Asambleja e Përgjithshme e Kombeve të Bashkuara përmes një rezolute të veçantë caktoi 5 Shtatorin, përvjetorin e vdekjes së Shën Nënë Terezës si Ditën Ndërkombëtare të Bamirësisë.

Dita Ndërkombëtare e Bamirësisë u krijua me qëllim të sensibilizimit dhe mobilizimit të njerëzve, OJQ-ve dhe palëve të interesuara në të gjithë botën për të ndihmuar të tjerët përmes aktiviteteve vullnetare dhe filantropike.

Kjo ditë shënohet edhe në njohjen e rolit të bamirëseve në lehtësimin e krizave humanitare dhe vuajtjeve njerëzore brenda dhe midis vendeve, si dhe të përpjekjeve të organizatave bamirëse dhe individëve, përfshirë edhe kontributin e jashtëzakonshëm të Shën Nënë Terezës.

Në Agjendën 2030 për Zhvillimin e Qëndrueshëm të miratuar në shtator 2015, Kombet e Bashkuara pranojnë që çrrënjosja e varfërisë në të gjitha format dhe dimensionet e saj, përfshirë varfërinë ekstreme, është sfida më e madhe globale dhe kërkesë e domosdoshme për zhvillimin e qëndrueshëm.

Agjenda gjithashtu kërkon një frymë të solidaritetit global, duke filluar nga ndërmarrjet e vogla e deri te kooperativat e mëdha dhe organizatat e shoqërisë civile dhe ato filantropike në zbatimin e Agjendës të përqendruar në nevojat e më të varfërve dhe më të prekurve nga krizat humanitare.

Advertisement

Data e 5 shtatorit për të shënuar Ditën Ndërkombëtare të Bamirësisë u zgjodh për të përkujtuar përvjetorin e vdekjes së Shën Nënë Terezës, e cila mori Çmimin Nobel për Paqe në vitin 1979.

Shën Tereza, emri i plotë i së cilës është Anjezë Gonxhe Bojaxhiu, u lind më 26 gusht 1910 në Shkup.

Ishte humaniste e njohur shqiptare, fituese e çmimit Nobel për Paqen, ndërsa më 19 tetor 2003 u shpall e bekuar nga Vatikani.

Për më shumë se 45 vjet ajo u shërbeu të varfërve, të sëmurëve e jetimëve.

Ishte nënë kujdestare e 7.500 fëmijëve në 60 shkolla, ishte nënë që mjekonte 960.000 të sëmurë, ishte e vetmja në botë që trajtonte 47.000 viktima të lebrozës në 54 klinika, kujdesej për 3.400 pleq të braktisur e të lënë rrugëve, në 20 shtëpi pleqsh, kishte birësuar 160 fëmijë.

Advertisement

Shën Tereza ndërroi jetë më 5 shtator 1997 në Kalkuta të Indisë.

Papa Françesku më 4 korrik 2016, duke lexuar formulën e shenjtë në emrin e Zotit, ka shpallur Nënë Terezën si Shën Tereza. /KP/

Qeveria norvegjeze, ka bërë të ditur se nga 1 janari do të ndalojë shitjen e pijeve energjike për fëmijët nën moshën 16-vjeç, duke përmendur shqetësimet në rritje për rreziqet shëndetësore të lidhura me konsumin e tepërt.

Ministri norvegjez i Shëndetësisë, Jan Christian Vestre, tha se vendimi ka për qëllim mbrojtjen e të rinjve.

“E dimë që konsumi i tepërt i pijeve energjike çon në shqetësim, probleme me gjumin dhe vështirësi në përqendrim. Mund të çojë gjithashtu në dëmtime të sistemit kardiovaskular dhe sistemit nervor qendror”, tha ai.

Qeveria e paraqiti propozimin për herë të parë në pranverë, duke e nxjerrë atë për konsultim. Drejtoria e Shëndetësisë mbështeti planin, ndërsa Shoqata Mjekësore Norvegjeze dhe Instituti Norvegjez i Shëndetit Publik kërkuan një kufi moshe më të rreptë prej 18-vjeç.

Kreu i bordit profesional të Shoqatës Mjekësore, Stale Onsgard Sagabraten, tha se është zhgënjyese që “qeveria zgjedh të injorojë këshillat e qarta profesionale dhe zgjedh një kufi moshe prej 16-vjeç”.

Advertisement

“Ne prisnim një politikë më ambicioze të shëndetit publik, në përputhje me parimin paraprak”, tha ai.

Ministri Vestre e mbrojti këtë veprim, duke theksuar se qeveria bëri një “vlerësim gjithëpërfshirës”.

