Sport
SHQIPËRIA FITOI 4-2 MIQËSOREN ME JORDANINË
Pas fitores kundër Serbisë më 11 tetor, Kombëtarja shqiptare mbrëmë me një lojë të shkëlqyeshme fitoi miqësoren kundër Jordanisë 4-2. Në këtë ndeshje ka debutuar edhe futbollisti i Shkëndijës, Klisman Cake.
Kombëtarja shqiptare dhuroi spektakël në ndeshjen miqësore në “Air Albania” para një numri të konsiderueshëm të publikut afro 10 mijë të pranishëm në tribuna ndaj Jordanisë, duke fituar me përmbysje me rezultatin 4-2. Publiku edhe njëherë përshëndeti kombëtaren për fitoren e madhe kundër Serbisë në ndeshjen kualifikuese për Botërorin 2026. Autor të golave për kombëtaren Shqiptare ishin Abualnadi autogol, Armando Broja, Arbër Hoxha dhe Nedim Bajrami, ndërsa golat për Jordaninë i realizuan Al Rashdan dhe Ali Olwan
Trajneri Sylvinjo në këtë ndeshje në lojë e ka inkuadruar edhe debutuesin mbrojtësin e Shkëndijës së Tetovë Klisman Cake i cili pas ndeshjes i emocionuar për debutimin e tij tha se tani iu realizua endura që ka pasur që nga mosha më e re .
‘’ Jashtë zakonisht ishte i mirë debutimi i mirë, me rëndësi kompletua edhe me fitore që e zbukuroi akoma më shumë dhe dua të them se jam shumë i emocionuar Jam shumë i emocionuar që si fëmijë si i vogël kur luaja nëpër rrugë e kisha ëndur që një ditë të vesh fanellën e kombëtares dhe tani u realizua kjo ëndur që jam shumë, shumë i lumtur. Që në trening e kam e kam vërejt këtë gjë ta bënin jetën shumë më të thjeshtë si thënë dhe i kisha shumë kollaj me luajt me lojtarë të këtij niveli” deklaroi futbollisti Klisman Cake
Pas kësaj ndeshje kombëtarja do të duhet përgatitet për dy ndeshjet e fundit kualifikuese të grupit K, kundër Andorrës më 13 nëntor në transfertë dhe Anglisë më 16 nëntor në ‘’Air Albania’’ në Tiranë.
SHABAN SINANI – TV KOHA
Java e katërt në Ligën e katërt rajoni i gjashtë karakterizohet me tre fitore të vendasve, një barazim dhe një fitore e e mysafirëve dhe me 24 gola të shënuar. KF Besa vazhdon startin perfekt me katër fitore në po aq ndeshje.
Sezoni vjeshtor në Ligën e Katërt – Rajoni i Gjashtë, ka vazhduar me ndeshjet e xhiros së katërt.
Në pesë ndeshje e zhvilluara vendasit kanë regjistruar tre fitore një ndeshje ka përfunduar me barazim, ndërsa në një ndeshje ka fituara skuadra mysafire ku janë shënuar 24 gola.
Besa e Çellopekut vazhdon rrugëtimin e fitoreve, kësaj radhe në transfertë në stadiumin e Zhelinës mundi ekipin e Treboshit me rezultat të thellë 0-5.
Për Besën kjo ishte fitorja e katërt nga po aq ndeshje të zhvilluara në sezonin vjeshtor.
Ndeshja e vetme që ka përfunduar me barazim 1-1 është takimi Nerashti – Dardania.
Në tre ndeshjet tjera fitore kanë regjistruar ekipet vendase dhe atë Flamurtari – Rinia 6-3, Renova – Genç Kalemler Sport 4-2 dhe Pallatica – Piroku 2-0.
Tabelën e kryeson Besa me 12 pikë.
Një fitore e vendasve dhe katër tw atyre mysafire është epilogu i javës së 10-të në Ligën e Parë të futbollit për femra. Luboteni kryeson me 25 pikë.
Java e 10-të e sezonit vjeshtor në Ligën e Parë të futbollit për femra ka prodhuar një fitore për vendaset dhe katër fitore për mysafiret dhe 16 gola të shënuar.
Lideri në renditjen e tabelës Luboteni i Tetovës kthehet me fitore 2-1 dhe tre pikë nga transferua me Kamenica Kamenicë duke vazhduar të mbanë pozitën e parë.
Fitore të thellë 0-7 në transfertë ka regjistruar Skopje 2014 ndaj Koçanit .
