Lajme nga vendi
Gjashtë vatra aktive të zjarreve në vend
Gjashtë zjarre janë aktive në të gjithë vendin, disa që kanë filluar gjatë 24 orëve të fundit dhe të tjerë që më këmbëngulje vazhdojnë të rindizen. Autoritetet njoftojnë se prej ditës së djeshme kanë evidentuar gjithsej 12 zjarre por 6 prej tyre janë shuar plotësisht.
“Më i vështiri dhe më specifiku është zjarri i cili për ditë me radhë digjet në malin Goten mes Komunave Vasilevë, Berovë dhe Radovish. Ky zjarr shkaktoi shqetësime në mesin e banorëve por kategorikisht i siguroj se nuk mund të rrezikojë asnjë fshat”, tha Stojançe Angellov, Drejtor i Drejtorisë për Mbrojtje dhe Shpëtim.
Drejtori i Drejtorisë për Mbrojtje dhe Shpëtim njofton se 150 persona merrem me zjarrin në atë lokacion përfshirë zjarrfikës, anëtarë të Pyjeve Kombëtare dhe banorë kurse ekskavatorët pastrojnë rrugën përreth malit që zjarri të mos kalojë në anën tjetër.
Angellov njoftoi se zjarri në Zhelinë vazhdon të rindizet dhe ngriti dyshime për zjarrvënie të qëllimshme.
“I radhës më i vështiri është zjarri në Zhelinë të cilin vazhdimisht e vendosim nën kontroll, e shuajmë por përsëri ndizet. Shtrohet pyetja se kush me këmbëngulje e ndez përsëri zjarrin në Zhelinë”, shtoi ai.
Prej më gjatë kohësh aktiv është edhe zjarri në Makedonski Brod, kurse zjarr aktiv që ka filluar brenda natës ka edhe mes komunave Kavadar dhe Prilep dhe në territorin e Mariovës.
Temperaturat dhe erërat e lehta vështirësojnë shuarjen por Angellov thotë se qëllimi është vendosja e zjarreve në kontroll.
Ndërkohë LSDM akuzon pushtetin për paaftësi në menaxhimin e situatës me zjarret. Sipas opozitës 20 për qind e territorit të vendit është përfshirë nga zjarret, ndërsa kryeministri tenton ta promovojë veten si patriot i madh.
“Nga zjarret digjet e gjithë Maqedonia. Shtrohet pyetja, a është kjo pjesë e planit patriotik të Mickoskit? Me çfarë fytyre Mickoski flet për patriotizëm, pasi e la të gjithë shtetin pa pajisje përkatëse për përballje me zjarret. Vjet Mickoski premtoi revizion dhe modernizim të sistemit zjarrfikës. Ndërsa ajo që e shohim sot është degradim i tërësishëm i këtij sistemi. Në vend të automjeteve të reja, Qeveria e MRO-DPMNE-së furnizoi celularë zyrtarë në vlerë prej 7 milion euro”, tha Metodija Ilievski, nënkryetar i LSDM-së.
Autoritetet shpresojnë se ulja e temperaturave do t’i ndihmojë në luftën me zjarret./Alsat.mk
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13