Sport
KF ARSIMI I GATSHËM PËR SFIDËN KUNDËR VARDARIT
Me dy ndeshjet që zhvillohen nesër me fillim në ora 15:30 në Gostivar dhe Kavadar kompletohet java e gjashtë e sezonit vjeshtor në Ligën e parë. Dje Bashkimi mundi Sileksin 2-1, ndërsa Makedonija Gj,P mundi AP Brera 2-0
Java e gjashtë e sezonit vjeshtor në Ligën e parë filloi dje me dy ndeshjet hapëse. Në stadiumin e Bashkimit në Kumanovë dje u zhvillua ndeshja mes Bashkimit dhe Sileksit e cila përfundoi me fitoren e skuadrës vendase me rezultatin 2-1. Golat për Bashkimin i realizuan Avornijo dhe Aleksovski, teksa për Sileksin autor I golit ishte Pires. Për ekipin e Bashkimit ishte kjo fitorja e tretë sezonale pas një barazimi dhe dy disfata duke grumbulluar 10 pikë, ndërsa për Sileksin ishte humbja e parë pas 5 fitoreve radhazi. Ndërsa në ndeshjen tjetër që u zhvillua dje Makedonija Gj. P mundi ekipin AP Brera me rezultatin 2-0 me golat që i shënuan Simeon Hristov dhe Martin Talakov.
Nesër në Gostivar zhvillohet përballja Arsimi – Vardari , një ndeshje shumë e rëndësishme për ekipin nga Çegrani . Pas fitores kundër Pelisterit në Manastir Arsimi nesër do të mundohet të shënon edhe ndeshjen e parë kampionale në cilësinë e vendasit pas dy humbjeve kundër Struga Trim Lum dhe Sileksit. Futbollisti Subi Mustafa tha se fitorja kundër Pelisterit i ka motivuar në masë të madhe ekipin prandaj janë në pritje të suksesit edhe kundër Vardarit
‘’Pas fitores kundër Pelisterit, ekipi është në një motiv shumë të mirë, kemi marrë motiv shumë në një energji tepër pozitive e cila do të na shërbej shumë në ndeshjen kundër vardarit e cila është po ashtu më e rëndësishme se sa kundër Pelisterit’’ deklaroi Futbollisti Subi Mustafa
Futbollisti Subi Mustafa ka edhe një porosi për përkrahësit e klubit të futbollit Arsimi që nesër të jenë në numër sa më të madh në tribunat e stadiumit
‘’Po normal ata kanë qenë dhe do jenë gjithmonë lojtari jonë i dymbëdhjetë në fushë për të cilët kam një porosi e cila është të jenë një numër i madh i tifozëve at ditë sepse do jetë ndoshta ndeshja më e rëndësishme e kampionatit të cilën e luajmë kundër Vardari …….Përkrahje masive gjithashtu i ftojë të gjithë tifozët të jenë lojtari ynë i dymbëdhjetë dhe përkrahja jonë më e madhe në ndeshjen kundër Vardarit’’ tha futbollisti Subi Mustafa
Ndeshje e nesërme që zhvillohen në Gostivar dhe Kavadar fillojnë në ora 15:30
Java e 10-të e sezonit vjeshtor në Ligën e dytë vazhdon të shtunën me tre përballje dhe të dielën me katër duele. Stadiumi I Kamjanit të dielën në ora 13:30 është nikoqire e derbit të Pollogut Kamjani – Teteksi.
Të shtunën dhe të dielën në gjitha terrenet e ekipeve të Ligës së Dytë, në program janë ndeshjet e javës së 10-të të sezonit vjeshtor.
Kjo javë karakterizohet me disa ndeshje mjaftë interesante që drejtpërdrejtë do të ndikojnë në renditjen në tabelën e klasifikimit.
Të shtunën,në program janë tre ndeshje; Euromilk – Kozhufi, AP Brera – Novaci dhe Shkupi – Ohri.
Të dielën në stadiumin e Kamjanit për herë të parw si anëtare të Ligës së dytë të Maqedonisë së Veriut do të zhvillohet një ndeshje derbi mes KF Kamjani dhe KF Teteksi.
