Lajme nga vendi
Shtetet evropiane përgatiten të ndalojnë mediat sociale për të miturit
Disa ditë pasi ligjvënësit francezë votuan për ndalimin e rrjeteve sociale për fëmijët nën moshën 15 vjeç, kryeministri spanjoll Pedro Sanchez premtoi të mbrojë fëmijët e Spanjës “nga Perëndimi i Egër digjital”.
“Fokusi i veçantë mbi të miturit vjen për shkak të rrezikut të shtuar të dëmeve afatgjata, pasi ata ende po zhvillohen kognitivisht,” i tha DW Paul O. Richter, bashkëpunëtor i lidhur me think tank-un Bruegel me bazë në Bruksel. “Ekziston shumë hulumtim që tregon korrelacione të forta midis përdorimit të mediave sociale dhe problemeve të shëndetit mendor.”
Presidentja e Komisionit Evropian, Ursula von der Leyen, gjithashtu ka shprehur mbështetje për një kufi moshe në të gjithë BE-në, në përputhje me një ligj të ri australian që vendosi kufirin e moshës 16 vjeç për përdorimin e rrjeteve sociale.
Por si mund të zbatohet një ndalim i tillë ― dhe a do të funksiononte vallë?
Cilat vende evropiane po mendojnë të ndalojnë rrjetet sociale për fëmijët?
Në Francë, projektligji do të dërgohet tani në senatin e parlamentit francez për votim.
Në Spanjë, pritet që Këshilli i Ministrave të miratojë ndalimin
“Sot, fëmijët tanë janë të ekspozuar ndaj një hapësire që kurrë nuk ishte menduar ta lundronin vetëm, një hapësirë varësie, abuzimi, pornografisë, manipulimit dhe dhunës,” tha Sanchez ndërsa njoftoi ndalimin e propozuar.
Edhe vende të tjera evropiane po konsiderojnë një ndalim të rrjeteve sociale për fëmijët .
Në fund të vitit 2025, Danimarka vendosi të mbrojë fëmijët dhe të rinjtë nga keqtrajtimi online dhe “të krijojë një kuadër më të mirë ligjor për jetën e tyre digjitale.”
Italia ka prezantuar gjithashtu një projektligj në parlamentin italian për të vendosur kufizime në mediat sociale, përfshirë edhe për influencuesit fëmijë nën moshën 15 vjeç.
Orët e shfletimit të përmbajtjeve jan të dëmshme po riformatojnë trurin e të rinjve dhe shkaktojnë ankth e rreziqe për shëndetin, thonë ekspertët.
Javën e kaluar, Portugalia paraqiti një projektligj që kërkon pëlqimin e prindërve për fëmijët nën moshën 16 vjeç për të aksesuar përmbajtjen e rrjeteve sociale.
Austria gjithashtu po shqyrton një ndalim të rrjeteve sociale, ndërsa Mbretëria e Bashkuar ka nisur një proces konsultimi mbi këtë çështje.
Ndërkohë, parlamentarët evropianë nëntorin e kaluar (2025) rekomanduan një ndalim të mediave sociale në të gjithë Evropën për fëmijët nën moshën 16 vjeç, ndërsa sugjeruan që adoleshentët 13 deri në 16 vjeç të mund të kenë qasje me pëlqimin e prindërve.
Një ide që po diskutohet për verifikimin e moshës është një ID digjitale në të gjithë BE-në. Richter, bashkëpunëtor i lidhur me Bruegel, tha se ID-ja digjitale e BE-së parashikohet si një mjet që do të verifikonte moshën e përdoruesit pa kompromentuar të dhënat personale.
“Do t’u lejonte njerëzve të verifikonin në mënyrë digjitale se janë mbi një moshë të caktuar pa pasur nevojë për të regjistruar asnjë të dhënë personale shtesë, si data e lindjes, emri, adresa ose numri i identifikimit. Kjo do të lehtësonte zbatimin e një kufizimi moshor digjital,” tha Richter.
Eksperti: Ndalimi i mediave sociale nuk do të lehtësonte ‘problemet strukturore’
Richter u pajtua se mungesa e kërkimeve të mjaftueshme e bën të vështirë të argumentohet në mënyrë përfundimtare për një moshë specifike si kufiri optimal.
Vetëm BE-ja mund të detyrojë platformat online të bëjnë ndryshime sistematike
Bashkimi Evropian ka mbështetur një moshë madhore digjitale, por ka paralajmëruar shtetet anëtare që të mos shkelin Ligjin e tij për Shërbimet Digjitale (DSA), i cili kërkon nga kompanitë teknologjike të zbusin rrezikun lidhur me algoritmet dhe ndikimin te të miturit.
“DSA dhe Komisioni i BE-së janë entitetet e vetme që mund të vendosin detyrime shtesë mbi platformat shumë të mëdha,” u tha gazetarëve Thomas Regnier, zëdhënësi i Komisionerit për Teknologjinë.
Para një jave, Elon Musk, pronari i platformës së mediave sociale X, e etiketoi kryeministrin e Spanjës “një tiran dhe tradhëtar të popullit të Spanjës,” pasi ky i fundit njoftoi planet e tij për të ndaluar mediat sociale për fëmijët.
