Lajme nga vendi
TIMI INVEST FITUES I TURNEUT ‘’KF REÇICA – TV KOHA 2025/26
Ekipi Timi Invest doli fitues i turneut tradicional të futbollit të vogël ‘’KF Reçica – TV Koha’’ ku për 14 ditë ku performuan 28 ekipe u zhvilluan 52 ndeshje dhe u shënuan 465 gloa. Jakup Ramadani u shpall lojtari më i mirë, ndërsa Festim Maçaj portieri më i mirë
Me ndeshjen finale mes ekipit TIMI Invest dhe NES Petrol përfundoi edicioni i 34 Turneu tradicional në futboll të vogël ‘’KF Reçica – TV Koha 2025/2026’’. Fituesi i turneut doli ekipi TIMI Invest pasi në finalen dramatike mundën ekipin NES Petrol pas ekzekutimit të penaltive 3-2 pasi në kohën e rregull dhe pas vazhdimit prej 5 minutave rezultati mbeti barabartë 3-3. Vendi i tretë i takoi ekipit EMKA Petrol pas fitores kundër ekipit TIMI Metal 4-0. Para ndeshjes finale u zhvillua një ndeshje ekzibicionale mes dy ekipeve të veteranëve të klubit të futbollit Reçica. Kujtojmë se nga 20 dhjetori kur filloi turneu performuan 28 ekipe nga rajoni i Pollogut, Shkupi dhe Kërçova, ndeshjet u zhvilluan sipas rregullave struktë të futsallit, ndërsa drejtësi ndanë emra të njohur si Isa Emurli, Imi Medi, Jetmir Zenuni dhe Bekim Selimi.
Për rrjedhën e këtij turneu tradicional pas përfundimit kryetari i Këshillit organizativ Sulejman Ibishi falënderoi të gjitha ekipet dhe ata të cilët e përkrahën turneun në mënyra të ndryshme
‘’Faleminderit KF Reçicës dhe Televizionit Koha që kjo traditë 34 vjeçare respektohet dhe viti nga vit organizimi është më i mirëfilltë dhe më i suksesshëm. Gjithashtu shfrytëzoj rastin të falënderoj të gjithë ekipet që ishin pjesëmarrës i këtij turneu , por nuk dua të anashkaloj që të falënderoj edhe lojtarët profesionist të cilët luajnë në ligën e parë të Republikës së Kosovës gjithashtu edhe në Ligën e parë të Republikës së Maqedonisë së Veriut. Gjithashtu kemi pasur lojtar edhe nga Republika e Shqipërisë. 14 ditë emocione , 14 ditë spektakël dhe finalja ishte qershia mbi tortë , ndeshja përfundoi me një rezultat barazim. Ishte finale e vërtet dhe për fat vendosën penaltit’’ deklaroi Sulejman Ibishi nga Këshilli organizativ
Epiteti lojtar më mirë i turneut i takoi Jakup Ramadanit, ndërsa epiteti portier më i mirë i takoi Festim Maçajt , të dy nga ekipi fitues TIMI Invest
‘’Është një çmim i veçantë duke pasur para sysh se vijmë gjithmonë në këtë turne që organizohet në mënyrë perfektë. Këtë vit e mora çmimin lojtari më i mirë i turneut. I falënderoj organizatorët për këtë super organizim dhe super turnir’’deklaroi futbollisti Jakup Ramadani
‘’Unë ndihem shumë mirë dhe shumë i lumtur. Ishte një lojë shumë e mrekullueshme fal penaltive edhe u shpallëm kampion. Turneu ishte jashtëzakonisht me organizim shumë të mirë , i përgëzoj organizatorët dhe u dëshiroj shumë suksese në vitet tjera’’ deklaroi portieri Festim Maçaj
Trofeun ekipit fitues RIMI Invest e ndau anëtari i Këshillit drejtues të FFM-së, Agim Ibraimi i cili ishte i ftuar special, ndërsa ekipit të dytë NES Petrol trofeun ia dorëzoi drejtori i TV koha Amir Abdiu, ndërsa trofeun për ekipin ekipin e tretë EMKA Petroll e dorëzoi mjeku Visar Miftari, trofeu ekipi më fair play i takoi ekipit Timi Metal. Ndeshjet finale të turneut drejtpërdrejt u transmetuan në platformën rrjetit social fejsbuk të Televizionit Koha, ndërsa në natën e fundit ndeshjet i ndoqën numër i madh i tifozëve
SHABAN SINANI – TV KOHA
Lajme nga vendi
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Shkuma e bardhë u shfaq më 24 korrik, ndërsa Inspektorati Shtetëror për Mjedisin Jetësor, në koordinim me institucionet kompetente, ndërmori inspektime të jashtëzakonshme në terren dhe analiza laboratorike për të përcaktuar shkakun e rastit.
