Nesër në Riga të Letonisë zhvillohen dy ndeshjet gjysmëfinale  të Kampionatit Evropian  të Basketbollit për meshkuj, ku  do të përballen  Greqia – Turqia  dhe  Gjermania – Finlanda

 Pas ndeshjeve  të çerekfinales që u zhvilluan mbrëmë janë mësuar dy ndeshjet gjysmëfinaliste të Kampionatit Evropian të Basketbollit  për meshkuj  që po zhvillohet  në  Riga  të Letonisë . Në gjysmë finale   të  Eurobasketit 2025, do të përballen dy skuadrat e  Ballkanit, Greqia  kundër  Turqisë, ndërsa në gjysmëfinalen tjetër do të përballen Gjermania  dhe Finlanda

Në ndeshjet  çerekfinale, Greqia fitoi  ndaj Lituanisë me rezultatin 87-76, ndërsa  Turqia  mundi  Poloninë me rezultatin  91-77. Në  ndeshjet  tjera  çerekfinale Gjermania  mundi Slloveninë 99-91, ndërsa  Finlanda  triumfoi  ndaj  Gjeorgjisë me rezultatin 93-79.

 Kampionati evropian që mbahet në  Riga të Letonisë deri më tani ka  dhuruar  shumë  surpriza,  ndërsa Gjermania dhe  Greqia   konsiderohen foavrite  për të siguruar finalen e Evropianit. Ndeshjet  gjysmëfinale luhen  të premten  sipas  këtij orari Gjermani – Finlandë në ora 16:00, ndërsa Greqi – Turqi  fillojnë në orën 20:00. Të  dyja  ndeshjet  gjysmëfinale  zhvillohen në Xiaomi Arēna në Riga.

Advertisement

SHABAN SINANI – TV KOHA

Mbrëmë në  studimin Kombëtar në Tiranë  kombëtarja  Shqiptare  mundi Letoninë 1-0 në kuadër të xhiros së pestë të grupit K për kualifikim në Botërorin 2026.  Angila  në Beograd  demoloi Serbinë 5-0.

 Kombëtarja shqiptare fitoi 1-0 ndaj Letonisë në “Air Albania”, në ndeshjen e xhiros së pestë në grupin K, të vlefshme për kualifikueset e Kupës së Botës 2026. Kuqezinjtë dominuan takimin dhe siguruan tri pikë të rëndësishme falë golit të Kristjan Asllanit.

Kombëtarja shqiptare ia e nisi vrullshëm takimin dhe që në minutat e para kërkoi golin. Në minutën e 9-të Hysaj krosoi nga e djathta, por tentativa me kokë e Laçit përfundoi jashtë. Në të 19-ën provoi Broja me një top të rrezikshëm në zonë.

Në minutën e 23-të, pas një aksioni të bukur mes Bajramit dhe Laçit, Shqipëria fitoi një penallti. Asllani u tregua i saktë nga pika e bardhë dhe kaloi kuqezinjtë në avantazh.

Kuqezinjtë vijuan të rrezikonin dhe në të 30-ën Manaj ishte pranë golit të dytë, por goditja e tij kaloi ngjitur me shtyllën. Pjesa e parë u mbyll 1-0.

Advertisement

Në fillim të fraksionit të dytë, Laçi provoi pas një harkimi të mirë të Hysajt, por gjuajtja e tij përfundoi mbi traversë.

Një rast i artë u regjistrua në minutën e 56-të, kur kapiteni Gjimshiti nuk arriti të shënonte përballë portierit. Në të 67-ën ishte Bajrami që rrezikoi me një goditje të fortë, por u ndal nga portieri i Letonisë.

Në fund, Shqipëria arriti të mbante avantazhin dhe e mbylli ndeshjen me fitoren 1-0. Kuqezinjtë ngjiten në vendin e dytë të Grupit K me 8 pikë. Ndeshja e radhës kualifikuese do të luhet ndaj Serbisë më 11 tetor.

Kështu Shqipëria ngjitet në vendin e dytë të Grupit K, falë edhe fitores 0-5 të Anglisë ndaj Serbisë, me kuqezinjtë që i mbyllin ndeshjet e shtatorit në zonën “Play Off”. Tabelën e  grupit K  e kryeson  Anglia  me 15 pikë maksimale e ndjekur  nga  Shqipëria  që ka  8  dhe  Serbia me  7  pikë.

SHABAN SINANI – TV KOHA

Advertisement

Euro liga e basketbollit sezoni i ri 2025/2026  do  të filloj  me 30  shtator 2025 me ndeshjet e raundit  të parë, ndërsa  pjesa e rregull përfundon më 17 prill 2026. Në  sezonin e ri në Euroligën e basketbollit do të garojnë 20 ekipe me  formatin  e ri.

 Euroliga e basketbollit në  krahasim nga  sezoni i kaluar kësaj radhe  liga numëron  20  ekipe që do të  thotë  se  do të   luhet me  sistemin vjeshtë pranverë  me  gjithsejtë 38 ndeshje . Sipas  sistemit të  ri të garave  gjashtë skuadrat e para  kualifikohen  direkt  në  fazën e play off-it , ndërsa ekipet e renditura nga vendi i shtatë deri në të dhjetën avancojnë në Play-In Showdown. Ndeshjet e Play-In Showdown do të zhvillohet të martën, 21 prill, dhe të premten, 24 prill. Ekipet e vendit të shtatë dhe të tetë nga sezoni i rregullt do të përballen në një ndeshje të vetme për të siguruar një vend në çerekfinalet më të mira nga pesë kundër ekipit të renditur të dytë të sezonit të rregullt. Ekipet e vendit të nëntë dhe të dhjetë do të luajnë një ndeshje të vetme, humbësi i së cilës do të eliminohet. Fituesi i asaj ndeshjeje do të sfidojë ekipin tjetër humbës të Play-In Showdown – qoftë ekipin e vendit të shtatë ose të tetë – për të vendosur vendin përfundimtar të play off-it për një seri më të mirë nga pesë kundër ekipit të renditur më të lartë të sezonit të rregullt..

Final Four i EuroLeague 2026 do të zhvillohet në fundjavën e katërt të majit. Gjysmëfinalet do të zhvillohen të premten, më 22 maj. Humbësit e gjysmëfinales të së premtes do të takohen të dielën, më 24 maj, në ndeshjen për vendin e tretë, e cila do të pasohet nga fituesit e gjysmëfinales që do të përballen kokë më kokë në ndeshjen e kampionatit për të drejtën për të ngritur trofeun e sezonit 2025-26.

SHABAN SINANI – TV KOHA

Advertisement