Kampionati  i volejbollit  për  veterenaë  starton më 19  prill me  turnirin e parë që  organizohet  në Gjevgjeli. Në kampionatin e këtij  viti  do të  garojnë  shtatë ekipe. Shkëndija në xhiron e parë  takohet me  Tetovën.

 Në organizim të Federatës së Volejbollit të Maqedonisë së Veriut, nga   19 prilli fillon edicioni i tretë i kampionatit të volejbollit për veteranë. 

 Në këtë edicion do të marrin pjesë shtatë ekipe: Gjevgjelia, Shkëndija, Velesi, Skopje, Strumica, Tetova  dhe Prilepi. 

 Garat do të zhvillohen  me sistemin e turnirëve, ndërsa turniri i parë do të zhvillohet më 19  prill në qytetin e  Gjevgjelisë.

 Ekipin e Shkëndisë do ta drejtojnë tandemi i trajnerëve Miftar Ziberi me ndihmësin Latif Halilin të cilët në dispozicion kanë formacionin më të mirë me të gjithë legjendat e këtij  klubi.

Advertisement

 Kapiteni Durim Luma, gjatë një prononcimi për Tv Koha, nuk e fsheh se në këtë edicion do të jenë pretendent për titull.

 ‘’Këtë vit jemi të mobilizuar edhe më shumë dhe jemi të përforcuar. Kemi një  fond të lojtarëve më të gjerë  në krahasim me  vitin  e kaluar. Kështu që ambiciet  tona  gjithsesi se  janë të luajmë  përsëri në finale por kësaj radhe  besoj  se  do ta  fitojmë  edhe  titullin kampion pasi ne përveç lojtarëve tjerë të cilët kanë marrë pjesë vitin e kaluar. Pra vëllezërit Vela, Zulfi Baftjari,Besim Rexha, Mensur Hamza,  na janë bashkangjitur edhe disa lojtar tjerë  në veçanti Habil Ajet dhe  Naim Abazi që për na do të jenë një mbështetje dhe një përforcim jashtëzakonisht  i madh. Qëllimi është të marrim pjesë pikë së pari dhe pastaj të vinë edhe rezultatet ‘’ deklaroi kapitemi i Shkëndijës Durim Luma

 Kampionati i veteranëve do të zhvillohet  me sistemin e turnirëve, pra në çdo qytet prej nga vijnë ekipet garuese.

‘’ Vendas  të  turnirëve do të jenë  secila  ekip nga  një javë. Shorti bëhet për secilin turnir  veç e veç. Ne tanimë e dimë kënd do ta kemi  kundërshtar në  turnirin e parë, të  dytë dhe të tretë e kështu me radhë deri te i shtati. Turniri i parë mbahet në Gjevgjeli dhe ne për kundërshtarë do ta kemi ekipin e Tetovës që pritet të jetë një derbi i madh kurse turnirin e dytë do të jemi ne nikoqir dhe për kundërshtarë do ta kemi Gjevgjelinë ‘’ tha  kapiteni Durim Luma.

 Në  xhiron e parë më 18 prill në Gjevgjeli  do të  takohen:  Shkëndija – Tetova, Boreci – Skopje  dhe 11 Oktomvri – Gjevgjelia.

Advertisement

Atletico Madrid dhe Paris Saint-Germain pas ndeshjeve kthyese që u zhvilluan  mbrëmë siguruan kualifikim në gjysmëfinale të UEFA  Ligës së Kampionëve. Sonte mësohen edhe dy ekipet  tjera  gjysmëfinaliste. 

 Dy ndeshje, dy kartona të kuq!

Barcelona pretendon se referët kanë përcaktuar fatin e gjysmëfinalistit në dy ndeshjet kundër Atletiko Madridit.

“Katalanasit” assesi të pajtohen se edhe pas 11 viteve nuk do të jenë në garë për të fituar Ligën e Kampionëve.

 Barcelona është eliminuar në mënyrën më të hidhur nga Liga e Kampioneve. Çerekfinalja e kthimit u mbyll me rezultatin 1-2 në favor të katalanasve ndaj Atletikos, por që nuk mjaftoi për shkak të humbjes 0 me 2 në Barcelonë.

Advertisement

 Në pjesën e dytë, VAR u bë protagonist absolut. Fillimisht anuloi një gol të Torres për Barçën dhe më pas solli kartonin e kuq për Garsian te katalanasit dhe këtu ishte fundi i pretendimeve  të  Barcelonës  për  kualifikim në gjysmëfinale. 

 Në ndeshjen tjetër, mes Liverpulit dhe Paris Saint-Germain edhe në  ndeshjen  kthyese kampioni i Francës  shënoi fitore  0-2  dhe me  rezultatin e përgjithshëm  4-0  siguroi kualifikim në gjysmëfinale . Autor i dy golave ishte Ousmane Dembele i  cili u shpall edhe lojtarë i kësaj ndeshje.

 Në gjysmëfinale, Atletico Madrid do të përballet me fituesin e ndeshjes Arsenal  dhe Sporting CP, ndërsa Paris Saint-Germain do të luajë kundër fituesit të përballjes Bayern Munich – Real Madrid.