Lajme nga vendi
Rregulla të reja për hyrje në BE edhe për shtetasit e Maqedonisë së Veriut
Qytetarët e Maqedonisë së Veriut do të duhet të japin të dhëna biometrike – gjurmë gishtash dhe një fotografi – kur të hyjnë në zonën Shengen të Bashkimit Evropian në të ardhmen, sipas sistemit të ri të hyrje-daljeve të BE-së.
Sistemi i hyrje-daljeve të BE-së fillon me zbatim gradual nga 12 tetori dhe do të zgjasë për gjashtë muajt e ardhshëm, pas të cilit do të zbatohet në të gjitha pikat e hyrjes në zonën Shengen. Ai përcakton që fëmijët nën 12 vjeç nuk do të kenë nevojë të japin të dhëna biometrike.
“Sistemi i hyrje-daljeve të BE-së fillon me zbatim gradual nga 12 tetori. Kjo është një masë që po merret për të forcuar sigurinë në të gjitha pikat e hyrjes në BE. Do të jetë gradual, por gjithashtu do të lehtësojë procesin e hyrjes në BE”, thotë ambasadori i BE-së në RMV, Michalis Rokas.
Regjistrimi me gjurmë gishtash dhe fotografi
Në praktikë, kjo do të thotë që qytetarët e vendeve të treta do të duhet të regjistrohen një herë me gjurmë gishtash dhe fotografi, por pasi kjo të jetë bërë një herë, herën tjetër do të jenë në gjendje të përdorin hyrjen automatike në aeroporte.
Rregullat e reja për hyrjen në BE janë njoftuar prej kohësh.
“Çdo hyrje, dalje dhe eventualisht refuzim për hyrje do të regjistrohet. Ka dy qëllime kryesore. I pari është forcimi i sigurisë kufitare – duam të dimë se kush po hyn dhe kush është në zonën Shengen, si dhe të identifikojmë njerëzit që hyjnë në mënyrë që të zvogëlojmë mashtrimin me identitetin, por edhe të zvogëlojmë abuzimet duke tejkaluar lejen e qëndrimit 90-ditore. I dyti është efikasiteti dhe shpejtësia. Pasi të zbatohet plotësisht, pritet që hyrja në BE të jetë më e shpejtë dhe më e lehtë”, raportoi AIM, duke iu referuar Delegacionit të BE-së në Maqedoni.
Zbatimi i sistemit është planifikuar të zhvillohet në katër faza dhe secili prej vendeve të zonës Shengen do të ketë dinamikën e vet të zbatimit, por në përgjithësi: në fazën e parë – 30 ditë nga fillimi i zbatimit të tij, qëllimi është që 10 përqind e të gjithë pasagjerëve që hyjnë në zonën Shengen të BE-së të jenë në përputhje me sistemin e ri. Faza e dytë parashikon mbulimin e 35 përqind në 90 ditët e para të zbatimit, në fazën e tretë me 150 ditë për të mbuluar gjysmën e pasagjerëve dhe në fazën e katërt me 170 ditë zbatimi për të mbuluar të gjithë pasagjerët në zonën Shengen.
Sistemi ETIAS, i cili do të fillojë të zbatohet në gjysmën e dytë të vitit 2026, është krejtësisht i ndryshëm nga Sistemi i Hyrjes/Daljes i BE-së. Sapo të fillojë të zbatohet, kushdo që udhëton në zonën Shengen pa vizë do të duhet së pari të regjistrohet në internet dhe të njoftojë udhëtimin e tij. Regjistrimi, siç është njoftuar, do të kushtojë 20 euro dhe do të jetë i vlefshëm për tre vjet, me përjashtim të atyre nën 18 vjeç dhe mbi 70 vjeç.
Të dy sistemet janë plotësuese të njëri-tjetrit dhe do të vazhdojnë të funksionojnë paralelisht.
Ndaj akuzave të mbrëmshme të Adnan Azizit, reagoi opozita. Nga BDI, këto akuza i cilësojnë si fushatë të errët e të rrezikshme, jo vetëm procesin zgjedhor por edhe për, siç thonë, marrëdhëniet ndëretnike e ndërfetare dhe stabilitetin e sigurinë në vend. Nga BDI thonë se këto janë skenarët më të dëmshme dhe të rrezikshme që nga koha e Rankoviçit e Çubrilloviqit.
