Sport
FITOJNË SHKËNDIJA DHE VARDARI, SHKUPI HUMBI DUELIN E 7-të
Tre ndeshje të javës së shtatë të sezonit vjeshtor janë zhvilluar të shtunën dhe të dielën . Të shtunën në Çair, Makedonija Gj.P mundi Shkupin 2-0, ndërsa dje Shkëndija në Tetovë mundi Tikveshin 1-0, mbrëmë Vardari me përmbysje mundi Rabotniçkin 3-1
Shkëndija dje në stadiumin e qytetit në Tetovë në kuadër të javës së shtatë të sezonit vjeshtor në elitën e futbollit vendor mundi Tikveshin e Kavadarit 1-0 me një gol të vetëm që e shënoi Sebastian Spahiu . Ndeshja mund të cilësohet me not mesatare edhe pse dy skuadrat gjatë 90 minutave kishin raste e tyre që nuk u realizuan ndërsa goli i vetëm erdhi pas një aksioni në minutën e 36-të, kur Latifi asistoi në shtyllë të dytë, ku Spahiu me mjeshtri dërgoi topin në rrjet për epërsi të kuqezinjve që doli të jetë edhe epilogu përfundimtar i takimit. Më rëndësishmja në kë ndeshje për ekipin kuqezi gjithsesi se janë tre pikët, pasi ekipi aktualisht me një ndeshje më pak ka 14 pikë. Pas ndeshjes trajneri Beqiri tha se duhet të jemi të sinqertë të pranojmë situatën aktuale në ekip
“Ka kampionati edhe kshtu lloj ndeshje qe fitohen me vështirësi, në disa me momente me pak fat, por duhet të jemi të sinqertë dhe të pranojmë situatën se kemi një skuadër që vjen pas shumë ndeshjeve dhe te shumë futbollistë shfaqen lodhjet, të cilat janë normale pas gjithë atyre ndeshjeve. Edhe në aspektin e shkarkimit emocional e bën të vetem, megjithatë nga sot unë e mbaj mend vetëm tre pikëshin.” deklaroi trajneri Jeton Beqiri
Në ndeshjen tertë që u zhvillua dje në orët e mbrëmjes skuadra e vardarit mundi me përmbysje 3-1 ekipin e Rabotniçkit. Autor të golave pë Vardarin ishin Babunski, Kastaneda dhe Mato. Golin e vetëm pë Rabotniçkin e shënoi Imeri. Të shtunë në stadiumin e Çairit, Shkupi pësoi disfatën e 7-të radhazi kësaj radhe nga Makedonija Gj.P 0-2.
Skiatori shqiptar, Denni Xhepa, zhvilloi sot garën e parë në Lojërat Olimpike Dimërore Milano-Cortina 2026, që transmetohen në RTSH. Kjo garë shënon edhe debutimin e skuadrës shqiptare në Olimpiadën Dimërore, ku përfaqësohemi me 4 sportistë.
Ai regjistroi kohën 1:31,72, duke u pozicionuar në vend të 34-t në Super G. Xhepa zbriti në pistë i 37-i dhe kjo garë ishte për të një test për Slalomin Gjigant, që do të zhvillohet pas tri ditësh.
Kjo është hera e parë që Shqipëria merr pjesë në një garë shpejtësie në ski.
Përveç Xhepës, në Lojërat Olimpike Dimërore marrin pjesë në disiplina të ndryshme Lara Colturi, Lisa Brunga dhe Semire Dauti. Xhepa garon gjithashtu në Slalom Gjigant më 14 shkurt dhe Slalom më 16 shkurt.
Më 15 shkurt zbresin në pistë Lara Colturi dhe Semire Dauti, të cilat marrin pjesë në disiplinën e Slalomit Gjigant. Më 18 shkurt Lara Colturi, Lisa Brunga dhe Semire Dauti garojnë në disiplinën Slalomit.
Lucas Ignacio Pires, ish-futbollist i Almirante Broën, u vra me një shishe qelqi të thyer gjatë një përleshje në La Matanza të Buenos Aires
Lucas Pires pasoi një plagë të thellë në parakrah që shkaktoi gjakderdhje fatale.
Pampa Mónaco’ publikon pamjet e regjistruara nga një kamerë sigurie në momentin kur, në kontekstin e një grindjeje, një burrë përdor buzën e një shisheje të thyer për t’i shkaktuar një plagë të thellë kundërshtarit të tij.
Sipas burimeve gjyqësore dhe policore, Lucas Pires pësoi një plagë të thellë në parakrahun e djathtë që dëmtoi një arterie, duke shkaktuar një hemorragji fatale .
Lucas Pires u dërgua me urgjencë në Spitalin Nestor Kirchner, por i riu vdiq për shkak të plagës së rëndë, pasi besohet se tehu i xhamit ka arritur në një arterie.
Çështja po trajtohet nga Zyra e Prokurorit të Vrasjeve në La Matanza, e cila po heton si një krim të mundshëm brenda familjes, raporton Marca.
Dy skiatoret koreano-jugore Han Dasom dhe Lee Eui-jin janë përjashtuar për shkak të një substance të gjetur te skitë e tyre, e ndaluar që nga sezoni 2023/24
Skiatoret koreano-jugore Han Dasom dhe Lee Eui-jin janë përjashtuar për shkak të një substance të gjetur te skitë e tyre, e ndaluar që nga sezoni 2023/24. Rihapet debati për substancat e përdorura te materialet sportive.
Skualifikohen për një pomadë të ngjashme me pastën e dhëmbëve. Kjo substancë ka shkaktuar largimin menjëherë nga Olimpiada dimërore të dy skiatoreve nga Koreja e Jugut, Han Dasom dhe Lee Eui-jin. Është fluori i ndaluar në protokoll që nga sezoni 2023/24.
Bën përshtypje fakti se fronti i ri i CIO-s është dopingu te materialet, sepse fluori nuk është gjetur në trupat e sportisteve, por në pajisjet e sportit që ato ushtrojnë, te skitë. Konkretisht, është gjetur në dyllin që teknikët kishin përgatitur për garat në Lago di Tesero. Kështu ka ardhur menjëherë përjashtimi i dy garueseve që gjithsesi nuk do të luftonin për medalje.
Lajmi ka rindezur debatin mbi rëndësinë e substancave që përdoren për skitë për t’i bërë ato më të shpejta gjatë garës. Ekipi italian, për shembull, ka një kamion me më shumë se 500 lloje pomadash, që seleksionohen për diskutimit me sportistët garë pas gare.
ROKAS NË BOGOVINË, TAKON KËSHILLTARËT DHE KRYETARIN E KOMUNËS
SHUMË FJALË, PAK VEPRA – MAQEDONIA SA AFËR AQ LARG BE-së
TRENDAFILOV: PO NDIQEM – KEQPËRDOREN FËMIJTË!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