Sipas Inspektoratit, gjatë kontrolleve të kryera te subjektet industriale në zonën që janë nën kompetencë shtetërore nuk janë konstatuar parregullsi ligjore. Autoritetet bëjnë të ditur se subjektet kanë vepruar në përputhje me kushtet e përcaktuara në lejet ekologjike për menaxhimin e ujërave të ndotura.
Institucioni thekson se cilësia e ujit në këtë pjesë të Vardarit ndikohet nga faktorë të shumtë, përfshirë ujërat komunale dhe atmosferike, si dhe aktiviteti i një numri të madh subjektesh afariste në zonën përreth, prandaj të gjitha institucionet kompetente po veprojnë në mënyrë të koordinuar.
Raporti paraprak i Ndërmarrjes Publike “Ujësjellësi dhe Kanalizimi” – Shkup, i dorëzuar më 29 korrik në Ministrinë e Mjedisit Jetësor dhe Planifikimit Hapësinor, konstaton se parametrat fiziko-kimikë të analizuar nuk i tejkalojnë vlerat kufitare të lejuara.
Njëkohësisht, me kërkesë të Inspektoratit Shtetëror për Mjedisin Jetësor, mostra janë analizuar edhe nga një laborator i akredituar. Raporti përfundimtar pritet t’i dorëzohet Inspektoratit dhe Ministrisë më 4 gusht, pas së cilës institucionet kanë paralajmëruar se do ta informojnë opinionin për rezultatet përfundimtare.
Inspektorati Shtetëror për Mjedisin Jetësor bëri të ditur se do të vazhdojë me inspektime të rregullta dhe të jashtëzakonshme për të siguruar mbrojtjen e mjedisit jetësor dhe shëndetit të qytetarëve.
Ndryshe, në lumin Lepenc, i cili e furnizon Lumin Vardar, u shfaq një vëllim i madh i shkumës së bardhë në rrjedhjen e tij në Shkup. Shkuma u raportua si ndotje e madhe e lumit, lum i cili në Karposh bashkohet me Vardarin. Rasti ishte raportuar në orën 14:10./portalb.mk/
Një fëmijë dyvjeçar nga Kumanova është helmuar pasi ka konsumuar një mjet për tretjen e ngjyrës, njofton Ministria e Punëve të Brendshme.
Sipas policisë, rasti është raportuar dje rreth orës 14:00, kur Spitali i Përgjithshëm i Kumanovës ka njoftuar SPB Kumanovë se tek ta ishte sjellë për trajtim një fëmijë dyvjeçar nga Kumanova me shenja helmimi.
Pas marrjes së ndihmës së parë mjekësore, fëmija është transferuar në Kompleksin e Klinikave “Nëna Terezë” në Shkup për trajtim të mëtejshëm.
Nga SPB Kumanovë bëjnë të ditur se po ndërmerren masa për zbardhjen e plotë të rrethanave të rastit.
Ky nuk është rasti i parë i helmimit të fëmijëve në rajonin e Kumanovës. Gjatë vitit të kaluar u regjistruan disa raste të ngjashme, ku fëmijë të moshave të ndryshme u helmuan pasi konsumuan mjete për pastrim, dezinfektues ose tableta të lëna në vende të arritshme për ta.