Të punësuarve në NPK Tetova Tetovë, ka gati 27 mauj që nuk u paguhet sigurim shëndetësor dy muaj pa marr paga. Të punësuarit e kësaj ndërmarrje nuk i kanë marr as rrogat e janarit dhe të shkurtit, pasi që dy ditë para festës së Bajramit llogaria e ndërmarrjes është bllokuar nga ana e drejtorisë për të hyra publike.
AVZI RIZVANI – Përfaqësues i Sindikatës
“ Me kontributet pak është puna ngarkuar janë akumuluar vite ta pa paguara kontributet , jemi në rrjedha me një potencial për ti realizuar, jemi në kontakt me drejtorin dhe kryetarin e komunës ku na kanë premtuar se shumë shpjet do rregullohet pagesa. Me rroga lart posh tuk kemi keq , kemi të pa marrë rrogën e janarit she shkurtit por para festës na bllokun xhirollogarinë ku edhe ngecëm me rrogën e janarit.”
Kryetari i komunës së Tetovës Bilall Kasami thotë që po punon për zgjidhjen e problemit me kontributet e punëtorëve të NPK-së. Kasami bën me dije që bëhet fjalë për shumë të madhe të mjeteve financiare që duhet kohë për t’i siguruar.
BILALL KASAMI – Kryetar i Komunës Tetovës
“Është një obligim i lartë financiar që kalon mbi 40 milion denar , për kontributet e ndërmarrjes komunale që i bie se komuna do të duhet të siguroj të ardhura të jashtëzakonshme do kisha thënë dhe jemi duke punuar që në momentin e parë që të sigurohen këta të ardhura të bëhet pagesa e atyre kontributeve , ajo që është fokusi jonë në këto momente është që të marrin rroga në kohë dhe deri më tash i kanë marr rrogat në kohë .”
Përndryshe, punëtorët e NPK-së për vite me rradhë kanë pasur probleme me pagat dhe sigurimin shëndetësorë. Madje disa herë me rradhë edhe është protestuar.
Obeziteti paraqet një problem serioz shëndetësor dhe ka një trend shqetësues në botë por edhe në vendin tonë, që prek edhe fëmijtë dhe adoleshentët, kanë paralajmëruar autoritetet shëndetësore. Ky trend shqetësues, që prek veçanërisht fëmijët dhe adoleshentët, ishte në fokus të një simpoziumi profesional.
Obeziteti po shndërrohet gjithnjë e më shumë në një nga problemet më serioze shëndetësore në Maqedoninë e Veriut, me rreth 30 deri 35% të popullsisë të prekur nga kjo gjendje kronike.
Autoritetet paralajmërojnë se bëhet fjalë për një sëmundje të lidhur me mbi 200 komorbiditete, përfshirë sëmundjet kardiovaskulare dhe diabetin e tipit 2, ndërsa shqetësues mbetet edhe trendi në rritje te fëmijët dhe të rinjtë.
Ministri i Shëndetësisë, Azir Aliu, theksoi se sistemi po përpiqet të përgjigjet përmes hapjes së qendrave për trajtim, përfshirë edhe qendrën e re në Ohër, si dhe përmes forcimit të edukimit dhe parandalimit.
Ekspertët nënvizojnë se përballja me këtë problem në rritje kërkon një qasje të koordinuar – nga institucionet, sistemi shëndetësor dhe sektori civil, deri te rritja e vetëdijes së qytetarëve për mënyra të shëndetshme jetese.
Ministri i Shëndetësisë, Azir Aliu, theksoi rëndësinë e funksionimit të qendrave për trajtimin e obezitetit në Klinikën e Endokrinologjisë dhe në Spitalin “8 Shtatori”, ndërsa bëri të ditur se këtë javë në spitalin e Ohrit është hapur qendra e parë për menaxhimin e obezitetit në rajonin jugperëndimor.
Lajme nga vendi
Nëna dërgon vajzën 14-vjeçare për kontroll, mjekët konfirmojnë shtatzëninë e avancuar!
Një ngjarje tronditëse është denoncuar në SPB Shkup gjatë orëve të para të ditës së sotme (28.03.2026). Një nënë 31-vjeçare nga Shkupi ka raportuar se vajza e saj e mitur, vetëm 14 vjeç, është në gjendje të avancuar shtatzënie.
Sipas raportit policor, nëna e ka dërguar vajzën për kontroll në Klinikën Gjinekologjike (GAK) pranë kompleksit të klinikave “Nënë Tereza” në Shkup, pasi kishte krijuar dyshime mbi gjendjen e saj. Pas kontrollit mjekësor, është konfirmuar zyrtarisht se e mitura është shtatzënë.
E mitura ka rrëfyer më pas para nënës së saj se gjatë verës së vitit 2025, kishte kryer marrëdhënie seksuale vullnetare me një të mitur tjetër, me të cilin ishte në lidhje në atë kohë.
Policia njofton se po ndërmerren të gjitha masat e nevojshme për zbardhjen e plotë të rastit dhe trajtimin e duhur të situatës sipas ligjeve në fuqi për të miturit.(INA)
NPK TETOVA, TË PUNËSUARIT 27 MUAJ PA SIGURIM DHE 2 MUAJ PA RROGA
RRETH 35% E POPULLSISË VUAN NGA OBEZITETI!
Nëna dërgon vajzën 14-vjeçare për kontroll, mjekët konfirmojnë shtatzëninë e avancuar!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Lajme nga rajoni2 days agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota2 days ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen