Sport
KFF LUBOTENI ME PIKË MAKSIMALE AS UNITED PËSON HUMBJEN E PARË
Klubi i futbollit të femrave Luboteni i Tetovës vazhdon rrugëtimin e sukseseve edhe në sezonin e ri pasi në gjashtë xhiro të zhvilluara ka po aq fitore. AS United në Shkup pësooi disfatën e pare.
Kampionati në Ligën e pare të futbollit për femra është duke u zhvilluara sipas orarit të përcaktuar nga ana e organeve të FFM-së. Kështu në javë e gjashtë të sezonit vjeshtor . Vajzat e Luboteni nuk kanë ndalur në xhiron e gjashtë kanë shënuar fitore të thellë në transfertë kundër ekipit Reçica me rezultatin 5-1 dhe me pike maksimale kryesojnë tabelën
Ndeshja derbi e kësaj jave mes ekipeve Skopje 2014 – AS United ka përfunduar me fitoren e vendaseve me rezultatin minimal 1-0 me golin q; e ka realizuar Rabije Dervishi . Kjo ishte fitorja e pestë për vendaset , ndërsa disfata e parë për AS United. Fitoren më të thellë këtë javë e ka regjistruar Istatov 2015 Skopje në transfertë ka mundur Koçanin 8-0.
Rezultatet e javës së 6-të: Tiverija Brera – Kamenica Sasa 2-1, Koçani – Istatov 2015 Skopje 0.8, Top Gol – Vardari 2023 0-0, Skopje 2014 – AS United 1-0 dhe Reçica – Luboteni 1-5
Pas gjashtë xhirove të zhvilluara tabelën e kryeson Luboteni me 18 pikë, para Skopje 2014 me 15 pikë . ndërsa në pozitën e tretë është AS United me 13 pikë
Në xhiron e shtatë takohen: Vardari 2023- Skopje 2014, Istatov 2015 Skopje – Top Gol, Kamenica Sasa – Koçani, dhe Luboteni – Tiverija Brera, të gjitha ndeshjet zhvillohen të dielën, ndërsa AS United – Reçica, luhet më 2 tetor
Gostivari ishte nikoqire e spektaklit të madh të boksit, ku u hvilluan tre duelke të boksit amator dhe katër në boksin profesional. Dulei i mbrëmjes ishte ajo në kategorinë cruiser mes Benjamin Imerit nga Gradeci dhe Edvin Moquera nga Kolumbia.
Mbrëmë në palestrën e sportit ‘Rinia’ në Gostivar u mbajt një spektakël i madh i boksit profesional “GLOBAL IMMOBILIEN NIGHT FIGHT” i përkrahur nga familja Tairi nga Dobërdolli.
Në këtë mbrëmje u zhvilluan katër duele të boksit profesional, ndërsa lufta kryesore ishte ajo në kategorinë cruiser mes boksierit Benjamin Imerit dhe Edvin Moquera nga Kolumbia që përfundoi me fitoren e Imerit në raundin e tretë me nokaut.
Kujtojmë se boksieri 23-vjeçar Benjamin Imeri, i cili ka 15 fitore në boksin profesional, është boksieri i parë shqiptar që ka fituar titullin WBA Junior Champion.
Pas fitores boksieri Benjamin Imeri ekskluzivisht për TV Koha tha se ndihet i lumtur por ka edhe shumë punë për të bërë.
‘’Ndihem i lumtur por por jo i plotësuar mund të them. Kam ende shumë punë për të bërë, më presin shumë punë. Tani me këtë fitore shpresoj të jemë në top 40 e botës . Tani duhet me shtuar edhe punën më shumë dhe të përgatitem , të hy në kampin stërvitore sa më shpejt dhe do vazhdoj prapë me stërvitje derisa të mbrujë numri një i Botës. Qëllimi është si të gjithë boksierët që jem kampion i Botës’’ deklaroi Benjamin Imeri
Benjamin Imeri deri më tani ka 15 luftëra, të gjitha fitore, prej të cilave 13 me nokaut, ndërsa për duelin e radhës do të vendosin menaxheri dhe promotori i tij. Ai tha se fitoren e 15 u dedikon Gostivarit
‘’Këtë fitore ia dedikoi Gostivarit që më ka përkrahur dhe i falënderoi shumë’’ tha ai
Në luftërat tjera të boksit profesional, Ervis Lala që jeton në Itali mundi Srgjan Nikoliq nga Bosnja me nokaut në raundin e tretë, meksikani Anthony El Moeti mundi spanjollin Christian Narvaez me nokaut në raundin e dytë dhe boksieri nga Shqipëria Aldjon Koladani me nokaut në raundin e parë mundi boshnjakun Milosh Vuletiq.
Shkëndija pësoi disfatë 2:1 nga NK Bravo në ndeshjen e parë të raundit të dytë eliminator të UEFA Konferencë Liga. Ky rezultat jep shpresë që në ndeshjen kthyese më 30 korrik në Shkup, me angazhim maksimal dhe me përkrahjen e tifozëve të shënon rezultatin që do t`i siguron kualifikim në raundin e tretë.
Shkëndija është mposhtur me rezultat 2:1 nga skuadra sllovene NK Bravo në Lubjanë ndeshjen e parë të raundit të dytë eliminator të UEFA Konferencë Liga.
Kuqezinjtë kaluan të parët në minutën e 11-të me golin e Endrit Krasniqit nga pika e bardhë, por vendasit arritën të përmbysin gjithçka me golat e Kopatinit dhe Stankoviçit.
