Sport
JETON BEQIRI: DO TË MUNDOHEMI QË TË BËJMË MAKSIMUMIN
Sonte me fillim në ora 19:30 në Bukuresht zhvillohet ndeshja kthyese e raundit të dytë eliminatorë të Ligës së Kampionëve mes ekipit Steaua dhe Shkëndijës së Tetovës. Shkëndija do të ketë përkrahjen e një numri të konsiderueshëm të tifo grupi ‘’Ballistët’’
Kampioni i Maqedonisë në futboll Shkëndija e Tetovës , sot me fillim në ora 19:30, në Arenën Kombëtare në Bukuresht do ta zhvilloj ndeshjen kthyese në kuadër të raundit të dytë eliminatorë të Ligës së Kampionëve. Kuqezinjtë kanë epërsi 1-0 nga ndeshja e parë e zhvilluar para një jave në Shkup, por sonte do ta ketë shumë më vështirë pasi në Arenën Kombëtare në Bukuresht pritet që tribunat të jenë të stërmbushura me tifozë vendas. Ekipi nën drejtimin e trajnerit Jeton Beqiri mbrëmë në një atmosferë të shkëlqyeshme mbajti seancën e fundit stërvitore. Të gjithë në ekip pritet të japin më të mitrën nga vetja e tyre për të shënuar suksesin historik. Para seancës stërvitore trajneri Jeton Beqiri para mediumeve tha se në këtë ndeshje do mundohemi të bëjmë maksimumin
“Është një ndeshje ku ne do të bëjmë maksimumin, ku edhe për kundër respektit ndaj kundërshtarit, jemi në situatë ku kemi fituar ndeshjen e parë dhe do të mundohemi që të bëjmë edhe një paraqitje pozitive këtu në Bukuresht. Unë mendoj se i kemi të gjitha parakushtet që të bëjmë një ndeshje pozitive dhe të tentojmë të marrim maksimumin”deklaroi trajneri Jeton Beqiri .
Trajneri Beqiri duke u ndal tek skuadra kundërshtare tha se Steaua ka shumë futbollist cilësorë prandaj nuk është e rëndësishme se kush do të luaj , ndërsa detyra e futbollistëve tanë është që të japin maksimumin
“Të gjithë futbollistët që janë pjesë e FCSB-së së Bukureshtit, janë futbollistë shumë kualitativ dhe për ne nuk ka rëndësi se cili futbollist është jashtë apo brenda, pasi të gjithë janë cilësorë. Ne do të mundohemi të bëjmë maksimumin.” “Patjetër se është një ndeshje e rëndësishme dhe ndeshje e rëndë. Por, ne si fillim do të mundohemi që të bëjmë maksimumin, do të mundohemi që edhe të sulmojmë që të shënojmë gol. Pastaj edhe të luajmë një defanzivë sa më cilësore.” tha Beqiri
Portieri kuqezi Babukar Gaje i cili po dëshmon cilësitë tija tha se kemi shumë besim tek vetja jonë prandaj edhe kemi ardhur dhe buzëqeshur do dalim nga fusha
“Do të jetë një ndeshje shumë e vështirë, por natyrisht se ne kemi besim tek vetja jonë dhe prandaj kemi ardhur këtu. Sigurisht që ne kemi respekt për kundërshtarin, por nesër do të japim maksimumin nga vetja dhe do të dalim në fushë për të marrë rezultatin i cili do të jep mundësinë që pas ndeshjes të dalim nga fusha të buzëqeshur. Sigurisht që çdo ekip futet në lojë për të fituar ndeshjen dhe nuk e imagjinoj të futem në lojë për të mos fituar. Prandaj futbolli është interesant dhe në çdo sekondë, në çdo gabim mund të shënosh apo mund të pësosh. Për këtë arsye ne duhet të funksionojmë si ekip, të dalim në fushë për të dhënë më të mirën dhe të qëndrojmë 100% që në fund të marrim rezultatin e dëshiruar”.
Për të përkrahur ekipin e zemrës në Bukuresht kanë udhëtuar një numër i konsiderueshëm nga tifo grupi ‘’Ballistët’’ Ndeshja STEAUA– Shkëndija luhet sonte me fillim në ora 19:30 në Arenën Kombëtare të Bukureshtit, ndërsa drejtësi do të ndajë arbitri ukrainas Oleksey Derevinsky
SHABAN SINANI – TV KOHA
Java e 13-të e kampionatit në Ligën e parë të futbollit vendor hapet me ndeshjet Bashkimi – Rabotniçki dhe Struga Trim Lum – Arsimi. Të dyja ndeshjet luhen nesër me fillim në ora 13:00.