“Ka argumente për vendosjen e kufirit të moshës në 18-vjeç. Por ne besojmë se shumë 16-vjeçar janë mjaftueshëm të pjekur për të bërë zgjedhje të informuara dhe të mira. Kjo është arsyeja pse e kemi vendosur kufirin në 16-vjeç”, tha ai.

Vendimi ka tërhequr kritika edhe nga industria e pijeve. Erlend Vagnild Fuglum, drejtor i Shoqatës Norvegjeze të Birrave dhe Pijeve, tha se masa ishte e panevojshme.

“Ne pajtohemi me Autoritetin Norvegjez të Sigurisë Ushqimore, i cili beson se një kufizim moshe nuk është as i nevojshëm dhe as proporcional”, tha Fuglum.

Advertisement

Ai argumentoi se qeveria duhet të kishte pritur për të parë ndikimin e një ndalimi të ri për marketingun e ushqimeve dhe pijeve të pashëndetshme për fëmijët, i cili mbulon edhe pijet energjike.

Presidenti ukrainas, Volodymyr Zelensky, tha se sjellja e Rusisë pas samitit SHBA-Rusi javën e kaluar dhe bisedimeve të nivelit të lartë në Uashington me liderët evropianë është një sinjal se Moska nuk ka ndërmend të negociojë një marrëveshje paqeje për t’i dhënë fund luftës në Ukrainë.

“Tani, sinjalet që po vijnë nga Rusia janë thjesht skandaloze”, tha Zelensky mbrëmjen e 21 gushtit, pasi Rusia përshkallëzoi sulmet ajrore. “Ata po përpiqen t’i shmangen mbajtjes së një takimi. Ata nuk duan ta përfundojnë këtë luftë”.

Forcat Ajrore Ukrainase raportuan të enjten se Rusia lëshoi 574 dronë dhe 40 raketa në disa rajone, duke shkaktuar viktima në mesin e civilëve dhe duke dëmtuar rëndë zonat e banuara dhe infrastrukturën.

Sipas autoriteteve ukrainase, sulmi ajror i Rusisë, më i madhi për këtë muaj, ndodhi disa ditë pasi presidenti amerikan Donald Trump priti Zelenskyn dhe udhëheqësit evropianë në përpjekje për të shtyrë përpara negociatat e paqes.

Më herët më 21 gusht, Zelensky u bëri thirrje aleatëve perëndimorë të bien dakord për një plan konkret mbi garancitë e sigurisë brenda 7-10 ditësh.

Advertisement

“Duhet të ushtrojmë presion mbi Rusinë që të ndalojë luftimet”, tha Zelensky, duke shtuar se presidenti rus, Vladimir Putin, “e kupton vetëm forcën dhe presionin”.

Në shënjestër të sulmeve ruse ishte edhe një fabrikë e madhe amerikane për prodhimin e pajisjeve elektronike.

Guvernatori i rajonit të Zakarpatjës, Myroslav Biletskiy, tha se fabrika është një ndërmarrje civile që prodhon kryesisht pajisje shtëpiake. Ai shtoi se ajo u godit nga dy raketa Kalibr, duke shkaktuar një zjarr që u përhap në një sipërfaqe prej 7.000 metrash katrorë.

Ndërkaq, drejtori për marrëdhënie me publikun Conor Phillips tha se fabrika Flex Ltd ka pësuar dëme, duke shtuar se në këtë ndërtesë nuk prodhohen pajisje ushtarake, por vetëm prodhime për përdorim civil. Ai shtoi se disa punonjës janë plagosur dhe gjashtë persona janë hospitalizuar.

Andy Hunder, presidenti i Dhomës Amerikane të Tregtisë në Ukrainë, tha se ishte një sulm raketor rus “me të vërtetë i tmerrshëm” ndaj një prej investimeve më të mëdha amerikane në Ukrainë.

Advertisement

“Kjo nuk ishte vetëm një sulm ndaj Ukrainës. Ishte një sulm ndaj biznesit amerikan”, tha Hunder në X. “Rusia jo vetëm që po shkatërron Ukrainën, ajo po shkatërron dhe poshtëron biznesin amerikan”.

Ai i bëri thirrje presidentit amerikan, Donald Trump, që të ndihmojë bizneset amerikane dhe t’i “kundërvihet fushatës së shkatërrimit të Vladimir Putinit”.Ndryshe, gjatë bisedimeve në Uashington më 18 gusht palët u pajtuan që të punohet në një plan për garancitë e sigurisë për Ukrainën pasi të përfundojë lufta. Për ofrimin e garancive të sigurisë barrën kryesore pritet të kenë shtetet evropiane, por ato do të mbështeten nga SHBA-ja./REL