Përkundër humbjes, Shkëndija krijoi raste dhe dominoi lojën. Statistikat flasin se posedimi I topit ishte në anën e Shkëndisë me 61%. Kuqezinjtë patën 12 goditje drejt portës, prej të cilëve, 5 në kuadrat kundrejt Bravos me 8 goditje 3 në kuadrat. Shkëndija realizoi 5 goditje këndore kurse skuadra sllovene 1, shifra që flasin se kualifikimi mbetet i hapur për ndeshjen e kthimit.
Pas ndeshjes, trajneri Artim Pollozhani doli përpara mediave për të dhënë analizën e tij.
“Unë i përgëzova çunat për paraqitjen që bënë. Mendoj që kemi bërë një ndeshje të bukur, një ndeshje me shumë raste me një kundërshtar që ne e patëm potencuar edhe më parë që është jashtëzakonisht taktikisht i vendosur mirë në fushë. Normalisht ajo që nuk funksionoi, unë mendoj që është finalizimi, sepse në momentet që në një ndeshje në Kupat e Evropës prodhon volum aq të lartë edhe prodhon raste para portës, që janë që mundësi goli, unë mendoj që është pozitive sepse rastet janë. Tani patjetër që ne duhet të punojmë te kjo pjesa e finalizimit sepse normal në Kupat e Evropës çdo gol është jashtëzakonisht i vlefshëm, çdo gol sidomos në fushën kundërshtare është i vlefshëm, por që më mërzit fakti që prodhuam raste dhe finalizimi mungoi. Kjo është për meritë të çunave sepse unë mendoj që kanë bërë një ndeshje të mirë” deklaroi trajneri Pollozhani
Disfata në ndeshjen e parë është një rast i mirë që me një qasje serioze në ndeshjen kthyese, rezultati mund të përmbyset dhe të kalohet në raundin e tretë kualifikues, ku gjasat janë reale që Shkëndija të përballet me Malishevën.
“Në të tilla ndeshje, praktikisht ndeshje që janë në Kupat e Evropës, nuk ka siguri rezultati. Kështu që edhe po të ishim në një rezultat më pozitiv, praktikisht në Shkup do të duhej të futeshim maksimalisht për ta fituar ndeshjen. Kështu që ndonjëherë ky rezultati negativ është edhe i dobishëm në aspektin e asaj për shembull që futesh me një qasje tjetër në lojë. Jo se po të ishte rezultati pozitiv ne nuk do futeshim me qasje maksimale, përkundrazi, sido që të ishte rezultati ne do futeshim, por unë po e potencoj edhe një herë që më vjen keq për çunat sepse bënë ndeshje të mirë, prodhuam por mungoi finalizimi” tha trajneri Pollozhani
Ndeshja kthyese Shkëndija – NK Bravo zhvillohet më 30 korrik me fillim në ora 20:00 në Shkup.
Shtatë ndeshje të Kupës së Botës 2026 janë raportuar si të dyshimta për manipulim të mundshëm të lidhur me bastet nga Grupi i Kopenhagës, rrjeti ndërkombëtar që monitoron dhe parandalon trukimin e garave sportive.
Raporti i plotë ende nuk është bërë publik, por Këshilli i Evropës ka publikuar një përmbledhje të gjetjeve, pasi FIFA kishte deklaruar se analizat e saj nuk kishin identifikuar lëvizje të dyshimta në tregjet e basteve.
Grupi i Kopenhagës ka lëshuar shtatë alarme të verdha, të cilat tregojnë një nivel të moderuar dyshimi dhe nevojën për verifikime të mëtejshme. Një alarm i tillë nuk nënkupton se një ndeshje është manipuluar, por se janë evidentuar elemente të pazakonta, si luhatje të kuotave, informacione të pakonfirmuara dhe aktivitete të dyshimta në tregjet e basteve apo në rrjetet sociale.
Për këtë arsye, rrjeti ndërkombëtar ka kërkuar informacione shtesë nga FIFA.
Një nga rastet që ka tërhequr më shumë vëmendje lidhet me sulmuesin amerikan Folarin Balogun. Platforma e parashikimeve me kriptomonedha “Polymarket” kishte hapur një treg bastesh lidhur me aktivizimin e tij në ndeshjen ndaj Belgjikës, ndonëse ai ishte i pezulluar pas një kartoni të kuq.
Pezullimi më pas iu anulua dhe Balogun u aktivizua në takim. Sipas raportimeve, një treg i ngjashëm nuk ishte hapur për asnjë nga 14 futbollistët e tjerë të ndëshkuar me karton të kuq gjatë turneut.
Në analizë është përfshirë edhe ndeshja e fazës së grupeve ndërmjet Spanjës dhe Kepit të Gjelbër, e cila përfundoi pa gola. Në platformën “Polymarket” raportohet se ishin vendosur rreth 4.8 milionë dollarë baste që Spanja të mos e fitonte ndeshjen.
Nën shqyrtim është marrë edhe vonesa prej rreth tre minutash e gjysmë e sistemit VAR për anulimin e një goli të Ferran Torresit në fitoren 4-0 të Spanjës ndaj Arabisë Saudite.
Megjithatë, këto alarme nuk përbëjnë prova për manipulim. Ato shërbejnë vetëm si sinjale për situata të pazakonta që kërkojnë hetim dhe verifikim të mëtejshëm.
FIFA vazhdon të mbajë qëndrimin se deri më tani nuk janë evidentuar prova që ndeshjet e Kupës së Botës 2026 janë manipuluar.
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
