Qytetarët e Maqedonisë së Veriut do të duhet të japin të dhëna biometrike – gjurmë gishtash dhe një fotografi – kur të hyjnë në zonën Shengen të Bashkimit Evropian në të ardhmen, sipas sistemit të ri të hyrje-daljeve të BE-së.

Sistemi i hyrje-daljeve të BE-së fillon me zbatim gradual nga 12 tetori dhe do të zgjasë për gjashtë muajt e ardhshëm, pas të cilit do të zbatohet në të gjitha pikat e hyrjes në zonën Shengen. Ai përcakton që fëmijët nën 12 vjeç nuk do të kenë nevojë të japin të dhëna biometrike.

“Sistemi i hyrje-daljeve të BE-së fillon me zbatim gradual nga 12 tetori. Kjo është një masë që po merret për të forcuar sigurinë në të gjitha pikat e hyrjes në BE. Do të jetë gradual, por gjithashtu do të lehtësojë procesin e hyrjes në BE”, thotë ambasadori i BE-së në RMV, Michalis Rokas.

Regjistrimi me gjurmë gishtash dhe fotografi

Në praktikë, kjo do të thotë që qytetarët e vendeve të treta do të duhet të regjistrohen një herë me gjurmë gishtash dhe fotografi, por pasi kjo të jetë bërë një herë, herën tjetër do të jenë në gjendje të përdorin hyrjen automatike në aeroporte.
Rregullat e reja për hyrjen në BE janë njoftuar prej kohësh.

Advertisement

“Çdo hyrje, dalje dhe eventualisht refuzim për hyrje do të regjistrohet. Ka dy qëllime kryesore. I pari është forcimi i sigurisë kufitare – duam të dimë se kush po hyn dhe kush është në zonën Shengen, si dhe të identifikojmë njerëzit që hyjnë në mënyrë që të zvogëlojmë mashtrimin me identitetin, por edhe të zvogëlojmë abuzimet duke tejkaluar lejen e qëndrimit 90-ditore. I dyti është efikasiteti dhe shpejtësia. Pasi të zbatohet plotësisht, pritet që hyrja në BE të jetë më e shpejtë dhe më e lehtë”, raportoi AIM, duke iu referuar Delegacionit të BE-së në Maqedoni.

Zbatimi i sistemit është planifikuar të zhvillohet në katër faza dhe secili prej vendeve të zonës Shengen do të ketë dinamikën e vet të zbatimit, por në përgjithësi: në fazën e parë – 30 ditë nga fillimi i zbatimit të tij, qëllimi është që 10 përqind e të gjithë pasagjerëve që hyjnë në zonën Shengen të BE-së të jenë në përputhje me sistemin e ri. Faza e dytë parashikon mbulimin e 35 përqind në 90 ditët e para të zbatimit, në fazën e tretë me 150 ditë për të mbuluar gjysmën e pasagjerëve dhe në fazën e katërt me 170 ditë zbatimi për të mbuluar të gjithë pasagjerët në zonën Shengen.

Sistemi ETIAS, i cili do të fillojë të zbatohet në gjysmën e dytë të vitit 2026, është krejtësisht i ndryshëm nga Sistemi i Hyrjes/Daljes i BE-së. Sapo të fillojë të zbatohet, kushdo që udhëton në zonën Shengen pa vizë do të duhet së pari të regjistrohet në internet dhe të njoftojë udhëtimin e tij. Regjistrimi, siç është njoftuar, do të kushtojë 20 euro dhe do të jetë i vlefshëm për tre vjet, me përjashtim të atyre nën 18 vjeç dhe mbi 70 vjeç.

Të dy sistemet janë plotësuese të njëri-tjetrit dhe do të vazhdojnë të funksionojnë paralelisht.

Advertisement

Haraçina është shtëpia jonë e përbashkët. Dhe askush më mirë se ne nuk e di se çfarë sfidash ka kaluar kjo komunë. Andaj fillimisht falënderojmë udhëheqësinë aktuale të komunës për gjithçka që është munduar të bëjë në këto vite. Por le ta themi hapur: Haraçina meriton shumë më tepër.

