Të nderuar, bashkëngjitur po ju dërgojmë deklaratën e Kryeministrit Mickoski nga Tetova me rastin e fillimit të rinovimit të gjimnazit “Kiril Pejçinoviq”.

Mirëdita edhe nga unë, dua të falënderoj kryetarin e komunës, ministren, deputetët e parlamentit, të gjithë ata që janë këtu me ne sot, në këtë akt vërtet të bukur dhe për të gjithë ne një emocion dhe kënaqësi të madhe sepse fillon rinovimi i një objekti nga i cili kanë dalë shumë akademikë, profesorë, shkencëtarë, kryetarë komunash.

Pra, jam i sigurt se në të ardhmen nga ky objekt do të dalin shumë njerëz që do t’i shtojnë vlerë jo vetëm Tetovës, por edhe Maqedonisë si vend.

Dua të shfrytëzoj gjithashtu këtë rast për të përmendur se në thirrjen e dytë të sapo përfunduar të shpallur nga Ministria e Vetëqeverisjes Lokale, komuna e Tetovës merr praktikisht financim për projekte me vlerë rreth 11.5 milionë euro. Nëse kësaj i shtojmë 3.7 milionë euro nga thirrja e parë, arrijmë në një shumë më të madhe se 15 milionë euro.

Këto nuk janë vetëm para, nuk janë vetëm asfalt dhe beton, do të thotë një jetë më e mirë për qytetarët, një jetë më cilësore për qytetarët, diçka që nuk ka ndodhur kurrë në histori, jo vetëm në Tetovë, por në të gjithë vendin.

Advertisement

Vazhdojmë të realizojmë atë që premtuam, vazhdojmë të realizojmë atë që qytetarët presin nga ne si Qeveri. Koha kur vidhej ka mbaruar, tani është koha kur ndërtohet; në Tetovë dhe në të gjithë Maqedoninë.

Ky është ndryshimi midis kësaj Qeverie dhe këtij kryetari të komunës dhe asaj që ishte në të kaluarën dhe Qeverisë së mëparshme. Pra, edhe një herë, na qoftë dita e mbarë, nxënësit e shkollës së mesme ta përdorin me sukses dhe me nota të shkëlqyera, me notat më të larta, sigurisht.

Sa i përket donacionit, është një donacion nga një kompani me përgjegjësi shoqërore; e njëjta kompani, do ta përmend, dhuroi edhe një objekt në këtë shumë në komunën e Tearcës, gjegjësisht, rinovoi plotësisht sistemin e kanalizimit në komunën e Tearcës, i cili duhet të përfundojë me një impiant trajtimi. Mesa di edhe partia politike që tani është në opozitë, BDI, para kohe  u lëvdërohej se paska realizuar një projekt të tillë në komunën e Tearcës në rrjetet sociale.

Pra, fat të mbarë Tearcës dhe banorëve të saj, fat të mbarë Tetovës dhe banorëve të saj. Nëse do të ketë shumë më tepër projekte si ky, shumë më tepër kompani me përgjegjësi sociale si kjo, do të kemi një shoqëri më të mirë, do të kemi qytete më të mira, do të kemi komuna më të mira, do të kemi njerëz më të lumtur. Ky është qëllimi ynë si politikanë.

Advertisement

Ministria e Energjetikës, Minierave dhe Burimeve Minerale ka marrë vendim për mbështetje financiare për familjet me një ose më shumë fëmijë me nevoja të veçanta, shfrytëzuesit e ndihmës së veçantë financiare dhe vendime për marrjen e mbështetjes financiare për familjet kujdestare, të cilët kujdesen për një deri pesë persona në familjen e tyre.

Siç thonë nga ministria, vendimet janë pjesë e masave për mbështetje të drejtpërdrejtë financiare për kategoritë e cenueshme të qytetarëve, me qëllim uljen e shpenzimeve të shfrytëzuara të energjisë elektrike.

Siç thekson Ministria, masat synojnë përmirësimin e standardeve të jetesës së këtyre familjeve.

“Në përputhje me protokollin e nënshkruar me EVN Home çdo muaj, më së voni deri me datën 5 në muaj, personat e kontaktit nga MEMBM-së deri tek personat e kontaktit nga EVN u dorëzojnë listat e shfrytëzuesve, të cilëve duhet të ulen faturat për shpenzimin e energjisë elektrike për muajin aktual në përputhje me Programin”, kumtoi Ministria.

Thuhet se listat u dorëzohen personave të kontaktit, në formë elektronike, në adresën e mëposhtme të emailit: kontakt_ranlivi@evn.mk.

Advertisement

Secila nga listat duhet të jetë në format Excel (.xls / .xlsx) dhe të përmbajë: Numrin e Vendimit të miratuar nga Ministria; Numrin e përdoruesit nga baza e të dhënave EVN Home; Numrin e vendit të shpenzimit dhe Shumën e mbështetjes së drejtpërdrejtë financiare.

Pas dorëzimit të listave, e më së voni në afat brenda tre ditëve pune, Ministria kryen pagesë të shumës totale të mbështetjes së drejtpërdrejtë financiare për atë muaj te EVN Home. Informacioni në lidhje me urdhërpagesën do të dërgohet në emailin: kontakt_ranlivi@evn.mk.

EVN Houm në nivel mujor, më së voni tre ditë nga data e realizimit, shfrytëzuesve nga lista ua miraton shumën e përcaktuar të ndihmës direkte financiare, dhe e regjistron si abonim të numrit të shfrytëzuesit.

Siç thekson Ministria, abonimi do të jetë i dukshëm në të evidencën e EVN Houm dhe do të përdoret për të ulur shumën që duhet paguar në faturën e ardhshme për energjinë elektrike të konsumuar. Ulja do të shfaqet si “Shumë në abonim” në faturë.

Nëse shuma në abonim është më e madhe se shuma totale për pagesën e faturës, shuma e mbetur në abonim bazuar në mbështetjen direkte financiare do të përdoret për të ulur shumën për pagesën e faturave vijuese, deri në shterjen e plotë.

Advertisement

Pas regjistrimit të abonimeve të numrave të shfrytëzuesve, EVN Houm deri te kontakt personat nga MEMBM në email adresat dërgon një Raport të përgjithshëm të abonimeve të regjistruara për të gjitha kategoritë e shfrytëzuesve nga kjo shpallje publike.

 Nën ndikimin e një vale të ngrohtë deri të shtunën (26 korrik) moti do të jetë me diell dhe shumë i ngrohtë me vranësira të lehta deri në mesatare.

Nesër, siç informojnë nga Drejtoria pë punë hidrometeorologjike, do të fryjë erë mesatare, në pjesët perëndimore kohë pas kohe erë e fortë jugperëndimore.

Temperatura ditore kudo do të jetë mbi mesataren e muajit korrik. Në rajonin jugperëndimor, lindorë dhe verilindor temperatura do të lëvizë në interval prej 34 deri 38 gradë Celsius. Në rajonin e Pollogut prej 32 deri 38 gradë, në Pellagoni 38 deri 40 gradë, ndërsa në rajonin e Shkupit, Vardarit dhe rajonin jugperëndimor prej 38 deri 42 gradë Celsius.