Lajme nga vendi
Mexhiti thotë se përfundoi rruga “Maksut Sadik”, nis ndërtimi i kampusit modern të Universitetit “Nëna Terezë”
Izet Mexhiti ka bërë të ditur sot përfundimin me sukses të një tjetër investimi madhor në Çair – rrugës “Maksut Sadik”, ndërkohë që në të njëjtën ditë ka nisur ndërtimi i kampusit modern të Universitetit “Nëna Terezë”.
Rruga “Maksut Sadik”, me vlerë investimi prej 220 mijë euro, tashmë është gati për t’u vënë në shërbim të qytetarëve. Projekti është realizuar me standardet më të larta të cilësisë, sigurisë dhe funksionalitetit, duke përmirësuar ndjeshëm infrastrukturën urbane të zonës. Kjo rrugë lidh lagjet e Çairit me bulevardin “Nikola Karev” dhe Universitetin “Nëna Terezë”, duke u shndërruar në një arterie të rëndësishme zhvillimore, që lehtëson qarkullimin dhe rrit vlerën urbanistike e ekonomike të komunës.
Në të njëjtën ditë, nisi edhe ndërtimi i kampusit modern të Universitetit “Nëna Terezë”, një investim historik prej 40 milionë euro, i pari i këtij niveli që realizohet nga një qeveri për një universitet shqiptar në Maqedoninë e Veriut.
“Një përfundim dhe një fillim që bashkohen në një mesazh të vetëm: Çairi po ecën përpara, me zhvillim, me dije dhe me vepra që mbeten përjetësisht!”, thotë Mexhiti.
Mexhiti: Rruga “Maksut Sadik” përfundon, nis ndërtimi i kampusit të Universitetit “Nëna Terezë”
Kandidati i koalicionit VLEN për kryetar të komunës së Çairit, Izet Mexhiti sot ka informuar se edhe një investim i ri i ka përfunduar tashmë, bëhet fjalë për rrugën Maksut Sadik.
“Një tjetër investim madhor, rruga “Maksut Sadik” përfundoi me sukses, dhe po në këtë ditë nis ndërtimi i kampusit modern të Universitetit “Nëna Tereza”. Rruga “Maksut Sadik” është tashmë përfunduar me sukses dhe gati për t’u vënë në shërbim të qytetarëve, një investim i realizuar me standardet më të larta të cilësisë, sigurisë dhe funksionalitetit. Me vlerë rreth 220.000 euro, ky projekt shënon një tjetër hap të rëndësishëm në modernizimin e infrastrukturës urbane të Çairit”, tha Mexhiti.
Sipas tij, kjo rrugë që lidh lagjet e Çairit me bulevardin Nikola Karev dhe Universitetin Nënë Tereza është shndërruar në arterie të rëndësishme që lehtëson lëvizjen.
“Falë bashkëpunimit të ngushtë mes Qeverisë dhe komunës së Çairit, kjo rrugë që lidh lagjet e Çairit me bulevardin “Nikola Karev” dhe Universitetin “Nëna Terezë” është shndërruar në një arterie të rëndësishme zhvillimore, që lehtëson qarkullimin dhe rrit vlerën urbanistike e ekonomike të zonës. Dhe simbolika është e jashtëzakonshme, në të njëjtën ditë kur përfundon rruga që çon drejt dijes, nis ndërtimi i kampusit modern të Universitetit “Nëna Terezë”, një investim historik prej 40 milionë euro, i pari i këtij niveli që realizohet nga një qeveri për një universitet shqiptar në Maqedoni të Veriut”, theksoi për fund Mexhiti.
Lajme nga vendi
Bilall Kasami ka reaguar pas ndarjes nga jeta të këngëtarit tetovar: Tetova humbi birin e saj dhe një artist të madh
Me dhembje të thellë, Bilall Kasami ka reaguar pas ndarjes nga jeta të këngëtarit tetovar Shpat Kasapi. Në mesazhin e tij, ai thekson se Tetova humbi një bir të saj dhe një artist të madh, i cili gjatë viteve qëndroi në majat e suksesit.