Në tre ditët e radhës, pra të shtunën të dielën dhe të hënën në program janë ndeshjet e xhiros së 13-të të sezonit vjeshtor në Ligën e parë të futbollit vendor Java e 13-të hapet nesër me ndeshje që zhvillohen në Kumanovë dhe Strugë.
Në Kumanovë skuadra e bashkimit është nikoqire e Rabnotniçkit. Duke u bazuar në rezultatet e deri tanishme në 12 xhirot e zhvilluara vendasit janë favorite, kur dihet se edhe në ndeshjen e parë në Shkup dolën fitues, por megjithatë bëhet fjalë për një skuadër që ka traditë dhe përvojë të gjatë ndaj vendasit deri te qëllimi mund të arrijnë me angazhim maksimal të të gjithëve,
Struga Trim Lum është nikoqire e debutuesit në elitën e futbollit ekipin e Arsimit të Çegranit, Dy ekipet në 12 xhirot e zhvilluar kanë rezultate të mira sidomos vendasit që aktualisht mbajnë pozitën e dytë por edhe Arsimi nga ndeshja në ndeshje po tregon cilësi.
Takimet e xhiros së 13-të fillojnë ora 13:00, takohen: E shtunë: Bashkimi – Rabotniçki dhe Struga Trim Lum – Arsimi, të dielën takohen: Vardari – Tikveshi, Pelisteri -AP Brera, nd[vërsa të hënën luajnë: Sileksi – Shkupi dhe Shkndija – Makedonija Gj.P
SHABAN SINANI – TV KOHA
Shkëndija mbrëmë zhvilloi një ndeshje të bukur dhe dominuese në duelin e tretë të fazës kryesore në UEFA Konferencë Liga, ishte në epërsi deri në minutën e 100-të kur skuadra e Jagiellonias barazoi rezultatin në 1-1. Takimi radhës i ekipit kuqezi është kundër Dritës së Gjilani në Prishtinë më 27 nëntor.
Kampioni i Maqedonisë së Veriut klubi i futbollit Shkëndija n ndeshjen e tret të fazës së ligës në UEFA Konferencë Liga barazoi 1-1 me skuadrën Jagiellonija të Polonisë edhe pse deri në sekondat e fundit ishte në epërsi me golin që e realizoi Liridon Latifi në minutën e 49-të. Dhe kur të gjithë pritnin fishkëllimën e fundit të arbitrit hungarez, në minutën e 100-të ndodhi zhgënjimi për tifozët të cilët krijuan atmosferë impozante, pasi një goditje precize të Lozanos nga distanca përfundoi në portën e Shkëndijës për epilogun përfundimtar 1-1. Duhet të theksojmë se skuadra tetovare në këtë përballje u paraqitë me shumë energji dhe vendosmëri, duke krijuar disa mundësi të mira në pjesën e parë. Megjithatë, një moment shqetësues ndodhi para pushimit, kur Arbin Zejnullai u përplas dhe humbi ndjenjat pas një goditjeje në fytyrë. Falë ndërhyrjes së shpejtë të ekipit mjekësor, situata u stabilizua, por ai u detyrua të largohej nga loja, duke u zëvendësuar me Krasniqin. Atmosfera që e krijuan tifozët vendas ishte impozante, por ra në sy sjellja e një grupi tifozësh nga Polonia të cilët provokonin me thirrjet ‘’Kosova është Serbi’’. Pas përfundimit të ndeshjes në konferencën zyrtare me mediumet, trajneri Jeton Beqiri tha se ishin të pafat pasi barazimi ndodhi në sekondat e fundit.
‘’Mendoj se në sekondat e fundit të ndeshjes ishim të pafat dhe një devijim që ndryshoj kahjen e topit dhe pastaj portieri nuk mund të reagonte. Besoj dhe mendoj që gjithmonë duhet të bëjmë më mirë diçka , veçanërisht kur kundërshtari ishte me një lojtar më pak në fushë. Por pas lodhjes edhe koncentrimi bie më edhe normalisht ndodhin gabimet të tilla’’ deklaroi trajneri Jeton Beqiri
Për golin e pranuar në sekondat e fundit trajneri Beqiri tha se në ato momente lojtarët kanë qenë keq të vendosur
‘’Patejër, si realizuam në ndeshjen e fundit , tani edhe u dënuam. Unë besoj se nuk ishte çështje gëzimi , ata ishin të motivuar për të marrë fitore, por besoj që duhej të bënin diçka më mirë në minutat e fundit dhe sa e shoh videon pas ndeshjes, kemi pasur disa pozicione që kemi qenë keq të vendosur dhe ajo na dënoi në fakt’’ tha trajneri Beqiri.
