Sport
NESËR ZHVILLOHET NDESHJA E ANULUAR RABOTNIÇKI -SHKËNDIJA
Në dy ndeshjet e javës së shtatë dje Struga Trim Lumi sh;noi fitore në Kratovë ndërsa Arsimi humbi në Strumicë. Nesër zhvillohet dueli i anuluar nga java e katërt e sezonit vjeshtor Rabotniçki – Shkëndija, . Nesër në program janë edhe dy ndeshje të 1/8 -së së finales së Kupës
Dje ekipi i Struga Trim Lum ka marrë një fitore të rëndësishme në transfertën në Kratovë, duke e mundur Sileksin me rezultatin 3:1. Golat për triumfin e skuadrës shqiptare i realizuan Kompaore dhe Hamza e Zenku ndërsa golin për vendasit e shënoi Hërvanoviq.
Ndeshja mes AP Brera dhe Arsimit të Çegranit përfundoi me fitorene e vendasve 2-1. Autor të golave për vendasit ishin Naumçevski dhe Todorovi, ndërsa Besagiq shënoi për Arsimin
Nesër në arenën ‘’Todor Proeski’’ në Shkup me fillim në ora 15 e 30, zhvillohet ndeshja e anuluar nga java e katërt e kampionatit Rabotniçki – Shkëndija. Me këtë ndeshje do të kompletohet të gjitha ndeshjet deri në javën e shtatë.
Skuadra romantikëve në gjashtë xhirot e zhvilluara ka 1 fitore, 1 barazim dhe 4 humbje, ndërsa ekipi kuqezi ka 4 fitore dhe 2 barazime. Skuadra kuqezi e cila këtë javë ka dy përballje mjaft ë vështira para udhëtimit në Madrid për ndeshjen kundër ekipit Rayo Vallecano në kuadër të fazës së ligës në UEFA Konferencë Liga, pra nesër luan me Rabotniçkin në Shkup, ndërsa të dielën me Silekisn në Tetovë, trajner Jeton Beqiri për dy ndeshjet e radhës deklaroi se ekipi mundohet të përgatitet maksimalisht për të gjitha sfidat
“ Mundohemi që në mënyrë maksimale që të përgatisim ekipin edhe për Rabotniçkin si fillim pastaj edhe për Sileksin. Mendoj se nuk ka ndeshjet lehtë në kampionat, çdo ndeshje ka rëndësinë e vetë dhe ne do mundohemi që të marrim maksimumin nga këto dy ndeshjet për shkak se janë kundërshtarë serioz , janë ekipe me traditë, janë ekipe me futbollist cilësorë dhe e fundit që nuk dua të anashkaloj jam i mendimit se Shkëndija është motivim në vete për çdo skuadër . Çdo futbollist që unë e shohë këtu në Tetovë dhe i ndjek edhe kundër kundërshtarëve tjerë është shumë herë më i motivuar kundër neve. Unë për këtë nuk hidhërohem për përkundrazi ndiej respekt për shkak se ato me këtë angazhim që bëjnë kundër neve shfaqin një respekt të jashtëzakonshëm“ deklaroi trajneri Jeton Beqiri
Po nesër me fillim në ora 15:00, në program janë edhe dy ndeshje të 1/8 së finales së kupës së Maqedonisë. Në Strumicë takohen Bellasica –Detonit Plaçkovica, ndërsa në Ohër luajnë Ohri – Shkupi . Gjashtë ndeshjet tjera të 1/8 së finales do të zhvillohen më 8, 15 dhe 29 tetor, ku do të takohen: Shkëndija Haraqinë- Pelisteri, Shkëndija e Tetovës – Tikveshi, Bashkimi – Sileksi, Makedonija Gj.P – Struga Trim Lum, Rabotniçki – Bregallnica dhe vardari – Novaci
SHABAN SINANI – TV KOHA
Nesër dhe pasnesër në program janë ndeshjet e xhiros së pestë të sezonit vjeshtor në Ligën e dytë. Sipari i kësaj jave hapet nesr me ndeshjen mes Makedonija Gj.P – Kamjani me fillim në ora 16:00
Sezoni vjeshtor në Ligën e dytë të futbollit vendor vazhdon nesër dhe të dielën me ndeshjet e javës së pestë. Nesër në program është vetëm ndeshja mes Makedonija Gj.P dhe Kamjanit . Skuadra vendase sezonin e ri nuk e ka filluar si duhet pasi në katër ndeshje ka vetëm 1 fitore, 1 barazim dhe 2 humbje duke grumbulluar vetëm 5 pikë, kundrejt Kamjnait që ka 2 fitore , 1 barazm dhe 1 humbje me 7 pikë të grumbulluara. Pra dy ekipet në këtë takim kanë për qëllim që të dalin me rezultat pozitiv. Klubi i futbollit Kamjani në këtë ndeshje do të jetë me formacion të kompletuar.