“Ngushëllime familjes, miqëve dhe gjithë qytetarëve të Tetovës për këtë humbje kaq të madhe! Allahu e shpërbleftë me xhennet!”, shkruan Bilall Kasami.
Reagimi i tij ka prekur shumë qytetarë dhe ndjekës të muzikës së Shpat Kasapit, duke theksuar ndikimin e madh që ky artist pati gjatë karrierës së tij.
Kryetari i komunës së Çairit Izet Mexhiti ka reaguar pas vdekjes së këngëtarit Shpat Kasapi, në moshën 40-vjeçare.
Përmes një postimi në Facebook, Mexhiti ngushëlloi familjen e artistit dhe gjithë komunitetit artistik, derisa shtoi se Kasapi la pas një trashëgimi të çmuar artistike dhe kujtime që do të mbeten gjatë në zemrat e publikut.
“Me dhimbje të thellë morëm lajmin e ndarjes nga jeta të këngëtarit Shpat Kasapi. Ikja e tij e papritur ka lënë një boshllëk të madh te familja, miqtë dhe të gjithë ata që e vlerësonin artin e tij. Shpati la pas një trashëgimi të çmuar artistike dhe kujtime që do të mbeten gjatë në zemrat e publikut. Muzika e tij është një vlerë që nuk shuhet. Në këtë ditë të rëndë, u shprehim ngushëllimet më të sinqerta familjes Kasapi, të afërmve dhe gjithë komunitetit artistik. Qoftë i përjetshëm kujtimi i tij, dhe u prehtë në paqe”, ka shkruar ai.
Lajme nga vendi
Abazi: Edhe policët do të përgjigjen për Koçanin, brenda 10 ditëve pritet akuza për pjesëtarët e MPB-së
Kryeprokurori i Prokurorisë Kundër Krimit të Organizuar dhe Korrupsionit, Islam Abazi thotë se brenda 10 ditëve do të ketë aktakuzë edhe për pjesëtarët e Ministrisë së Punëve të Brendshme, respektivisht për policët, në rastin e diskotekës “Puls” në Koçan, përcjell TV21. Abazi thotë se tashmë janë dëgjuar të gjithë të akuzuarit dhe dëshmitarët në lidhje me këtë rast.
“Nga ana e prokurorit publik në këtë lëndë janë dëgjuar të gjithë të akuzuarit. Janë siguruar të gjitha dëshmitë. Javën e kaluar u dëgjua edhe i akuzuari i fundit. U dëgjuan edhe dëshmitarët dhe u është dhënë njoftim për hetim të përfunduar dhe për dhjetë ditë presim…pasi që të hetohen edhe dëshmitë e reja që i siguruam dhe deklaratat e të akuzuarve dhe dëshmitarëve, presim për shkurt kohë, dhjetë ditë të merret vendimi i Prokurorisë Publike. Të gjitha dëshmitë materiale në lidhje me këtë rast penalo-juridik janë siguruar, nga viti 2012, deri në veprimin e fundit dhe ditën e ndodhisë së fatkeqësisë. Hetimi po zhvillohet në atë drejtim, të shohim lëshimet e secilit prej personave me autorizime policore, cilat janë lëshimet e secilit prej tyre, dhe gjithsesi në aktakuzë do t’i tregojmë të gjitha. Të gjitha lëshimet dhe veprimet e lëshuara nga ana e zyrtarëve të policisë”, tha Abazi.
Bilall Kasami ka reaguar pas ndarjes nga jeta të këngëtarit tetovar: Tetova humbi birin e saj dhe një artist të madh
Kryetari i Çairit, Izet Mexhiti reagon për vdekjen e Shpat Kasapit
Abazi: Edhe policët do të përgjigjen për Koçanin, brenda 10 ditëve pritet akuza për pjesëtarët e MPB-së
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi4 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi3 weeks agoUniversiteti i Tetovës shpreh ngushëllime për vdekjen e studentes Daorsa Spahija