të parë denoncon një gjyqtar
SALAH MBËRRIN NË TRABZON – TURQIA “DIGJET” NGA EMOCIONET!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