Aktualisht dy skuadrat gjenden në mesin e tabelës me Kamjanin që mbanë pozitën e pestë me 14 pikë, ndërsa Teteksi në vendin e gjashtë me 13 pikë. Interesimi për të ndjekur këtë ndeshje është i madh andaj publiku ekipin e tyre duhet të përkrahë në mënyrë dinjitoze.
Të dielën zhvillohen edhe ndeshjet Pelisteri – Detonit PLaçkovica , Rabotniçki – Bellasica dhe Makedonija Gj.P – Osogova
Të gjitha ndeshjet e xhiros së 10-të në Ligën e dytë të futbollit vendor fillojnë në ora 13-30.
Reprezentacioni i karatesë së Maqedonisë së Veriut në Kampionatin Ballkanik për kadetë, juniorë dhe U-21 që do të mbahet nga data 6 deri më 8 nëntor në Stamboll do të prezantohet me 75 garues.
Nga data 6 deri 8-të nëntor Stambolli është nikoqire edicionit të 26-të me radhë Kampionati Ballkanik i karatesë për kadet junior dhe U-21, ku pjesëmarrjen e kanë konfirmuar reprezentacionit Shqipërisë, Kosovës, Maqedonisë s Veriut, Bosnja e Hercegovina, Bullgarisë, Kroacisë, Qipros, Greqisë, Malit të Zi, Rumanisë, Serbisë, Sllovenisë si dhe nikoqirit Turqisë.
Drejtori sportiv i reprezentacionit në Federatën e karatesë së Maqedonisë së Veriut, Arlind Huseini për TV koha tha se pas sukseseve në kampionatin botërorë, pret suksese edhe në Kampionatin Ballkanik që do të mbahet në Stamboll,ku vendi ynë përfaqësohet me 75 garues.
Ndër aktivitetet e rëndësishme që do të mbahet gjatë këtij viti gjithsesi se është edhe Turneu Mbarëkombëtarë i karatesë që tradicionalisht mbahet me rastin e Ditës së Flamurit kombëtar 28 Nëntorit.
‘’Turneu mbarëkombëtarë për ditën e Flamurit 28 Nëntorit, do të zhvillohet përsëri në Tiranë me datën 28 dhe 29 nëntor, ku edhe ku edhe vendet pjesëmarrëse në fakt klubet shqiptare do të marrin pjesë nga i gjithë rajoni Mali i Zi, Kosova, Shqipëria , Presheva normal edhe klubet nga Maqedonia ‘’ tha Arlind Huseini
Nga këto aktivitete të reprezentacionit të karatesë krahas pjesëmarrjes dhe padyshim edhe sukseseve, pritet edhe mbajtja në kontinuitet e formës së garuesve për garat e ardhshme ndërkombëtare që do të mbahen edhe në vitin 2027.
Përfaqësuesja zvicerane do të jetë e kompletuar për dy ndeshjet e nëntorit në kuadër të Ligës së Kombeve pasi rikthehen e Xhaka dhe Embolo. Granit Xhaka vazhdon të mbetet kapiten i ekipit zviceran.
Ylli I futbollit zviceran futbollisti shqiptar Granit Xhaka do të rikthehet në grumbullim me Zvicrën për dy ndeshjet e nëntorit kundër Sllovenisë dhe Skocisë në kuadër të UEFA Liga e Kombeve.
Vendimi është marrë nga bordi qendror i Federatës Zvicerane të Futbollit SFV pas një shqyrtimi të plotë të procedurave të përfunduara në lidhje me blerjen e certifikatave të falsifikuara të COVID në vitet 2021 dhe 2022.
Krahas Garnit Xhakës në përfaqësuesen e Zvicrës rikthehet edhe Breel Embolo, pasi që edhe ai ishte suspenduar.
Xhaka, mungoi në katër ndeshjet e shtatorit dhe tetorit në “Ligën e Kombeve ” pasi që kishte pranuar se falsifikoi testet e COVID-19, ku u shpall edhe fajtor nga një gjykatë në Lucern.
Kujtojmë se në raundin e pestë në Liga B grupi 1 më 3 nëntor përballen Skoci – Maqedoni e Veriut dhe Slloveni – Zvicër.
Shaban Sinani – TV Koha
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13