Tiverija Brera ka shënuar fitore minimale 0-2, por shumë të rëndësishme ndaj Pelisterit Pro 2026, ndërsa Vardari 2023 ka mposhtur 0-1 ekipin Istatov 2015 Skopje .
Pas kompletimit të ndeshjeve të xhiros së 10-të, tabelën e kryeson Luboteni me 26 pikë para Skopjes 2014 me 23 dhe Tiverija Brera me 22 pikë.
SHABAN SINANI – TV KOHA
Hari Kejn është fitues i Topit të Artë të revistës „France Football“ për vitin 2026! Sulmuesi i Bajernit të Mynihut mori më së shumti vota në konkurrencë me Lamin Jamalin, Kilijan Mbapenë, Majkëll Olisen, Hviça Kvaratshelian dhe yjet e tjerë të futbollit botëror, duke fituar çmimin më prestigjioz individual në futbollin botëror.
Heri Kejn anglezi 33-vjeçar shkroi histori, duke u bërë futbollisti i parë anglez pas Majkëll Ouenit, në vitin 2001, që fiton këtë çmim. Ceremonia solemne e edicionit të 70-të të ndarjes së Topit të Artë u mbajt në sallën „Palladium“ në Londër, ku u mblodhën emrat më të mëdhenj të futbollit botëror.
Pas këtij vlerësimi historik qëndron një nga sezonet më të mira të karrierës së sulmuesit anglez. Kejn shënoi gjithsej 73 gola në 65 ndeshje gjatë sezonit 2025/26, për Bajernin e Mynihut dhe përfaqësuesen e Anglisë.
Në konkurrencën e femrave, Topi i Artë për vitin 2026 i takoi futbollistes spanjolle Aleksia Puteljas.
Lamin Jamal fitoi çmimin „Kopa“ për futbollistin më të mirë të ri, në konkurrencë me Pau Kubarsin, Uoren Zair-Emery, Lenart Karl dhe Jan Diomande.
Çmimin ia dorëzoi fituesi i mëparshëm i Topit të Artë, Andrij Shevçenko. Pas pranimit të trofeut, Jamali u shpreh me modestinë se bashkëlojtari i tij te Barcelona dhe përfaqësuesja e Spanjës, Pau Kubarsi, e meritonte më shumë këtë vlerësim.
Në konkurrencën e femrave, çmimi i takoi Viktoria Lopezit nga Barcelona.
Për herë të parë u ndanë edhe çmimet për trajnerët më të mirë në konkurrencën e meshkujve dhe femrave, të emërtuara në nder të legjendës Johan Cruyff.
Në konkurrencën e femrave, çmimin e fitoi trajneri i Barcelonës, Pere Romeu.
Te meshkujt, çmimi i takoi përzgjedhësit të Spanjës, Luis de la Fuente, i cili e udhëhoqi përfaqësuesen drejt titullit botëror.
Çmimi „Lev Yashin“, që i ndahet portierit më të mirë të sezonit, në konkurrencën e femrave i takoi Kata Kolit nga Barcelona.
Në konkurrencën e meshkujve, fitues ishte Unai Simon, portieri i Atletik Bilbaos dhe i përfaqësueses së Spanjës.
Bukajo Saka nga Arsenali fitoi çmimin „Sokrates“, i cili ndahet për kontribut të veçantë humanitar dhe aktivitete jashtë fushave të futbollit.
Barcelona u shpall klubi më i mirë i vitit në konkurrencën e femrave, kurse PSG në atë të meshkujve.
Heri Kejn përjetoi atë që ëndërron çdo fëmijë. Teksa po merr urime nga të gjitha anët, vlen të veçohet edhe mesazhi i Shkëndijës së Tetovës, e cila në të kaluarën e kishte Harrin si kundërshtar.
„Krenarë që rrugët tona u kryqëzuan me fituesin e Topit të Artë! Urime, Hari Kejn!“, thuhet në urimin e Shkëndijës.
Kronika e zezë – Tetovë dhe Gostivar, 26 Tetor
LIGA E KATERT: KF BESA RRUGËTON FUQISHËM – KATËR FITORE RADHAZI
FUTBOLL I FEMRAVE: LUBOTENI VAZHDON TË MBAN PRIMATIN NË RENDITJE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni1 month agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni1 month agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga vendi1 month agoDaut Memishi mban premtimin, ndahen vendimet e para – çerdhja “Foleja” në Përshefcë drejt hapjes