Meriton ujë të pastër në çdo shtëpi, meriton rrugë të asfaltuara në çdo mëhallë e fshat, meriton shkolla moderne dhe hapësira ku fëmijët tanë rriten me dinjitet. Meriton një infrastrukturë urbane që e vendos krah për krah me çdo komunë tjetër të zhvilluar.

Unë, Daut Beqiri, vij sot para jush me një zotim të qartë: të fillojmë një kapitull të ri për Haraçinën. Një kapitull të zhvillimit dhe dinjitetit.

Projektet që do të realizohen gjatë mandatit tim janë të qarta dhe të domosdoshme: Ujë i pastër për pije në çdo shtëpi; Kanalizim modern për shëndetin e qytetarëve; Stadium dhe park i gjelbër për rininë tonë sportive dhe për familjet; Investime serioze në shkolla për gjeneratat e reja; Rrugë të asfaltuara kudo në Mojancë, Grushinë e Orllancë, në çdo cep të komunës, nuk do të mbetet më rrugë e paasfaltuar;

Mbulimi i plotë i pjesës së mbetur të “kanalit famshëm” që për vite të tëra ishte plagë e hapur për Haraçinën.

Advertisement

Të dashur qytetarë,

Unë nuk ofroj iluzione.

Unë ofroj punë të ndershme, përkushtim dhe rezultate konkrete.

Koha e fjalëve të bukura ka mbaruar. Tani është koha e veprave! Haraçina nuk do të jetë më sinonim i harresës dhe i padrejtësisë.

Unë besoj thellë se kjo komunë, e cila shpesh është përmendur si simbol i harresës, do të bëhet shembull i zhvillimit dhe i krenarisë.

Advertisement

Me besimin dhe mbështetjen tuaj, së bashku do ta shkruajmë këtë kapitull të ri për Haraçinën – kapitullin e dinjitetit dhe të ardhmes më të mirë për të gjithë.

Faleminderit!

VIDEO:
https://www.filemail.com/d/uqkoosytqjyychb

BDI/AKI me gjysmën e kryesisë në lista të zeza ndërkombëtare nuk kanë as moralin dhe as kredibilitetin të flasin për “botën serbe”, sepse Abaz Xhuka i UÇK-së nga korrupsioni përfundoi në Ali Ahmetin e Soravisë. Nëse dikush për dy dekada i ka shërbyer interesave të Serbisë, atëherë janë pikërisht ata që sot bëjnë moral me “shqiptarinë”. Shkurt e shqip sa keni punuar ju për shqiptarët, aq ka punuar Mijallkovi për drejtësinë.

Në vend që të ofrojnë ide për jetën e përditshme të qytetarëve, ata shpifin, manipulojnë dhe përdorin çdo ndjenjë të popullit tonë për të mbuluar korrupsionin e tyre vetëm e vetëm për për t’i ikur korrupsionit të lartë. Vetë raporti i Western Balkans Anti-Disinformation Hub paralajmëron për rrezikun e keqpërdorimit të marrëdhënieve ndëretnike për dezinformata dhe tensione, pra, modeli i pastër i BDI/AKI-së.

Lista e bashkëpunimeve të tyre të errëta është e gjatë: “Ballkani i Hapur”, që VLEN dhe Kosova e kundërshtuan me forcë si rrezik për interesat shqiptare, Bujar Osmani me 11 takime në Beograd dhe asnjë në Prishtinë, plani 9-pikësh në dëm të Kosovës, Fatmir Besimi duke shtrënguar duart me gjeneralë serbë të akuzuar për krime lufte, hyrja e MTEL-it serb në tregun tone, tentativa për t’ia dorëzuar Tetovën oligarkut të sanksionuar Daka Davidoviq, nënshtetësia për Onishçenkon, nënshkruar nga Grubi. Madje edhe simbolikat e Car Dushanit, Car Samoilit, kuajve e luanëve janë pjellë e politikave të BDI-së.

Kjo është e vërteta e BDI/AKI-së. Nuk ekziston “botë serbe”, por ekziston bota e korrupsionit dhe e katarahurës së 20 viteve pushtet, që shihet me sy të lirë në çdo komunë ku ata qeverisin. Shqiptarët meritojnë më shumë dhe sot alternativa e vetme reale për ndryshim është VLEN.