Lajme nga vendi
TËRMETI: TETOVARËT TË SHQETËSUAR – EKSPERTËT QETËSOJNË SITUATËN!
Mbrëmë rreth orës 22:05 territori I RMV-së u godit nga një tërmet me epiqendër në Kosovën fqinje, rreth 45 kilometra në veriperëndim të Shkupit. Sipas të dhënave të Opservatorit Sizmologjik pranë FSHMN-së në Shkup, tërmeti ka qenë me manjitudë me 4.6 sipas shkallës Rihter.
Rajoni I Tetovës, Gostivarit dhe Shkupit mbrëmë përjetuan makth të vërtetë. Bashkë me disa rajone të Kosovës u ndjenë lëkundjet më të fuqishme dhe sipas të dhënave zyrtare intensiteti ka qenë 5 ballë sipas Shkallës Makrosizmike Evropiane.
Sizmologët thonë se tërmeti ka qenë aq I fuqishëm që të ndjehet nga një numër I madh I qytetarëve, por fatmirësisht deri tani nuk ka denoncime për dëme materiale ose të lënduar.
Lëkundjet e tërmetit në Tetovë mbrëmë detyruan që shumë njerëz të largohen nga objektet e banimit, nga frika e goditjeve tjera, kurse nëpër rrjetet sociale janë shpërndarë pamje të kamerave të sigurisë që tregojnë intensitetin e tërmetit.
Mbrëmë Tetova përjetoi një makth të vërtetë. Lëkundjet e tërmetit shqetësuan shumë banorë. Shumë prej tyre dolën para objekteve të banimit, për të shmangur goditjet tjera eventuale.
Por, c`thonë qytetarët e Tetovës? Si e përjetuan ata natën e mbrëmshme?
“Pata pak frikë, por u tejkalua se u ndal për fat të mirë”
“Si do të përjetosh, pak zgjati dhe kaloi”
“Si zakonisht, tërmeti është tërmet, s`ka paralajmërim. Dolëm në rrugë dhe u kthyem menjëherë”
“Mos më pyet se ende nuk mund të qetësohem”
“Nuk dolëm nga shtëpia, por u përgatitëm të jemi të gatshëm me iukë nëse ndodh edhe faza e dytë”
Pas tërmetit të orës 22.05, sizmologët thonë se janë shënuar edhe lëkundje tjera apo aftershock, që janë të zakonshme pas valës së parë të tërmetit.
Profesori i rregullt I Institutit për Gjeografi, Dr.Ivica Milevski, ka dhënë mesazhe qetësuese duke pohuar se nuk ka hapësirë për shqetësime duke shtuar bëhet fjalë për procese natyrore gjeologjike.
“Asgjë e tmerrshme, Mali Sharr jo I qetë akoma po rritet, madje edhe për disa milimetra (që nuk është edhe pak). Le ta bëjë punën që e ka bërë me miliona vite, pak nga pak, kurse ne mund të pushojmë” – ka shkruar në rrjetet sociale profesori Milevski.
Në këtë rajon edhe para dy ditëve u shënuan lëkundje sizmike me 3 ballë sipas Shkallës Makrosizmike Evropiane.
Edhe pse tërmetet ishin me manjitudë mesatare dhe nuk kanë shkaktuar dëme, sërish rikujtojnë se ky rajon mbetet me aktivitet sizmik.
Një nënë dhe dy fëmijë u lënduan këtë fundjavë në një aksident me katër rrota në një fshat të Tetovës.
Më 01.08.2026 në orën 13:25, në SVR Tetovë nga Ndihma e Shpejtë Mjekësore e Tetovës u raportua se një katërrrota kishte dalë nga rruga në territorin e fshatit Bozovcë. Oficerët e policisë nga SVR Tetovë shkuan në vendin e ngjarjes dhe konstatuan se M.A. (43 vjeç) nga fshati Shipkovicë, me qëndrim në Gjermani, duke drejtuar një katërrrota, në të cilën si pasagjerë ishin dy fëmijët e saj të mitur, kishte dalë nga rruga. Personat u transportuan në Spitalin Klinik të Tetovës, ku u konstatuan lëndime trupore, informoi MVR.
Prokurori publik nga PTHP Tetovë është njoftuar.
Situata epidemiologjike në Gostivar mbetet stabile, vlerësojnë nga Ministria e Shëndetësisë, edhe pse numri i kontrolleve të para shënoi rritje krahasuar me ditën paraprake. Ndërkaq, nga MSh-ja njoftojnë se në të gjithë territorin e vendit nuk janë regjistruar raste të reja të konfirmuara laboratorikisht me ethet e Nilit Perëndimor.
“Situata në Gostivar mbetet stabile – nuk ka raste të reja të konfirmuara laboratorikisht me ethet e Nilit Perëndimor. Gjatë 2 gushtit janë regjistruar gjithsej 84 kontrolle të para, që është për 27 më shumë krahasuar me ditën paraprake, kur ishin evidentuar 57 kontrolle. Pavarësisht rritjes ditore, numri i kontrolleve mbetet dukshëm më i ulët krahasuar me kulmin e 18 korrikut, kur u regjistruan gjithsej 649 kontrolle. Sa u përket etheve të Nilit Perëndimor, në Institutin e Shëndetit Publik nuk kanë arritur raste të reja të konfirmuara laboratorikisht. Mostrat e fundit nga rastet e dyshuara kanë rezultuar negative në testimin PCR. Gjithashtu, në Klinikën e Sëmundjeve Infektive nuk ka pacientë të rinj të pranuar me dyshime për ethet e Nilit Perëndimor. Ministria e Shëndetësisë, në koordinim me institucionet kompetente, vazhdon ta monitorojë me kujdes situatën dhe do ta informojë me kohë opinionin për të gjitha të dhënat e reja relevante”, thonë nga MSH.
Qendra për Menaxhimin e Kriseve (QMK) njofton se gjatë 24 orëve të fundit, deri në orën 08:00 të datës 3 gusht 2026, në të gjithë vendin janë regjistruar gjithsej 30 zjarre në hapësirë të hapur.
Sipas informacioneve të fundit, momentalisht nuk ka zjarre aktive. Nga numri total, një zjarr është vënë nën kontroll, ndërsa 29 të tjerë janë shuar plotësisht.
Nën kontroll mbetet zjarri në territorin e komunës së Brodit Maqedonas, midis fshatrave Sllatinë dhe Greshnicë, ku digjej pyll i degraduar me drurë të ulët dhe vegjetacion i ulët.
QMK informon se shërbimet kompetente vazhdojnë të ndjekin situatën në terren dhe mbeten të gatshme për ndërhyrje të shpejtë në rast se shfaqen zjarre të reja.
Nëna dhe 2 fëmijë dolën nga rruga, lëndohen rëndë
Gjendja epidemiologjike në Gostivar stabile
Gjatë 24 orët e fundit janë regjistruar 30 zjarre në hapësirë të hapur
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
