Prej kur VLEN-i, si humbës u bë pjesë e qeverisë, “bota serbe” është më e pranishme se kurrë në Maqedoninë e Veriut – këtë e konfirmon për dy vite me radhë edhe Raporti i Parlamentit Evropian – thuhet në një reagim nga BDI-ja.

Sipas tyre, për dy vite me radhë, Raporti i Parlamentit Evropian evidenton shqetësimin për rritjen e ndikimit të “botës serbe” në Republikën e Maqedonisë së Veriut dhe apostrofon qartë promovimin e këtyre politikave nga përfaqësues të pushtetit.

Nuk është aspak rastësi që paralelisht me këtë ndikim po vazhdon edhe gërryerja sistematike e Marrëveshjes së Ohrit, përmes vendimeve të Gjykatës Kushtetuese dhe politikave të kësaj qeverie pa legjitimitet etnik, thonë nga BDI.
Faktet flasin vetë. Nga roli dhe ndikimi politik i Ivan Stoilkoviqit brenda qeverisë, deri te deklaratat e tij publike se ka “shpëtuar” përfaqësuesit e VLEN-it nga turpi politik; nga afrimi me strukturat politike të Milorad Dodikut, deri te kontratat në sektorin energjetik me kompani të lidhura me interesat e tij; nga zgjerimi i pranisë së kapitalit bankar serb në vend e deri te një sërë vendimesh institucionale që kanë krijuar hapësirë për forcimin e këtij ndikimi – të gjitha këto përbëjnë një mozaik që nuk mund të mohohet.

Kanë reaguar nga VLEN. Sipas tyre, BDI nuk e mbron kauzën shqiptare, por e mban peng.

VLEN përmes reagimit thotë se BDI-ja nuk mund t’ua falë shqiptarëve që e dërguan në opozitë, prandaj tani po u hakmerret duke e bllokuar Ligjin për përfaqësim të drejtë.

Advertisement

Shqiptarët nuk ua kanë borxh pushtetin e përjetshëm karrigexhinjve të Reçicës së Vogël. Nuk u kanë borxh a ministra, as drejtorë dhe as tenderë. Aq më pak ua kanë dhënë të drejtën që, vetëm pse mbetën pa kolltuqe, ta bllokojnë Ligjin për përfaqësim të drejtë dhe ta rrënojnë Marrëveshjen kornizë të Ohrit. Plot 25 vjet e kishin edhe gurin, edhe arrën në dorë, por nuk u shkoi mendja që këtë të drejtë ta mbronin me ligj. Më të rëndësishme i kishin tenderët, pasurimin personal dhe pazaret e pista. Tani, kur dikush tjetër po e kryen punën, nga dëshpërimi kapen pas një fijeje kashte dhe kërcënojnë se do ta bllokojnë gjithë Kuvendin.

Sipas VLEN, Shqiptarët nuk janë plaçkë partiake e askujt dhe të drejtat e tyre nuk janë monedhë për kusure politike. Marrëveshja e Ohrit, sic thonë nga VLEN, nuk është tapi as e Ali Ahmetit dhe as e karrigexhinjve të tij të përjetshëm. Ajo u përket qytetarëve dhe askush nuk ka të drejtë ta mbajë peng për shkak të etjes së shfrenuar për pushtet, thuhet në reagimin e VLEN-it./Tv Koha/

Çmimet e naftës kanë pësuar rënie në tregjet ndërkombëtare pasi Presidenti amerikan Donald Trump njoftoi ndalimin e sulmeve ajrore ndaj Iranit dhe sinjalizoi se negociatat për rihapjen e Ngushticës së Hormuzit po avancojnë.

Nafta e papërpunuar Brent, standardi ndërkombëtar, ra me rreth 5.6% duke zbritur në afërsisht 83 dollarë për fuçi, ndërsa nafta amerikane u ul me rreth 5.5%, duke shkuar pranë 80 dollarëve për fuçi.

Rënia e çmimeve erdhi pasi tregjet reaguan ndaj mundësisë së një zgjidhjeje diplomatike dhe uljes së tensioneve mes SHBA-së dhe Iranit.

Ngushtica e Hormuzit mbetet pika kryesore e krizës

Ngushtica e Hormuzit është një nga rrugët më të rëndësishme të transportit të energjisë në botë. Përpara nisjes së konfliktit, rreth 20 milionë fuçi naftë kalonin çdo ditë përmes kësaj zone.

Advertisement

Megjithatë, tensionet ushtarake kanë kufizuar trafikun detar dhe kanë rritur pasigurinë në tregjet globale.

Edhe pse Trump ka ndaluar planet për sulme të reja ndaj Iranit, Teherani nuk ka dhënë ende sinjale të qarta se do të ndryshojë qëndrimin e tij për Ngushticën e Hormuzit.

Një zëdhënës i Ministrisë së Jashtme iraniane tha se një mirëkuptim me Omanin për një rrugë alternative detare nuk do të thotë automatikisht rihapje të ngushticës.

Disa anije janë përballur me kërcënime gjatë përpjekjeve për të kaluar nëpër Ngushticën e Hormuzit, ndërsa Trupat e Gardës Revolucionare të Iranit kanë ndërhyrë ndaj disa mjeteve detare.

Ndërkohë, Arabia Saudite ka rritur përdorimin e rrugëve alternative të transportit të naftës përmes Ngushticës Bab al-Mandeb. Por edhe kjo zonë mbetet e pasigurt për shkak të sulmeve të rebelëve Huthi në Jemen, të mbështetur nga Irani.

Advertisement

Tregjet globale tashmë presin të shohin nëse negociatat mes Uashingtonit dhe Teheranit do të sjellin një marrëveshje që do të rikthejë qarkullimin normal të energjisë në rajon.

Kryetari i Lidhjes Shqiptare, Ziadin Sela, i shoqëruar nga Kryetari i Kuvendit të partisë, Elmi Aziri, kanë takuar sot në Prishtinë, Kryeministrin në detyrë të Republikës së Kosovës, z.Albin Kurti.

Në takim u bisedua për zhvillimet politike në dy vendet dhe rajon, sfidat e përbashkëta dhe tema të tjera me interes kombëtar dhe për qytetarët e dy vendeve.

Kryetari Sela potencoi rëndësinë e formimit të institucioneve si jetike për vazhdimim e proceseve të rëndësishme që e presin Kosovën si në zhvillimet e brendshme ashtu në procesin integrues, duke përshëndetur dhe inkurajuar në këtë drejtim dialogun me opozitën dhe pjekurinë politike e shtetëformuese të partive politike.

Kreu i Lidhjes Shqiptare diskutoi me Kryeministrin Kurti për situatën politike në Maqedoninë e Veriut, duke shpalosur shqetësimet në lidhje me tendencat për tu zhvlerësuar edhe ato pak të drejta kolektive të shqiptarëve në Maqedoninë e Veriut, siç është edhe rasti i Ligjit për përfaqësim të drejtë dhe adekuat.

Në bashkëbisedim, kryetari Sela shprehi interesim edhe për rjedhën e projekteve infrastrukturore si rruga Shkup-Bllacë dhe ajo Tetovë-Prizren.

Advertisement

Procesi euro-integrues u vlerësua si tejet i rëndësishëm për të ardhmen e vendeve tona dhe u cilësua si rrugë e vetme dhe pa alternativë, ndërsa bashkëpunimi i ndërsjellë do të lehtësojë dhe përshpejtojë këtë proces.(INA)