Sport
MILEVSKI: DO TË PËRPIQEMI TË PROVOJMË DISA OPSIONE
Reprezentacioni i Maqedonisë nesër zhvillon ndeshje miqësore kundër Letonis në arenën ‘Todor Proeski’’ me fillim në ora 18:00. Hyrja për të gjithë tifozët është falas.
Përfaqësuesja ‘A’ e Maqedonisë në futboll nesër do të luajë një ndeshje miqësore kundër Letonisë në kuadër të përgatitjeve për ndeshjen kualifikuese për Botërorin 2026, kundër Uellsit në Kardif më 18 nëntor, ku me fitore apo eventualisht edhe me barazim do të siguronte pozitën e dytë në grupin J, pas Belgjikës
Trajneri i Maqedonisë, Blagoja Milevski, para mediumeve theksopi se nuk do të kursejë asnjë përpjekje, por do të provojë edhe disa variante para ndeshjes së fundit në grupin kualifikues, e cila do të vendosë për play-off-in për Kupën e Botës të vitit të ardhshëm.
‘’ Sa i përket ndeshjes me Letoninë nuk ka nevojë të bëjmë llogaritje ose të kursejmë, sepse kemi kohë të mjaftueshme për të pushuar para ndeshjes kundër Uellsit në Kardiff. Do të përpiqemi të provojmë disa opsione të ndryshme, si taktikisht ashtu edhe për të parë gjendjen fizike të të gjithë lojtarëve. Letonia është një ekip cilësor dhe fitorja është gjithmonë në mendjen tonë. Çdo ndeshje është e rëndësishme. Në këtë ndeshje, dua të shoh pamjen më të gjerë të Maqedonisë, duhet të mendojmë për të ardhmen. Ne gjithmonë e vëmë theksin te ekipi dhe kështu do të jetë edhe në këto ndeshje”, tha trajneri Blagoja Milevski :
Ndërsa futbollisti Darko Çurlinov i cili pritet ti paraprij repartit të sulmit tha se nuk ka ndeshje miqësore për ne kur luajmë për Maqedoninë, pasi kjo ndeshje i paraprinë ndeshjes më të rëndësishme kundër Uellsit në Kardif, ku Maqedonia ka rastin të sigurojnë play offin për kualifikim në Botërorë
“Kur luajmë për Maqedoninë, nuk ka ndeshje miqësore. Çdo ndeshje për Maqedoninë, rezultati është përparësi. Atmosfera është e shkëlqyer, kemi një shans për t’u kualifikuar për Kupën e Botës. Shpresoj se do të japim maksimumin tonë në dy ndeshjet e ardhshme, dhe do të kontribuojmë për këtë në fushën për të cilën jemi marrë vesh. Është e rëndësishme që të hyjmë siç duhet në ndeshjen tjetër. Një fitore do të jetë një motiv plus për ne para ndeshjes me Uellsin, dhe ndihemi më mirë çdo herë që fitojmë”, tha Çurlinov.
Federata e Futbollit e Maqedonisë (FFM) ka njoftuar opinionin se hyrja në këtë ndeshje do të jetë falas për të gjithë tifozët. Ndeshja miqësore Maqedoni – Letoni, luhet nesër në arenën ‘’Todor Proeski ‘’ në Shkup me fillim në ora 18:00
Skiatori shqiptar, Denni Xhepa, zhvilloi sot garën e parë në Lojërat Olimpike Dimërore Milano-Cortina 2026, që transmetohen në RTSH. Kjo garë shënon edhe debutimin e skuadrës shqiptare në Olimpiadën Dimërore, ku përfaqësohemi me 4 sportistë.
Ai regjistroi kohën 1:31,72, duke u pozicionuar në vend të 34-t në Super G. Xhepa zbriti në pistë i 37-i dhe kjo garë ishte për të një test për Slalomin Gjigant, që do të zhvillohet pas tri ditësh.
Kjo është hera e parë që Shqipëria merr pjesë në një garë shpejtësie në ski.
Përveç Xhepës, në Lojërat Olimpike Dimërore marrin pjesë në disiplina të ndryshme Lara Colturi, Lisa Brunga dhe Semire Dauti. Xhepa garon gjithashtu në Slalom Gjigant më 14 shkurt dhe Slalom më 16 shkurt.
Më 15 shkurt zbresin në pistë Lara Colturi dhe Semire Dauti, të cilat marrin pjesë në disiplinën e Slalomit Gjigant. Më 18 shkurt Lara Colturi, Lisa Brunga dhe Semire Dauti garojnë në disiplinën Slalomit.
Lucas Ignacio Pires, ish-futbollist i Almirante Broën, u vra me një shishe qelqi të thyer gjatë një përleshje në La Matanza të Buenos Aires
Lucas Pires pasoi një plagë të thellë në parakrah që shkaktoi gjakderdhje fatale.
Pampa Mónaco’ publikon pamjet e regjistruara nga një kamerë sigurie në momentin kur, në kontekstin e një grindjeje, një burrë përdor buzën e një shisheje të thyer për t’i shkaktuar një plagë të thellë kundërshtarit të tij.
Sipas burimeve gjyqësore dhe policore, Lucas Pires pësoi një plagë të thellë në parakrahun e djathtë që dëmtoi një arterie, duke shkaktuar një hemorragji fatale .
Lucas Pires u dërgua me urgjencë në Spitalin Nestor Kirchner, por i riu vdiq për shkak të plagës së rëndë, pasi besohet se tehu i xhamit ka arritur në një arterie.
Çështja po trajtohet nga Zyra e Prokurorit të Vrasjeve në La Matanza, e cila po heton si një krim të mundshëm brenda familjes, raporton Marca.
Dy skiatoret koreano-jugore Han Dasom dhe Lee Eui-jin janë përjashtuar për shkak të një substance të gjetur te skitë e tyre, e ndaluar që nga sezoni 2023/24
Skiatoret koreano-jugore Han Dasom dhe Lee Eui-jin janë përjashtuar për shkak të një substance të gjetur te skitë e tyre, e ndaluar që nga sezoni 2023/24. Rihapet debati për substancat e përdorura te materialet sportive.
Skualifikohen për një pomadë të ngjashme me pastën e dhëmbëve. Kjo substancë ka shkaktuar largimin menjëherë nga Olimpiada dimërore të dy skiatoreve nga Koreja e Jugut, Han Dasom dhe Lee Eui-jin. Është fluori i ndaluar në protokoll që nga sezoni 2023/24.
Bën përshtypje fakti se fronti i ri i CIO-s është dopingu te materialet, sepse fluori nuk është gjetur në trupat e sportisteve, por në pajisjet e sportit që ato ushtrojnë, te skitë. Konkretisht, është gjetur në dyllin që teknikët kishin përgatitur për garat në Lago di Tesero. Kështu ka ardhur menjëherë përjashtimi i dy garueseve që gjithsesi nuk do të luftonin për medalje.
Lajmi ka rindezur debatin mbi rëndësinë e substancave që përdoren për skitë për t’i bërë ato më të shpejta gjatë garës. Ekipi italian, për shembull, ka një kamion me më shumë se 500 lloje pomadash, që seleksionohen për diskutimit me sportistët garë pas gare.
ROKAS NË BOGOVINË, TAKON KËSHILLTARËT DHE KRYETARIN E KOMUNËS
SHUMË FJALË, PAK VEPRA – MAQEDONIA SA AFËR AQ LARG BE-së
TRENDAFILOV: PO NDIQEM – KEQPËRDOREN FËMIJTË!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
