Lajme nga vendi
Të dhëna shqetësuese për goditjen në tru, rreth 5000 brenda një viti
Çdo vit në vend regjistrohen rreth pesë mijë raste të reja të goditjes në tru, një ndër sëmundjet më të rënda dhe njëkohësisht shkaku më i shpeshtë i mortalitetit. Nga Klinika e Neurologjisë bëjnë të ditur se goditja në tru nuk përjashton asnjë moshë, ndërsa kanë trajtuar pacientë të moshës 14 vjeçare. Sipas mjekëve, ndër faktorët kryesorë që ndikojnë në shfaqjen e goditjeve në tru janë sëmundjet kardiovaskulare, duhani, stresi kronik, si dhe ndotja e ajrit.
“Në Maqedoni kemi rreth 5 mijë raste të reja në vit të goditjeve në tru që do të thotë jemi vend me incidencë mesatare, kjo do të thotë 200 deri në 300 të goditjeve në tru në 100 mijë banorë, apo raste të reja të goditjeve në tru… Asnjë nga moshat nuk është i mbrojtur nga goditja në tru, mund të paraqitet edhe në moshë fëmijërore për fat të keq. Ne në klinikë i trajtojmë rastet mbi moshën 14 vjeçare, që për fat të keq edhe ato kanë qenë pacientët tanë më të rinj”, tha Anita Arsovoska, mjeke neurologë.
Aktualisht në Klinikën e Neurologjisë ka mungesë të rezonancës magnetike, ku si pasojë pacientët incizimet e tyre i kryejnë në Klinikën e Radiologjisë.
“Në lidhje me diagnostikimin e goditjeve në tru kemi bashkëpunim me Institutin e Radiologjisë. Megjithatë, duke marrë parasysh numrin e pacientëve, jo gjithmonë marrja e rezultateve është e shpejtë. Në këtë drejtim kemi një ide që të furnizohemi me një magnet në Klinikën e Neurologjisë, pasi ata pacientë që kanë nevojë për rezonancë magnetike momentalisht incizohen vetëm në Institutin e Radiologjisë”, deklaroi Jovan Bozhinovski, drejtor në Klinikën e Neurologjisë.
Me rastin e ditës botërore të goditjes në tru, Klinika e Neurologjisë organizoi ditë të hapur ku qytetarët për dy orë kryen kontrolle pa pagesë, në mënyrë që të rritet vetëdijesimi për këtë sëmundje. Vetëm për një ore rreth 50 pacientë kanë shprehur interes për kontrolle mjekësore. /Alsat.mk
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13