Autoritetet shëndetësore dhe institucionet kompetente apelojnë që produktet kimike, barnat dhe substancat e rrezikshme të ruhen gjithmonë jashtë mundësisë së fëmijëve, për të parandaluar raste të tilla.
Gjatë muajit korrik, mesatarisht janë regjistruar rreth 15 zjarre në hapësira të hapura në ditë. Falë ndërhyrjeve të shpejta të zjarrfikësve dhe mbështetjes nga mjetet ajrore të Drejtorisë për Mbrojtje dhe Shpëtim (DMSH), të gjitha zjarret janë vënë me sukses nën kontroll dhe janë shuar. Reshjet e shiut gjatë periudhës së kaluar ndikuan në uljen e numrit të zjarreve dhe ngadalësuan përhapjen e tyre, njoftojnë nga DMSH-ja. Megjithatë, periudha me reshje ka përfunduar. Mjafton vetëm një shkëndijë! – thonë autoritetet.
Zjarri në Leshnicë të Tetovës është lokalizuar –thuhet në njoftimin në Facebook të Komandantit të Zjarrfikësve të Tetovës, Avni Ameti, I cili thotë se në koordinim të plotë me të gjitha institucionet përgjegjëse, në terren intervenuan dy avionë të Drejtorisë për Mbrojtje dhe Shpëtim, si dhe ekipet e zjarrfikësve të Tetovës, të cilat punuan pa ndërprerje dhe me përkushtim maksimal.
“U bëj apel të gjithë qytetarëve që gjatë ditëve në vijim të tregojnë kujdes maksimal, të mos ndezin zjarr në ambiente të hapura dhe të raportojnë menjëherë çdo tym apo vatër zjarri në numrin emergjent 112” – thotë Avni Ameti.
Por, jo vetëm kaq!
Sipas tij, pas çdo zjarri që shuhet, fshihet një histori sakrifice, guximi dhe përkushtimi.
Zjarrfikësit përballen çdo ditë me rrezikun për të mbrojtur jetën, familjet dhe pronën e qytetarëve. Nuk është thjesht një profesion – është një mision që kërkon zemër, disiplinë dhe vendosmëri.
Shumica e zjarreve shkaktohen pa qëllim. Qytetarët zakonisht nuk synojnë të shkaktojnë zjarr, por një pakujdesi e vetme mund të ketë pasoja të rënda.
Prandaj bëhet thirrje që të mos hidhen bishta cigaresh në hapësira të hapura, veçanërisht nga automjetet në lëvizje.
-Mos ndizni zjarr apo skara në pyje dhe në vende me bimësi të thatë.
-Pastroni barin e tharë dhe shkurret rreth shtëpive dhe uikend-shtëpizave -dhe krijoni një brez mbrojtës.
-Mos digjni kashtën dhe kullotat. –
-Tregoni kujdes gjatë përdorimit të veglave që krijojnë shkëndija, si gurët prerës dhe aparatet e saldimit.
-Fermerët të jenë të kujdesshëm gjatë përdorimit të pajisjeve për largimin e shpendëve, të cilat mund të shkaktojnë zjarr.
U bëhet thirrje qytetarëve që çdo sjellje të dyshimtë ta raportojnë menjëherë në stacionin më të afërt policor ose në numrin 112.
Raportoni persona që mbajnë lëndë të dyshimta të lëngshme, pishtarë, fishekzjarre të mëdha ose mjete e aktivitete të tjera që mund të shkaktojnë zjarr.
Në kushtet e temperaturave jashtëzakonisht të larta kërkohet kujdes maksimal.
Një shkëndijë mund të shkaktojë një tragjedi të madhe!” – apelojnë nga Drejtoria për Mbrojtje dhe Shpëtim./Tv Koha/
Pas shkumës së bardhë në lumin Vardar, analizat paraprake brenda normave, priten rezultatet përfundimtare
Dyvjeçar nga Kumanova helmohet me tretës ngjyre, dërgohet në Klinikën “Nëna Terezë”
KUJDES MAKSIMAL NGA ZJARRET: NJË SHKËNDIJË MUND TË SHKAKTOJË TRAGJEDI!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