“Adnan Azizi dhe VLEN dalin edhe me teori ogurzeza, duke paralajmëruar djegie të xhamisë në Kodrën e Diellit dhe duke krijuar përsëri alibi për huliganët që të bëjnë një vepër të tillë e duke ua hedhur paraprakisht fajin shqiptarëve si “fajtorë kujdestar” siç po bëjnë që nga formimi i kësaj qeverie. Me deklaratat e fundit me përmbajtje fetare nga eksponentë të ndryshëm të VLEN-it po dëshmohet edhe një lojë më e rrezikshme. Të gjitha sulmet dhe goditjet me bazë etnike ndaj shqiptarëve, ata duan ti shtrembërojnë, tu japin konotacion fetar dhe të nxisin tensione me bazë fetare”, thonë nga BDI.
Aleanca për Shqiptarët e Selës, partner koalicioni me BDI-në kërkon që prokuroria të zbardhë dhe të hetojë deklaratat e Adnan Azizit. Nga atje thonë se Prokuroria, MPB dhe organet tjera, duhet të vërtetojnë nëse Azizi ka denoncuar një rrezik të vërtetë, apo ka nxitur situatë të rrezikshme potenciale. /Alsat.mk
Lajme nga vendi
“Plan për të djegur xhaminë”/ Kasami dhe VLEN akuzojnë: Po përgatiten provokime në Tetovë
Kryetari i Komunës së Tetovës, Bilall Kasami thekson që ka informacione nga organet e sigurisë se në pjesën shqiptare të vendit, me theks të veçantë në Tetovë, në vazhdimësi ka tendenca për të krijuar tensione ndëretnike nga ana e opozitës, shkruan Alsat.
Dyshimet, sipas Kasamit janë se edhe rrahja e nxënësve ka qenë e nxitur, ndërsa ka pasur plan edhe për ta djegur Xhaminë në Kodrën e Diellit.
“Informatat si nga brenda po ashtu edhe nga shtetet fqinje janë edhe se konflikti i fundit i rrahjes, ka indicie se është i stimuluar nga elemente të tilla. Po ashtu edhe sa i përket rastit për Xhaminë në Kodër të Diellit, janë informuar institucionet e sigurisë dhe janë të kujdesshme dhe po përcillet çdo hap në këtë drejtim. Janë dhënë sugjerime ndaj këtyre institucioneve që 24 orë të përcillet situata dhe të mos tolerohet në periudhën parazgjedhore, elemente të caktuara të krijojnë konflikte ndëretnike për qëllime politike. Jemi duke grumbulluar faktet dhe argumentet që kemi dhe do informojmë edhe ambasadat e vendit”, tha Bilall Kasami, kryetar i komunës së Tetovës.
Çështjen në fjalë e shpalosi mbrëmë shefi i shtabit zgjedhor të koalicionit VLEN, Adnan Azizi, i cili e akuzoi BDI-në se po përgatitë skenarë të errët me qëllim destabilizimin e vendit.
“Indikacionet flasin që edhe ata fëmijë që u rrahën që janë nga komuna juaj, ishin të paguar nga njerëzit e BDI-së të organizuar me “Vojvodat” vetëm e vetëm për të diskredituar pushtetin dhe nuk zgjedhin mekanizëm për të ardhur në pushtet. Kemi informacione të sakta se nga një shtet fqinj, kanë paguar dy grupe për të djeg edhe xhaminë në Kodrën e Diellit”, theksoi Adnan Azizi, VLEN./ Alsat.mk
Menduh Thaçi, lider i Partisë Demokratike Shqiptare (PDSH), në një intervistë për “Pressing-T7” në Kosovë, shprehet optimist se kandidatet, Izet Mexhiti në Çair dhe Bilall Kasami në Tetovë, do të fitojnë në zgjedhjet lokale edhe pa mbështetjen e VMRO-së, transmeton Zhurnal.mk.
I pyetur, se a mendon se Izet Mexhiti dhe Bilall Kasami do të fitojnë pa votat e VMRO-së, z. Thaçi tha se ata do të fitojnë edhe pa votat e VMRO-së. …..”Ata do të fitojnë edhe pa votat e VMRO-së..”.tha Thaçi.
z.Thaçi rikujton se në zgjedhjet e fundit parlamentare, Izet Mexhiti dhe Bilall Kasami, kanë mundur Frontin Evropian me mbi 2500 vota në Çair dhe me mbi 800 vota në Tetovë.
“Ore ne kemi qenë front, dhe Izeti ka pas 2500 vota ma shumë. Në Tetovë na kanë mund me 900 vota ma shumë. Nuk diskutohet… ” tha Thaçi, transmeton Zhurnal.mk
Trump i kërkon BE-së që t’i vendosë Kinës dhe Indisë tarifë 100%
Rama shpall zgjedhje të parakohshme në Tiranë
BDI: Akuzat e Adnan Azizit kanë për qëllim nxitjen e tensioneve
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve