Lajme nga vendi
Tre persona dyshohet se shkaktuan vdekjen e një burri pas rrahjes në Kavadar
Prokuroria Themelore Publike në Kavadar ka hapur hetim kundër tre personave, të dyshuar si bashkautorë të veprës penale “Lëndim i rëndë trupor me pasojë vdekjen”, në bazë të nenit 131 të Kodit Penal.
Dy nga të dyshuarit janë 27-vjeçarë, ndërsa i treti 35 vjeç. Ngjarja ka ndodhur më 27 gusht, rreth orës 05:00 të mëngjesit, në një kazino në Kavadar. Pas një debati verbal me viktimën, tre të dyshuarit kanë dalë jashtë, ku e kanë sulmuar fizikisht me grushte dhe shqelma në trup dhe kokë.
Viktima është përpjekur të kthehet në kazino, por ka humbur vetëdijen dhe ka ndërruar jetë nga plagët e marra, njoftojnë nga Prokuroria.
Në kuadër të hetimeve do të sigurohen prova shtesë, përfshirë edhe ekspertizë psikiatrike ndaj të dyshuarve. Prokuroria paralajmëron se, nëse vërtetohet se ka pasur qëllim për ta privuar nga jeta viktimën, vepra mund të rikualifikohet në “Vrasje”.
Prokurori ka paraqitur edhe kërkesë për caktimin e masës së paraburgimit ndaj tre të dyshuarve, duke pasur parasysh rrezikun e arratisjes. Kjo, sipas Prokurorisë, vërtetohet edhe nga sjellja e tyre pas ngjarjes, pasi nuk janë paraqitur në polici, por së bashku janë strehuar në banesën e njërës prej tyre.
Është ndarë nga jeta aktivisti Rauf Ramadani nga Tetova. Lajmin e kanë bërë të ditur miq dhe familjarë të Raufit.
Rauf Ramadani ka qenë aktivist politik në PDSH, një periudhë ka udhëhequr Ndërmarjen publike komunale të Tetovës.
Poashtu njihet si afarist. Ishte pronar i marketeve Erzana kurse së fundmi i kompanisë “Swiss bakery”.
Stafi i Televizionit Koha u shpreh ngushëllime familjes Ramadani , miqve dhe shokëve të të ndjerit.
Institucionet bullgare po vendosin se çfarë të bëjnë me gjashtë lopë, të cilat para pak ditësh kaluan kufirin nga Maqedonia në afërsi të fshatit Gjueshevë të Qustendilit, njofton Radioja Kombëtare Bullgare.
Kafshët janë kapur dhe janë vendosur në një objekt të përkohshëm blegtoral të komunës, ndërsa një komision i shërbimeve të autorizuara bullgare dhe maqedonase po vendos se si do të veprohet në këtë rast.
Nuk dihet nëse këto gjashtë lopë janë pjesë e gjedheve që lëvizin lirshëm në zonën e Koritës së Kriva Pallankës, duke shkaktuar tension të madh mes banorëve dhe pronarëve, problem ky që autoritetet kompetente maqedonase ende nuk po arrijnë ta zgjidhin.
Kafshët janë vërejtur në tokën e fshatit Gjueshevë, ndërsa kryetarja e fshatit e ka denoncuar rastin në komunë. Ato janë kapur dhe janë transportuar në një objekt të përkohshëm për blegtori.
Komisioni rajonal për kontrollin e ushqimit, autoritetet kufitare dhe ato komunale do të marrin vendimin përfundimtar për fatin e tyre.
Para disa vitesh, lopa Penka shkeli kufirin duke hyrë nga Serbia në afërsi të fshatit Oltomanci të Qustendilit.
Sipas rregulloreve evropiane, pas hyrjes nga një vend jashtë BE-së, ajo duhej të asgjësohej.
Ky rast u kthye në një problem ndërkombëtar – në fund, lopa u kursye dhe pronari i saj nga fshati Kopillovci u kujdes për të në kopenë e tij për vite me radhë.
Moti sot në Maqedoninë Veriut do të jetë vranësira dhe diell, ndërsa gjatë fundit të ditë pritet të ketë reshje lokale të shiut.
Në vend do të fryjë një erë e fortë nga drejtimi jugor.
Temperaturat minimale do të lëvizin nga 0 deri 7, ndërsa temperaturat maksimale do të lëvizin nga 14 deri 21 gradë celsius.
Nesër moti pritet të jetë me reshje shiu, ndërsa në vendet malore do të ketë kushte për reshje të borës.
Ndahet nga jeta afaristi Rauf Ramadani nga Tetova
Lopët kalojnë “ilegalisht” kufirin: 6 lopë nga Maqedonia ndalohen në Bullgari
Moti sot në Maqedoninë Veriut do të jetë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme