Lajme nga vendi
RONI ODAI, STUDIUESI I PËRKUSHTUAR I BIOINFORMATIKËS DHE BIOLOGJISË MOLEKULARE
Roni është doktorant në Universitetin e Lund-it, në Suedi, ndërsa fusha kryesore e studimit përfshinë bioinformatikën, evolucionin e proteinave, sistemet mbrojtëse bakteriale dhe studimi i proteinave virale. Horizonti shkencor i Ronit vjen nga shkollat nordike të kërkimit, ku rreptësia metodologjike bashkëjeton me një kulturë të hapur akademike. Në Lund, në një nga qendrat më të rëndësishme evropiane të biologjisë së avancuar, Roni ka formësuar profilin e tij të shkenctarit të ri, një ndërthurje midis biologjisë molekulare, bioinformatikës dhe shkencave të integruara mjekësore. Roni Odai mbetet një shembull suksesi shkencor. Ai ka rrënjë nga fshati Sllatinë i Tetovës, prej nga vjen babai i tij, i cili punon prej kohësh në Finlandë.
Përgatiti: KDP
Në laboratorët e Universitetit të Lund-it, ku heshtja e instrumenteve shkencore ndërthuret me zhurmën e padukshme të jetës, vepron një profil i veçantë i shkencës bashkëkohore, Roni Odai. Ai i takon një brezi të ri studiuesish që nuk e shohin biologjinë si një mekanikë të thjeshtë të jetës, por si një hartë të thellë të hulumtimit shkencor.
Roni është doktorant në Universitetin e Lund-it, në Suedi, ndërsa fusha kryesore e studimit përfshinë bioinformatikën, evolucionin e proteinave, sistemet mbrojtëse bakteriale dhe studimi i proteinave virale.
Horizonti shkencor i Ronit vjen nga shkollat nordike të kërkimit, ku rreptësia metodologjike bashkëjeton me një kulturë të hapur akademike. Në Lund, në një nga qendrat më të rëndësishme evropiane të biologjisë së avancuar, Roni ka formësuar profilin e tij të shkenctarit të ri, një ndërthurje midis biologjisë molekulare, bioinformatikës dhe shkencave të integruara mjekësore.
Roni Odai ka ndjekur studime të avancuara në bioinformatikë dhe biologji molekulare. Ai është i përfshirë në hulumtime të thella mbi evoluimin e proteinave dhe përdorimin e mjeteve kompjuterike për të modeluar strukturën e proteinave, duke përfshirë edhe përdorimin e AlphaFold, një sistem i avancuar për parashikimin e fold-eve të proteinave.
Aktualisht, ai është pjesë e Atkinson Lab në Universitetin e Lund-it, ku mbetet i fokusuar tek sistemet mbrojtëse bakteriale, veçanërisht ato që lidhen me toxin-antitoxin dhe sistemet mbrojtëse kundër fageve (virus që infektojnë bakteret). Këto hulumtime kanë rëndësi të madhe për kuptimin e mënyrës se si bakteret mbrohen nga infeksionet virale dhe për zhvillimin e metodave të reja në bioinformatikë dhe biologji molekulare.
Kontributet shkencore
Roni Odai ka kontribuar në disa publikime të rëndësishme ndërkombëtare:
- Science Advances (2023): Ka marrë pjesë në krijimin e Viral AlphaFold Database (VAD), një bazë të madhe të strukturave të proteinave virale, duke përfshirë monomere dhe homodimere. Ky projekt ka ndihmuar shkencëtarët të kuptojnë më mirë fold-et e proteinave virale dhe evolucionin e tyre në bakteret, arkea dhe organizmat eukaristë.
- Cell Host & Microbe: Ka kontribuar në studime mbi mekanizmat me të cilët sistemet toxin-antitoxin-chaperone njohin dhe reagojnë ndaj fageve, duke ofruar njohuri të rëndësishme mbi mbrojtjen bakteriale dhe evolucionin e proteinave mbrojtëse.
Publikimi i tij i fundit në “Science Advances”, i realizuar së bashku me Gemma Atkinson dhe Vasili Hauryliuk, shpalos një fushë që pak kush arrin ta ndriçojë. Ky publikim përshkon identifikimin e formave të ruajtura të proteinave në viruset që prekin bakteret, arkebakteret dhe organizmat eukariotë.
Ky është një kontribut që nuk qëndron vetëm në nivelin e të dhënave shkencore, por hap horizonte të reja mbi substancën dhe misteret e jetës.
Profili shkencor i Roni Odait i tejkalon kufirin e ngushtë të teknicitetit shkencor. Në analizat e tij, ai shpesh shfaq një vizion që risjell qasjen që nënkupton se shkenca nuk është vetëm përshkrim, por edhe interpretim i bazuar në dije paraprake dhe kreativitet njerëzor.
Roni Odai është një studiues i përkushtuar dhe i njohur në fushën e bioinformatikës dhe biologjisë molekulare. Ai ka kontribuar në projekte që kanë rëndësi globale për kuptimin e strukturës së proteinave virale dhe mbrojtjen bakteriale kundër fageve. Me aftësitë e tij në modelimin kompjuterik dhe studimin e proteinave, ai ndihmon në zbulimin e mekanizmave komplekse që rregullojnë jetën mikrobiale dhe evolucionin e proteinave.
I përkushtuar, i heshtur, i saktë, Roni vjen si një shkencëtar modern që ndjek ritmin e të menduarit të thellë, me durimin e atij që e di se çdo zbulim është fillimi i një zbulimi tjetër.
Profili i Ronit është një shembull i asaj gjenerate të re shkencëtarësh që shkencën e kuptojnë si një akt leximi të pandërprerë të botës.
Roni Odai mbetet një shembull suksesi shkencor. Ai ka rrënjë nga fshati Sllatinë i Tetovës, prej nga vjen babai i tij, i cili punon prej kohësh në Finlandë.
MPB njofton më datë 27.01.2026 në orën 10:55, në DPB Gostivar është denoncuar se ka një person të vdekur në një hotel në Mavrovë. Ekipi i këqyrjes në prani të prokurorit publik ka kryer këqyrjen në ambientet ndihmëse të hotelit, ku në një nga dhomat e personelit është gjetur i vdekur V.L. (58) nga Ohri. Nga ana e mjekut është konstatuar vdekja pa gjurmë dhune, ndërsa me urdhër të prokurorit publik, trupi është dorëzuar për obduksion.
Ndryshimet në Kodin Penal, korrigjojnë një padrejtësi të rëndë të kryer nga qeveria e LSDM-së…
Mile Lefkov, deputet i VMRO-DPMNE-së, theksoi se ndryshimet në Kodin Penal nga shtatori 2023, të miratuara nga qeveria e mëparshme, zbutën dënimet për korrupsionin, fshinë dispozitat kryesore për abuzimet në prokurimin publik dhe krijuan kushte për parashkrimin e rasteve të profilit të lartë.
Sot, Parlamenti miratoi Ligjin për Ndryshimet në Kodin Penal, të propozuar nga një grup deputetësh të VMRO-DPMNE-së dhe Koalicionit, me 76 vota “pro”.
– Ky ligj korrigjon një padrejtësi të rëndë të kryer me ndryshimet në Kodin Penal të shtatorit 2023, të miratuara nga qeveria e mëparshme, të cilat zbutën dënimet për korrupsionin, fshinë dispozitat kryesore për abuzimet në prokurimin publik dhe krijuan kushte për vjetërsimin e lëndëve të profilit të lartë – tha Mile Lefkov, deputet i VMRO-DPMNE-së.
Ministri i Brendshëm, Pançe Toshkovski, ishte nikoqir i homologes shqiptare, Albana Koçiu, me të cilën biseduan dhe sollën disa vendime të rëndësishme për të mirën e të dyja vendeve, thanë ministrat në fjalë. Sipas Toshkovskit dhe Koçiut, këto marrëveshje kanë të bëjnë me drejtim të lehtësimit të qarkullimit sa më të shpejtë të njerëzve, mallrave dhe kapitalit.
“Një nga vendimet më të rëndësishme ka qenë që sezonin para veror të fillojmë ta implementojmë sistemin “One Stop Shop” edhe me Republikën e Shqipërisë, ku ekipet tona janë duke punuar intensivisht, me çka do të mundësohet qarkullimi sa më i shpejtë i njerëzve. Vendimi i dytë ka të bëjë me çështjen e Qendrës për përmirësimin e bashkëpunimit ndërkufitar për ta avancuar, me ç’rast bashkëpunimi operativ mes të dyja vendet do të rritet edhe më shumë. Po ashtu biseduam edhe për mundësinë që pika kufitare Xhepishtë-Trebishtë afër Dibrës, të largohen barrierat e funksionit që ishin gjatë kohës së dimrit, të funksionojnë deri në ora 16:00, ndërsa gjatë verës deri në ora 20:00, të jetë funksional 24 orë.”, – deklaroi Pançe Toshkovski nga MPB.
Sipas Koçiut, ky takim vjen në vazhdën e një bashkëpunimi shumë të mirë mes të dyja vendeve dhe për të dhënë një mesazh të qartë për vullnetin tonë të përbashkët, sipas ministres shqiptare Republika e Shqipërisë dhe ajo e Maqedonisë së Veriut janë partnere strategjike dhe miqësi të vazhdueshme.
“Dy vende të cilat ndajnë një hapësirë të përbashkët të lidhura shumë më shumë në ngjashmëri, sesa në dallime, si dhe dy vende kandidate për Bashkimin Evropian, prandaj kjo hapësirë që ne ndajmë sot, do të jetë një hapësirë evropiane ku mallrat, kapitali dhe njerëzit do të lëvizin pa kufizime. Për këtë arsye, lehtësimi i procedurave për qytetarët, por edhe për biznesin, është jo vetëm diçka e zgjuar, por është diçka edhe shumë praktike të cilën e bëjmë në funksion të së ardhmes sonë të përbashkët.”, – theksoi ministrja e Punëve të Brendshme e Shqipërisë, Albana Koçiu.
Sipas ministres shqiptare, një bashkëpunim i tillë dhe një Qendër e tillë e koordinuar do të krijojë mundësi akoma më të mëdha për të shkurtuar edhe më shumë burokracitë, për të shkurtuar kohën e kalimit në pikat kufitare, por njëkohësisht do të nxisë edhe më shumë shkëmbimin mes të dyja palëve. Ministrja Koçiu theksoi se gjatë vitit të kaluar ka pasur rreth 5 milionë kalime të njerëzve, si dhe 1.8 milion automjete, me çka tregon se Shqipëria, por edhe Liqeni i Ohrit në Maqedoni ende mbeten të pa eksploruar plotësisht.
58-vjeçari gjendet i vdekur në një hotel në Mavrovë
“Keqpërdorimi i fotove intime” bëhet vepër penale
Maqedonia e Veriut dhe Shqipëria përparojnë bashkëpunimin kufitar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