Nga ndeshjet tjera që do të zhvillohen të dielën mund të veçohen përballjet mes dy ish ekipeve të Ligës së parë Rabotniçki kundër AP Brera dhe Bellasica – Teteksi.
Nesër takohen Makedonija Gj.P – Kamjani , ndërsa të dielën takohen: Shkupi – Pelisteri, Novaci – Detonit Plaçkovica , Bellasica – Teteksi. Osogova – Kozhufi, , Ohri – Euromilk dhe Rabotniçki – AP Brera. Të gjitha ndeshjet e javës së pestë fillojnë në ora 16:00
Sport
Bayern Munich dhe Mançester United e kanë e nisur me fitore bindëse aventurën e tyre në sezonin e ri të Ligës së Kampionëve. duke mposhtur Bodo/Glimt 5:0 respektivisht Sabah Baku 4:0.
Në raundin e parë të fazës së grupeve të Ligës së Kampionëve, ekipet e mëdha i përmbushën pritshmëritë. Bayern mposhti Bodo/Glimt 5-0 pas një pjese të parë të tensionuar falë golavetë Musiala, Kane, Davies dhe Olise (dy gola).
Mançester United gjithashtu pati një provë të lehtë, duke mposhtur Sabah 4-0 falë golave të Cunha, Bruno Fernandes, Sesko dhe Lisandro Martinez. PSV e mbajti Shakhtarin në një barazim 1-1, dhe Lens fitoi në transfertë, mposhti Slavia Pragën 3-2.
Supriza e madhe e mbrëmjes në fay;n e lig;s mban emrin e Comos, që mposhti Leipzigun me rezultatin 4-1. Golat për skuadrën italiane u shënuan nga Baturina, Douvikas, Diao dhe Perrone. Goli i vetëm për gjermanët u shënua nga Maksimoviq.
Fenerbahce dhe Roma barazuan 1:1 në xhiron e parë të fazës së ligës . Fenerbah[e ka kaluar në epërsi në minutën e 48-të me golin Brown ndërsa ka barazuar Cristante në minutën e 39-të për Romën. Pas këtij barazimi trajner i Fenerbahçes Ismail Kartal ka ofruar dorëheqje , por presidenti i klubit Yıldırım ka bërë të qartë se dorëheqja nuk pranohet.“İsmail Kartal është ende në krye. Klubi duhet ta mbështesë trajnerin tonë. Derisa të largohem unë, İsmail Kartal është trajneri i Fenerbahçes,” ka thënë ai.
Dy ndeshjet tjera PSV dhe Shakhtar kanë barazuar 1-1, ndërsa Slavia e Pragës ka pësuar humbje 2-3 nga skuadra e Lens.
Raundi i dytë në fazën e ligës të UEFA Liga e Kampionëve vazhdon më 13 dhe 14 tetor.
