Lajme nga vendi
VLEN: BDI-ja e pranoi fajin e saj për regjistrimin, padrejtësinë më të madhe ndaj shqiptarëve
VLEN reagon ashpër në një postim në Facebook, ndaj pranimit skandaloz të djeshëm nga Bashkimi Demokratik për Integrim (BDI), që përbën një pranim të qartë të fajësisë për njërin nga aktet më të rënda dhe më jokushtetuese ndaj shqiptarëve në Maqedoninë e Veriut: fshirjen e diasporës shqiptare nga regjistrimi i popullsisë i vitit 2021, thuhet në reagimin e VLEN, të cilën MIA e transmeton në mënyrë intergrale.
Para opinionit publik dhe mediave, drejtuesit e BDI-së pranuan se kishin negociuar metodologjinë e regjistrimit, me të cilën qytetarët u ndanë artificialisht në “rezidentë” dhe “jo-rezidentë”. Si rezultat, dhjetëra mijëra shqiptarë u fshinë nga të dhënat zyrtare.
Ali Ahmeti e pranoi personalisht se kishte negociuar, ndërsa Bujar Osmani ishte pjesë e ekipit negociues. Ky është një dëshmi e qartë se kush mban përgjegjësi për këtë padrejtësi kombëtare.
BDI ka heshtur për vite të tëra, por tani është koha të japë përgjigje:
Pse e fshitë diasporën shqiptare nga regjistrimi?
Cili ishte marrëveshja politike e fshehtë që e bëtë dhe me kë?
Pse e përjashtuat diasporën nga vendimmarrja, megjithëse ajo ka kontribuar për dekada në këtë shtet?
Diaspora shqiptare nuk është një numër që mund të manipulohet apo të shërbejë për pazare politike. Ajo është pjesë e identitetit tonë kolektiv, kapacitetit institucional dhe potencialit kombëtar të shqiptarëve në Maqedoninë e Veriut. Fshirja e këtyre qytetarëve është jo vetëm një padrejtësi emocionale, por edhe një eliminim juridik i ekzistencës së tyre.
BDI duhet të përgjigjet:
A janë marrëveshjet e reja për koalicion dhe listat e përbashkëta për zgjedhjet lokale një përpjekje tjetër për të amnistuar këtë akt të turpshëm?
A po heshtin partnerët e rinj të BDI-së për të harruar këtë katastrofë kombëtare?
Le të kujtojmë: shumë prej atyre që u fshinë nga regjistrimi e kanë lënë vendin pikërisht për shkak të korrupsionit, varfërisë dhe nepotizmit të prodhuar nga BDI për më shumë se dy dekada.
Ne, VLEN, nuk do të heshtim.
Do të kërkojmë përgjegjësi – për politikanët, drejtorët dhe institucionet që e kanë nënshkruar këtë padrejtësi.
Drejtësia po vjen, thanë nga VLEN.
Unionet e studentëve nga Universiteti i Tetovës, Universiteti “Nënë Tereza” dhe Universiteti i Evropës Juglindore kanë intensifikuar thirrjet për mbështetje ndaj protestës së paralajmëruar më 6 prill në ora 12:30 në Shkup.
Në një komunikatë publike, ata i janë drejtuar mediave, shoqërisë civile dhe aktivistëve, duke kërkuar përfshirje dhe mbështetje për kauzën e tyre. Studentët theksojnë se po përballen me padrejtësi të vazhdueshme, pasi nuk u lejohet dhënia e provimit të jurisprudencës në gjuhën shqipe, një të drejtë e garantuar me Kushtetutë dhe ligj.
Protesta do të nisë me një marsh nga Ura e Gurit në Shkup. Çështja ka tërhequr vëmendje të shtuar kohët e fundit, pasi 385 studentë shqiptarë nga tre universitetet kanë nënshkruar një peticion që kërkon organizimin e provimit të jurisprudencës edhe në gjuhën shqipe, në përputhje me të drejtat e tyre ligjore.
Lajme nga vendi
Ilaçi palbociklib do të jetë së shpejti në dispozicion në Onkologji, për dy javë thirrja për vitin 2026-2027
Për pacientët onkologjikë për momentin mungon vetëm një ilaç – palbociklibi të cilin e përdorin 142 nga gjithsej 7000 paciente femra me kancer në gji.
Drejtori i Fondit për Sigurim Shëndetësore (FSSH), Sasho Klekovski deklaroi se ilaçi së shpejti do të jetë në dispozicion dhe se sasitë për vitin 2026 janë rritur për 50 për qind.
Në konferencën për shtyp në Klinikën për Radioterapi dhe Onkologji ku u shpallën rezultatet për rritjen e jetëgjatësisë së pacientëve me tre lloje kanceri, që është për shkak të terapisë efikase dhe një buxheti më të madh për trajtim, Klekovski tha se mungesa e palbociklibit është për shkak të faktit se në dhjetor 2025 u përballën me një nevojë dukshëm të shtuar për këtë ilaç (për 142 pacientë), ndërsa vitin e kaluar sasitë ishin planifikuar për 80 pacientë.
“Kur ka një numër dukshëm më të madh pacientësh se sa është planifikuar, nuk është e lehtë të plotësohen nevojat, kështu që buxheti për vitin 2026 do të rritet për 50 për qind për dy barna në këtë kategori, ku përveç këtij është edhe një ilaç tjetër. Presim që thirrja e re për barna të shpallet brenda dy javësh që do të mbulojë vitet 2026-2027”, tha Klekovski.
Së shpejti në Onkologji do të jenë të kapshëm edhe markerët- tumoralë që janë në mungesë, por Klekovski theksoi se kjo nuk është mungesë në të gjithë vendin dhe se pacientët mund të bëjnë markerë- tumoralë në spitale dhe laboratorë të tjerë.
NDOTET LUMI VARDAR, KOMUNA E GOSTIVARIT NIS HETIMET PËR ZBULIMIN E AUTORIT
Studentët kërkojnë mbështetje për protestën: Jurisprudenca edhe në shqip
Ilaçi palbociklib do të jetë së shpejti në dispozicion në Onkologji, për dy javë thirrja për vitin 2026-2027
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Lajme nga rajoni1 week agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota1 week ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen