Lajme nga vendi
Zgjedhjet lokale/ Tërhiqet shorti i radhitjes,AKI me numrin 4, VLEN me numrin 7
Komisioni Shtetëror i Zgjedhjeve mbajti seancë, në të cilën me short u përcaktua lista e vetme e kandidatëve për Zgjedhjet Lokale 2025. Partia në pushtet VMRO-DPMNE në fletëvotim do të jetë me numrin 9, ndërsa opozitarja LSDM me numrin 5. Qytetarët që dëshirojnë të votojnë për Aleancën Kombëtare për Integrim duhet të votojnë për numrin 4, ndërsa VLEN-i është me numër 7. Përndryshe, lista me numrat rendorë nën të cilët do të paraqiten kandidatët e partive për kryetarë komunash në zgjedhjet e ardhshme lokale është si vijon:
- Përvojë për sukses
- ZNAM
- Partia Demokratike e Serbëve
- Aleanca Kombëtare për Integrim – AKI
- Koalicioni për zgjedhjet lokale 2025 – LSDM
- E Majta
- Koalicioni VLEN
- Koalicioni për të Ardhme të Gjelbër
- Koalicioni “Maqedonia Jote” – VMRO-DPMNE
Fushata zgjedhore për zgjedhjet fillon të hënën më 29 shtator dhe përfundon më 17 tetor, pra 24 orë para ditës së votimit. Qytetarët do të zgjedhin kryetarë komunash dhe këshillat komunalë më 19 tetor, ndërsa raundi i dytë i zgjedhjeve do të mbahet më 2 nëntor. Përndryshe Komisioni Shtetëror i Zgjedhjeve, në kuadër të seancës së rregullt të 136-të, miratoi edhe Planin për zhvillimin e trajnimeve për anëtarët e këshillave zgjedhorë me orar sipas të cilit ato do të mbahen dhe që do të fillojnë javën e ardhshme, në lidhje me zgjedhjet lokale që po afrohen.
Komisioni gjithashtu miratoi Vendimin për publikimin e përshkrimeve të të gjitha 3480 vendvotimeve në vend. Pas marrjes së këtij vendimi, Komisioni do t’i publikojë këto përshkrime në faqen e tij zyrtare të internetit. Siç sqaroi kryetari i KSHZ-së, Boris Kondarko, do të publikohet numri i saktë, adresa dhe lokacioni i vendvotimeve. Ai tha se ka pasur disa ndryshime tek disa vendvotime, ose për shkak të tejkalimit të kufirit prej 1000 votuesish, ose sepse nuk i plotësonin kushtet. Për këtë, shtoi ai, janë informuar me kohë edhe komisionet komunale zgjedhore. Anëtarët e Komisionit miratuan gjashtë formularë propozimesh për përmbledhjen dhe publikimin e rezultateve nga Komisionet Zgjedhore Komunale dhe Komisioni Zgjedhor i Qytetit të Shkupit. Komisioni Shtetëror i Zgjedhjeve miratoi gjithashtu kërkesat për vëzhgim të zgjedhjeve nga ODIHR për 24 vëzhgues dhe nga Shoqata për Zhvillim Rural “Agrolider” nga Krivogashani për pesë vëzhgues. Kondarko theksoi se miratimi i vëzhguesve bëhet në mënyrë të vazhdueshme në çdo seancë, sipas mbërritjes së kërkesave. Ato mund të dorëzohen më së voni 10 ditë para mbajtjes së zgjedhjeve.
Anëtarët e Komisionit vendosën edhe për kërkesat për përjashtim të kryetarëve, zëvendëskryetarëve, anëtarëve dhe zëvendësve të tyre nga komisionet zgjedhore komunale dhe Komisioni Zgjedhor i Qytetit të Shkupit, të paraqitura për arsye personale, shëndetësore ose për shkak të konfliktit të interesit. Në total u shqyrtuan 25 kërkesa për përjashtim, prej të cilave 24 u pranuan për shkak të bazës ligjore, ndërsa një u refuzua. Pas kësaj, Komisioni, me short, zgjodhi anëtarë të rinj në vend të tyre, duke u udhëhequr nga parimi i përfaqësimit të drejtë etnik dhe gjinor. (koha.mk)
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
