Lajme nga vendi
LIDHJA E SPORTEVE SHKOLLORE KOMUNALE MBAJTI KUVENDIN VJETOR
Në Kuvendin e rregullt vjetor kryetari i Lidhjes së Sporteve Komunale Shkollore, dha raportin vjetor për aktivitet sportive gjatë vitit shkollor 2024/2025.
Lidhja e sporteve shkollore Komunale e Tetovës në kuadër të aktiviteteve të saja sot në hapësirat e Komunës së Tetovës mbajti Kuvendin e rregullt. Të pranishëm në këtë kuvendi ishin kryetari i Komunës së Tetovës Bilall Kasami, përfaqësues nga Lidhjes së sporteve të Kosovës, Lidhjes së sporteve të Maqedonisë së Veriut dhe të gjithë profesorët e sportit nga të gjitha shkollat e Tetovës.
Qëllimi i këtij kuvendi ishte që të debatohet për përfshirjen sa më të gjerë të nxënësve të shkollave fillore dhe ato të mesme si në kategorinë e meshkujve dhe atyre të vajzave në aktivitet e sportive dhe nëpër garat që zhvillohen në nivel komunal dhe at republikan. Sporti shihet si një mjet i rëndësishëm për edukimin dhe arsimimin e fëmijëve dhe të rinjve duke kontribuar në zhvillimin e tyre personal dhe shoqëror. Këtë e pohoi edhe kryetari I lidhjes sportive shkollore komunale të Tetovës Bujar Ibraimi
“ Këtë vit Lidhja Sportive Komunale Tetovë organizon Kuvendin e saj vjetor ku do të jepet raport për organizimin e garave për vitin shkollor 2024/2025” , gjithashtu si pikë e dytë e rendit të ditës e kemi edhe ndarjen e mirënjohjeve të punëtorëve sportiv , të shkollave të nxënësve të talentuar të cilët kanë treguar suksese gjatë vitit shkollor 2024/2025. Gjithashtu kemi të ftuar edhe mysafirë nga Federatae Sportit shkollor të Kosovës Adrian Telaku dhe nga Federata e e sportit shkollor të Maqedonisë yonja Elena Mickovska, ku do të shkëmbejmë dhe do të lidhim një marrëveshje bashkëpunimi ku pjesë e saj është edhe komuna jonë’’ deklaroi Bujar Ibraimi
Kuvendin e rregullt vjetor e përshëndeti edhe kryetari Komunës së Tetovës, Bilall Kasami i cili përgëzoi lidhjen e sporteve për aktivitetet e bëra dhe premtoi se gjithmonë do të kenë përkrahjen e komunës. Me këtë rast Lidhja e Sporteve Shkollore në Komunën e Tetovës ndau mirënjohje për shkollat , klubet sportive , nxënësit e talentuar si dhe për mësimdhënësit që kanë dhënë kontribut në zhvillimin e sportit shkollor për vitin 2024/2025
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13