Kryeministri Hristijan Mikcoski thotë se koalicioni qeverisës është i gatshëm të miratojë ndryshimet e Kodit Zgjedhor, që tashmë janë parashtruar në Kuvend, përcjell TV21. Mickoski thotë se edhe pse kishte harmonizim mes partive politike për këtë çështje, një parti ka ndryshuar mendimin, ndërsa thekson se Rregullorja për Punë në Kuvend mundëson filibastering nga ana e partive politike.

“Me fjalë të tjera, nuk duan të miratohet ky Kod Zgjedhor. Por nëse ka vullnet politik, ne si koalicion qeverisës jemi absolutisht të gatshëm që nesër të vendoset kjo pikë në rend të ditës dhe të përfundojë kjo. Edhe pse do ta përsëris është harmonizuar nga ana e partive politike në Kuvend dhe disa muaj rri atje, dhe kur them është harmonizuar mes partive politike, flas për të gjitha partitë politike që janë në Kuvend, përveç njërës, që në moment të fundit u bë pishman. Sepse dëshiron që anëtari në Komisionin Zgjedhor nga radhët e tyre, të mund të vendos veto në vendimin e Komisionit dhe të Këshillit Komunal Zgjedhor. Kjo nuk është askund në botë, një gjë e tillë nuk ekziston”, tha mes tjerash Mickoski./tv21.tv

Pas shumë problemeve me ujin e pijshëm, më në fund në lagjen 146 në Tetovë filloi kyçja në rrjetin e ri të ujësjellësit. Paralelisht me këtë ka filluar edhe vendosja e ujëmatësve. Me këtë pritet që të zgjidhet problemi shumëvjeçar për këta banorë të cilët me dhjetëra herë kanë kërkuar nga autoritetet lokale që të gjendet zgjidhje për ujin e pijshëm. Në këtë lagje e cila ka infrastrukturë problematike për shkak se është e vendosur në kodër (rrugës për në Kodrën e Diellit), procesi i kyçjes së amvisërive në rrjetin e ujësjellësit dhe vendosja e ujëmatësve pritet që të sjell ujë të mjaftueshëm për këta banorë.

Ndërmarrjes Publike Komunale “Sharri”, ky projekt do t`i kushtojë rreth 1.5 milionë euro ndërsa banorët nuk do të paguajnë asgjë. “E gjithë lagjeja 146 së bashku me lagjen 188 do të furnizohen nga rrjeti i ri i ujësjellësit. Janë diku rreth 3 mijë shtëpi. Pra, e gjithë kjo zonë do të ketë kyçje në rrjet deri tek rruga e Lubotenit. Për çdo shtëpi do të ketë kyçje të re dhe ujëmatës. Një kyçje dhe një ujëmatës ndërmarrjes i kushton rreth 500 euro, ndërsa i tërë projekti kushton 1.5 milionë euro, komplet is projekt. Banorët nuk të paguajnë për kyçje dhe ujëmatës por më pas uji do të faturohet në bazë të harxhimeve”, deklaroi Valon Zeqiri, drejtor i Ndërmarrjes Publike Komunale “Sharri”.

Banorët shprehen se krahas ujit të pijshëm, në këtë lagje mungon edhe rrjeti i kanalizimit fekal dhe atmoseferik. Sipas banorëve, erë e rëndë kundërmon sidomos gjatë stinës së verës. Ata kërkojnë që edhe ky problem të merret parasysh nga autoritetet lokale. “Besojmë se problemi me ujin e pijshëm do të zgjidhet, ndërsa është një problem tjetër. Këtu tërë kanalizimi përfundon në oborrin tim. Para shtëpisë sime vjen erë e rëndë sepse ka një rrjet kanalizimi i parregulluar dhe i tërë uji i kanalizimeve prej lart kalon përmes shtëpisë time. Kemi bërë kërkesë, nuk është bërë asgjë. Ne i paguajmë faturat, por problemi nuk zgjidhet. Jemi mirënjohës për ujin por kanalizimi është shumë problem për neve”, thotë një mërgimtar.

Për shkak të poztës gjeografike, kjo lagje gjithmonë ka patur probleme me ujin e pijshëm, kanalizimin dhe mungesë të infrastrukturës së mirëfilltë. Nga Ndërmarrja Publike Komunale “Sharri” shpresojnë se përfundimisht problemi me ujin e pijshëm në këtë lagje do të zgjidhet, ndërsa kyçja në rrjetin e ri të ujësjellësit dhe vendosja e ujëmatësve do të vazhdojë edhe në lagjet tjera.

TV KOHA

Advertisement

Më 12 dhe 14 gusht, maturantët që nuk i kaluan provimet eksterne shtetërore të diplomimit në qershor do të kenë një mundësi të re për ta bërë këtë dhe për të marrë një diplomë të shkollës së mesme.

Të martën (12 gusht), testimi do të jetë në gjuhën amtare (maqedonisht, shqip, turqisht, serbisht) dhe letërsi, ndërsa dy ditë më vonë (14 gusht), do të zhvillohet provimi i ekstern opsional (matematikë, anglisht, frëngjisht, gjermanisht, rusisht, italisht, filozofi, estetikë).

Sipas të dhënave të Qendrës Shtetërore të Provimeve (QSHP), gjithsej 1.118 nxënës janë regjistruar për dy ditët e provimeve. Nga këta, 352 do të japin provimin e gjuhës maqedonase, 225 – gjuhës shqipe, nëntë – gjuhës turke, 779 do të japin provimin e gjuhës angleze, një nxënës do të japë provimin e gjuhës frënge, dy – gjuhës gjermane, 27 – matematikës dhe një maturant është regjistruar për të dhënë provimin e estetikës.

Sipas llojit të arsimit, 265 nxënës do të japin provimin e gjimnazit, 835 – arsimit të mesëm profesional dhe 18 – arsimit të mesëm artistik. Kandidatët do t’i japin provimet në semestrin e gushtit në hapësirat e fakulteteve.