Me ndeshjen e xhiros së pare këtë fund javë starton sezoni i ri në Ligën e tretë Perëndim ku do të garojnë 13 ekipe. Drita e Bogovinës me përgatitjet e bëra në të gjitha aspektet haptas pretendon të rikthehet atje edhe ku e meriton një rëngë më lartë.
Këtë fundjavë starton kampionati i ri në Ligën e Tretë – Perëndim , ku do të garojnë 13 ekipe nga rajoni i Tetovës, Gostivarit dhe Dibrës.
Nga rajoni I Tetovë në mesin e dhjetë ekipeve, KF Drita e Bogovinës në bazë të kushteve, përkrahjen që ka nga donatorë të shumtë, haptazi ka shpallë pretendimet për të qenë kampion i grupit dhe në kampionatin e ardhshëm të kualifikohet një rangë më lartë.
Për këto pretendime, ekipi nga Bogovina, që ka një traditë mbi 30 vjeçare, ka bërë ndërhyrje në infrastrukturë sidomos te sistemi i ujitjes, rrethojën dhe tribunat me ulëse.
Në një deklaratë për TV Koha, drejtori sportiv Safet Miftari, u zotua se KF Drita do të kthehet atje ku e meriton.
“Ne jemi munduar që pike së pari që stadiumi të ketë bukurinë e vet, me gjitha kushtet infrastrukturore më së pari .Jemi munduar që në maksimum të plotësojmë kushtet primare sa i përket terrenit, sistemit të ujitjes që të ujitet më mirë, tribunës anës veriore që e kemi furnizuar me ulëse , afro 300 e diçka ulëse, presim edhe 600 ulëse të reja që duhet të na sigurojnë nga Federata e futbollit të cilët i falënderojmë edhe pse akoma nuk kanë arritur”
KF Drita në drejtimin e trajnerit Basri Abdiju me përgatitje ka filluar para më tepër se një muaj dhe fillimin e kampionatit e pret maksimalisht e përgatitur.
“ Ne ditën e diel me Jehonën e Përshevcës presim një fitore . Mendoj që jemi shumë mirë të përgatitur dhe kemi ekip mjaft të mirë për këtë sezon , kështu që mendoj se do kemi një fitore ditën e diel“
KF Drita mbrëmë zhvilloi një seancë të rregullt stërvitore ku qartë shihej se futbollistë me padurim presin fillimin e kampionatit për t`i realizuar objektivat.
“ Jemi duke bërë përgatitje afro një muaj e gjysmë, jemi përgatit si duhet e presim ndeshjen siç duhet dhe ishalla me fitore . Synimi i KF Drita për këtë kampionat është që të inkuadrohemi në Ligën e dytë. Kemi punuar fortë dhe mendoj që do ja arrijmë qëllimit dhe në çdo ndeshje një nga një do ia arrijmë suksesit”
Ndeshja Drita – Jehona zhvillohet të dielën në ora 16:00, ndërsa në ndeshjet tjera të xhiros së parë takohen: Liria – Dobroshti, Skënderbeu – Korabi, Cetinska – Xhepçishti, Luboteni – Gradeci dhe Gostivari – Vardari i Bërvenicës.
Reçica është e lire.
SHABAN SINANI – TV KOHA
SHASIVARI: NË TETOR TAKIME ME STUDENTËT SHQIPTARË!
Mexhiti: Premtuam t’ia rikthejmë shkëlqimin Çarshisë, sot rezultati po shihet
RASTI I LLASKARCËS ËSHTË FYTYRA E DËSHTIMIT TË GJYQËSORIT
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga vendi1 month agoDyvjeçar nga Kumanova helmohet me tretës ngjyre, dërgohet në Klinikën “Nëna Terezë”
-
Lajme nga bota2 months agoFestivali kthehet në tragjedi, dy të vrarë dhe disa të plagosur nga të shtënat në Uashington. Arrestohet autori
-
Lajme nga bota2 months agoFranca në alarm, zjarret i afrohen Bordeaux, Macron mbledh qeverinë në takim krize