Ndeshjen e radhës Shkëndija do ta zhvillon kundër ekipit Drita të Gjilanit në Prishtinë. Kujtojmë se mbrëmë skuadra e Dritës në Kardifë mundi ekipin Shellburn 0-1.
Nesër në Shkup për të dytën herë me radhë organizohet Turneu Ndërkombëtar i mundjes për moshat deri më 15 vjet me moton ‘’Shkupi Open 2025’’ në organizim të Klubit të mundjes Shkupi në bashkëpunim me Federatën e mundjes.
Më 8 nëntor në organizim të klubit të mundjes Shkupi dhe me përkrahjen e Federatës s Mundjes organizohet edicioni i dytë i Turneut ndërkombëtar i mundjes ‘’Shkupi Open 2025’’ ku pritet të marrin pjesë mbi 200 garues të moshave deri më 15 vjet nga shumë vende evropiane, Jasin Rexhallari në cilësinë e organizatorit në prononcim ekskluziv për TV Koha tha se ky Turnirë është më prestigjiozi në historinë e vendit tonë
“Bëhet fjalë për një nga Turnet më prestigjioze në historinë e vendit tonë ku kanë konfirmuar pjesëmarrjen 12 shtete evropiane . Ky do jetë mund të them një spektakël i vërtet për sportin e mundjes që asnjëherë në vendin ton nuk është mbajtur një turnir me kaq garues nga vendet evropiane. Besoj se do jetë një konkurrencë shumë e madhe dhe besoj që edhe garuesit e klubit tonë do arrijnë të marrin rezultate të mira’’ deklaroi Jasin Rexhallari
Për organizimin e një turneu kaq masiv siç është Turneu ndërkombëtar i mundjes Shkupi Open 2025 gjithsesi se nevojitet përkrahje e madhe edhe nga Federata përkatëse por edhe ministria e sportit dhe institucioni komuna. Lidhur me këtë Rexhallari në cilësinë e organizatorit tha se është i kënaqur me përkrahjen
‘’Pra , kemi bashkëpunim sidomos me Federatën e mundjes ku ato na kanë dalë në përkrahje , gjithashtu edhe komuna , gjithashtu edhe Ministria e Sportit na ka përkrahur , Besoj se pa ndihmën e tyre do e kishim të vështirë . Dua ti ceki edhe sponsorët e klubit të cilët na ndihmojnë në mënyrën shumë më të madhe, pasi pa ndihmën e atyre besoj se kaq garues, kaq shtete nuk do ishin pjesëmarrës pasi që me të vërtet duhet përkrahja e gjithë këtyre’’ tha Rexhallari
Duke marrë para sysh se garat në sportin e mundjes zhvillohen në bazë të peshës prandaj edhe ë këtë turnir të moshave U-15, do të garojnë në afro 15 kategori
‘’Pra do të mbahen deri në kategorinë deri në 15 vjet, në të gjitha kategoritë pasi në sportin e mundjes shkon me pesha. Ka dikund 15 kategori te grupmoshat U-15’’ tha Rexhallari
Turneu mbahet më 8 nëntor në sallën sportive të shkollës së mesme ‘Zef Lush Marku’ në Shkup me fillim në ora 11:00, ndërsa hapja solemne është caktuar në ora 16:00 dhe më pas do të zhvillohen garat finale,
Polici nga Shkupi kapet duke vjedhur kabllo bakri, pezullohet nga puna
Fatmir Dehari i lëshon postin e kryetarit të Kërçovës Aleksandër Jovanovskit , Alili: Fajin e mban heshtja e atyre që duhej të kërkonin falje dhe bashkim
Qyra u ulë në karrigen e kryetarit të Strugës, nënshkroi vendimin për shitjen e veturës luksoze “Audi”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi2 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoNë Nju York emërtohet rruga “Isa Boletini” në muajin e Pavarësisë