Dy fitore të vendasve, tre barazime dhe dy fitore të ekipeve mysafire  me 15 gola të shënuar është epilogu i ndeshjeve të javës së 9-të në Ligën e dytë të futbollit vendor. Kamjani kthehet me tre pikë të rëndësishme nga Çairi.

Ekipi i Ohrit vazhdon paraqitjet e shkëlqyera në Ligën e Dytë të Futbollit të Maqedonisë së Veriut, duke shënuar fitore edhe kundër ekipit të Rabotniçkit në derbin e xhiros  së 9-të me rezultat minimal 1-0. Autor i golit vendimtar  ishte David Mateski.

 Në derbin  e Pellagonisë, Pelisteri triumfoi ndaj Novacit me 0-2  dhe vazhdon të mbetet ne mesin e ekipeve pretendente kreun e tabelës .

Osogova bëri një surprizë pasi mposhti AP Brerën me 3-1.

Skuadra e Kamjanit shënon fitoren e parë në transfertë si anëtare e Ligës së dytë duke shënuar fitore  2-0 kundër ekipit të Shkupit në Çair, ndërsa  autor i golave  ishte  Huzri Xhemaili.

Advertisement

Belasica dhe Makedonija GJP ndanë pikët duke luajtur 1-1, ndërsa Kozufi dhe Teteks  luajtën me  barazim 2-2 .

Dueli midis Detonit Plačkovica dhe Euromilk GL përfundoi me barazim pa gola.

Pas ndeshjeve të xhiros  së 9-të tabelën e e kryeson  Ohri me 22 pikë, para Pelisterit që ka  21 dhe Rabotniçkit me 18  pikë.

Java e 11-të e Ligës së Parë hapet të premten me ndeshjen që do të zhvillohet në Kratovë mes Sileksit  dhe Shkëndijës së Haraçinës.

Skuadra vendase  në 10-të xhirot e zhvilluara ka grumbulluar 13  pikë, ndërsa Shkëndija Haraçinës 14 pikë.

Kjo do të  thotë se dy ekipet do të luajnë pa kalkulime për të fituar tre pikët shumë të vlefshme për t`i ikur zonës së rrezikut.

Trajner i  haraçinasve Berat Imeri për Tv Koha tha se në Kratovë udhëtojnë për një paraqitje pozitive.

‘’Në tre ndeshjet e fundit  arkëtuam  një pikë edhe pse  patëm  rival relativisht më të fortë se ne , edhe pse ne me pikët  jemi ok nga mesi i tabelës . Përveç  20 minutave  të para kundër Strugës , unë mendoj se në të gjitha ndeshjet  tjera kemi qenë aty, aty me kundërshtarët tonë. Edhe pse  kundërshtarët  ishin pak më lartë  se ne me  kualitet . Por mendoj se  do mundohemi  pikërisht këtë aspektin psikologjik të cilën e kemi në fillim të ndeshjes ta përmirësojmë dhe që nesër në Kratovë t shkojmë të bëjmë paraqitje  pozitive, të japim maksimumin  dhe pse jo të kthehemi me rezultat pozitivi‘’ deklaroi trajneri Berat Imeri

Advertisement

Trajneri Berat Imeri nuk fsheh ambicjet nga ndeshja në Kratovë. Do të ishte i kënaqur edhe më nje barazim, por sipas tij, skuadra çdoherë synon fitoren.

‘’Ne  çdo ndeshje e përgatisim për fitore. Ne dimë forcën e kundërshtarit. Sileksi është një ekip shumë serioze një ekip  me  përvojë  e  cila disa  vite me radhë ka të njëjtin ekip, të njëjtin trajner. Ne  do shkojmë atje  për ta fituar ndeshjen, por besoj  që edhe me barazim do jemi të kënaqur ‘’ tha trajneri  Imeri

Të dielën mbyllet  java e  11-të me ndeshjet  Arsimi – Bregallnica  që  fillon në ora 12:00  dhe  Tikveshi – Bashkimi që fillon në ora 14:00.