Lajme nga vendi
FILIPÇE: TË TËRHIQET LIGJI PËR ARSIM TË LARTË
Lideri I LSDM-së, Venko Filipçe, ashpër ka reaguar ndaj ligjit të propozuar për arsim të lartë. Ai deklaroi se ligji është katastrofal dhe menjëherë duhet të tërhiqet.
Sipas Filipçes nëse ligji dorëzohet në këtë formë, LSDM-ja do të inicojë debat publik dhe mobilizimin e ekspertëve.
VENKO FILIPÇE – KRYETAR I LSDM-së
“Vlerësoj se ndryshimet e propozuara në Ligjin për Arsim të lartë janë katastrofike dhe në vend të progresit së cilësisë, vendoset kontroll qeveritar ndaj universiteteve – një formë e totalitarizmit arsimot. Ligji shkakton diskriminim, cënon autonominë e universiteteve, hap derën e partizimit dhe shkakton padrejtësi sistematike dhe sociale”
Ministria e Arsimit në fillim të shkurtit paralajmëroi reforma gjithëpërfshirëse në arsimin e lartë. Ministrja Vesna Janevska tha se në përgatitjen e ligjit në mënyrë vullnetare kanë marrë pjesë mbi 60 profesorë, institucione, student dhe ekspertë.
Ligji duhet ta zëvendësojë ligjin aktual të vitit 2018. Parasheh model të f9nancimit me dy komponente, me cka do të shpërblehen universitetet me rezultate më të mira.
Vëmendje të vecantë tërheqin kriteret e reja për titujt akademik. Kandidatët për docent, profesor të rregullt e të çrregullt duhet të publikojnë 6 deri 7 punime shkencore, prej të cilëve gjysma e tyre të publikohen në revista të indeksuara në Ueb of Sciense ose Scopus.
Lajme nga vendi
Rindërtohet një rrugë në Dobrosht të Komunës së Tearcës investim mbi 13 milionë denarë
Kryetari i Komunës së Tearcës Daut Memishi së bashku me zv/ministren e Transportit Kaltrina Zekolli qëndruan sot në fshatin Dobrosht të Komunës së Tearcës për të inspektuar punimet e shtrimit të një rruge. Memishi tha se rreth 600 metër rrugë me 6 metër gjërësi dhe standard të lartë e cilësor, janë detajet e këtij projekti më se të nevojshëm për banorët e fshatit Dobrosht. Sipas tij, ky është projekti i parë nga granti i qeverisë ndërsa në vijim do të ketë edhe projekte tjera.
DAUT MEMISHI – Kryetar i Komunës së Tearcës
Zv/ministrja e Transportit Kaltrina Zekolli Shaqiri tha se ky është vetëm një nga 7 projektet që Qeveria ka ndarë për Komunën e Tearcës që në total kapin shumën 2.1 milionë euro ndërsa projeki konkret kushton 13 milionë denarë ose rreth 200.000 euro.
KALTRINA ZEKOLLI SHAQIRI – Zv/ministre e Transportit
Përndryshe në këtë ngjarje nga gazetarët u vu në pah mungesa e rrjetit të kanalizimit nëpër fshatërat e Komunës së Tearcës ndërsa të dy përfaqësusit institucional, Zekolli dhe Memishi u zotuan se do të punojnë në realizimin e kësaj mungese që ua vështirëson jetën banorëve të kësaj zone.
LSDM-ja ka dorëzuar kallëzim penal kundër kryeministrit Hristijan Mickoski, duke e akuzuar për shkelje serioze të rendit kushtetues dhe juridik në shtet.
Socialdemokratët thonë se kryeministri, nga pozita e pushtetit ekzekutiv, ka paralajmëruar publikisht ndjekje penale dhe ka targetuar individë nga opozita dhe familjet e tyre, gjë që sipas tyre paraqet ndërhyrje të drejtpërdrejtë në punën e institucioneve të drejtësisë.
ALEKSANDAR DIMITRIJEVIQ – LSDM
“Kërkojmë që Prokuroria Publike të veprojë menjëherë mbi kallëzimin penal, ta thërrasë Mickoskin në pyetje dhe të parandalohet rrezikimi i mëtejmë i rendit juridik. Le të dëshmojë Prokuroria Publike se askush nuk është mbi ligjin dhe se mund të veprojë në mënyrë të pavarur, e jo vetëm me porosi. LSDM nuk do të tërhiqet para kërcënimeve”
Ekstradimi i ish-kryeministrit Nikolla Gruevski mund të kërkohet vetëm pasi atij t’i hiqet e drejta e azilit në Hungari – tha sot kryeministri Hristijan Mickoski, pas kritikave të shpeshta nga opozita se Qeveria po e zvarrit qëllimisht procedurën për kthimin e Gruevskit në vend.
HRISTIJAN MICKOSKI – Kryeministër
“Ekstradimi i ish-kryeministrit Nikolla Gruevski mund të kërkohet nëse në Hungari, ku ai ka marrë azil politik, atij i hiqet ky status. Në të kundërtën, përgjigjja ndaj një kërkese të tillë për ekstradim do të jetë negative”
Ndërkaq, lideri Venko Filipçe, në emër të LSDM-së, ka dërguar letra zyrtare drejtuar Bashkimit Evropian, Komisionit Evropian, Parlamentit Evropian, raportuesit për Maqedoninë si dhe ambasadorëve të vendeve anëtare të BE-së, për shkeljen serioze të rendit demokratik dhe kushtetues dhe sundimit të ligjit në Maqedoni, sic thonë, pas paralajmërimeve të Mickoskit për ndjekje politike.
Lajme nga vendi
Mexhiti: VLEN nuk frikësohet nga zgjedhjet e parakohshme parlamentare, për BDI-në ky do ishte fundi i tyre
Njëri nga liderët e VLEN, Izet Mexhiti thotë se VLEN vendosi standarde dhe vlera të reja në bllokun politik shqiptar dhe se nuk frikësohen nga zgjedhjet e parakohshme parlamentare.
“Dëshmuam dhe sollëm ndryshime në bllokun politik shqiptar pas 20 vitesh, jo individualisht, por si ekip, së pari bëmë bashkimin e opozitës duke kaluar suetat dhe ngjyrat partiake, sepse besoj në punë ekipore. Çdo javë shihemi si koalicion VLEN, bisedojmë për programin, atë që e kemi premtuar dhe bashkë i ecimpunët”, tha Mexhiti në “Samo intervju” në “Kanal5”.
Mexhiti gjithashtu tha se VLEN nuk frikësohet nga zgjedhjet e parakohshme parlamentare dhe nëse do të ndodhte kjo, për BDI-në do tëishte fundi i tyre.
“Kohën e fundit nuk i dëgjoj edhe po të ketë mundësi për zgjedhje të parakohshme të parët që i ikin kësaj janë ata, sepse do të thoshte fundi i tyre. Ky vit është i vetmi vit ku nuk do të ketë zgjedhje, është hapësirë e qeverisë që të realizojë programin që është premtuar dhe për momentin vlerësoj se nuk kanevojë të mbahen zgjedhje të parakohshme pasi kjo shumicë historikisht është më e madhja në Kuvend”, ka thënë Mexhiti.
Rindërtohet një rrugë në Dobrosht të Komunës së Tearcës investim mbi 13 milionë denarë
LSDM-ja DORËZOI KALLËZIM PENAL KUNDËR MICKOSKIT!
Mexhiti: VLEN nuk frikësohet nga zgjedhjet e parakohshme parlamentare, për BDI-në ky do ishte fundi i tyre
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota3 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni3 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport3 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!