Connect with us

Lajme nga rajoni

Fjala përfundimtare e mbrojtjes, kërkohet pafajësi e plotë për katërshen e UÇK-së

Published

8 months ago

on

Pafajësi për të gjitha akuzat kanë kërkuar avokatët mbrojtës në fjalën përfundimtare të katërshes së Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.
“Jemi në një rreth vicioz, nuk kemi asnjë provë, asnjëherë nuk kemi thënë se ZPS-ja do të vërtetojë kontributin e konsiderueshëm për të cilin ka akuza që gjenden në aktakuzë. Por, standardi që ka dhoma e specializuar, që pasqyron standardet e tribunalit, është që duhet të ketë një kontribut të konsiderueshëm për krimet në aktakuzë. ZPS-ja për këtë nuk ju ka treguar asnjë provë. Në përfundim, të nderuar gjykatës, ju lutem, shpallni pafajësinë për të gjitha akuzat.”, – deklaroi avokati mbrojtës i Hashim Thaçit, Lluka Mishetiq.
Konjufca: Nuk kishte ndërmarrje kriminale në UÇK
Pafajësinë për të gjitha akuzat e kërkoi edhe avokati mbrojtës i Kadri Veselit, Rodni Dikson; avokati i Rexhep Selimit, Xhefri Roberts, dhe avokati mbrojtës i Jakup Krasniqit.  Për të ndjekur fjalën përfundimtare drejt Hagës ka udhëtuar zëvendëskryeministri i Kosovës, Glauk Konjufca, i cili shpreson se verdikti i gjykatës së Hagës do të jetë në përputhje me historinë dhe lavdinë e Ushtrisë Çlirimtare të Kosovës.
“Nuk kishte ndërmarrje kriminale në UÇK. Kjo është e vërteta dhe kjo e vërtetë do të dalë në këtë gjykatë. Nuk ka në zemër të UÇK-së ndërmarrje kriminale. UÇK-ja ka qenë ushtri e drejtë, e krijuar drejtpërdrejt prej popullit të Kosovës. Prej askujt nga lart nuk është krijuar UÇK-ja. Ajo ka marr hov, sidomos pas Epopesë legjendare të Jasharajve dhe rënies së Komandantit Legjendar, së bashku me Hamzën, së bashku me bacën Shaban dhe 58 anëtarë tjerë të familjes.”, – deklaroi minisitri i Punëve të Jashtme i Kosovës, Glauk Konjufca.
Shefi i Diplomacisë së Kosovës, Konjufca, njëherësh theksoi se krerët e UÇK-së tashmë e kanë marrë një ndëshkim të padrejtë, sepse procesi zgjati aq shumë sa që u shkelën të drejtat elementare të njeriut, që mbrohet edhe me Konventën e Kombeve të Bashkuara edhe me Konventën Evropiane të të drejtave të njeriut dhe Kushtetutën e Kosovës, që çdo person të gjykohet në kohë të arsyeshme. Kjo e drejtë u shkel në mënyrë të dhunshme, sepse janë bërë 5 vite e tre muaj që drejtuesit e UÇK-së mbahen të izoluar dhe larg familjeve të tyre dhe larg shtetit të tyre, ka theksuar Konjufca. GYLTENE SINANI
Related Topics:
Advertisement

Lajme nga rajoni

“Stolat” e betonit u rrokullisën në bulevard, Rama ironizon pedagogët dhe refuzimin e tyre për dialog: Erdhën përsëri…

Published

5 days ago

on

October 22, 2026

By

Duket se në tre ditë komunikim virtual me pedagogët, kryeministri Edi Rama ka thuajse të njëjtën përgjigje pasi këta të fundit e refuzojnë.

Rama publikon në rrjetet sociale pjesë nga mbledhja e tyre para kryeministrisë dhe shkatërrimi i karrigeve, sikurse ka bërë edhe sot ku shihen disa persona duke zhvendosur “stolat” e betonit që kreu i qeverisë kishte nxjerrë para zyrës së tij.

Rama sërish i ka ironizuar duke i quajtur në thonjëza pedagogë, ndërsa në fund të fjalisë ka vendosur imazhin e një klouni.

“Dhe ‘pedagogët’ erdhën përsëri… 🤡”, shkruan Rama.

Continue Reading

Lajme nga rajoni

E fundit! Marrin flakë zyrat e Top Channel në Air Albania! Anullohen të gjitha emisionet, thuhet se ka ndodhur një

Published

5 days ago

on

October 22, 2026

By

Zjarr në ambientet e Top Albania Radio, digjen studiot dhe ndërpriten transmetimet! Reagon Ledion Liço: Jemi të shokuar

Një zjarr i papritur ka përfshirë mëngjesin e kësaj të enjteje, 22 tetor 2026, ambientet e Top Albania Radio, duke shkaktuar dëme materiale në studio dhe duke ndërprerë programacionin e zakonshëm të radios. Si pasojë e incidentit, emisioni i njohur i mëngjesit “Wake Up” nuk është transmetuar.

Sipas informacioneve të publikuara në media, flakët janë përhapur në ambientet e regjisë dhe në disa studio të Top Albania Radio, duke dëmtuar infrastrukturën e përdorur për realizimin e programeve.

Situata e krijuar ka bërë të pamundur zhvillimin normal të transmetimeve të mëngjesit, ndërsa stafi është detyruar të ndërpresë aktivitetin e zakonshëm.

Menjëherë pas ngjarjes, Top Channel ka reaguar përmes një njoftimi zyrtar në rrjetet sociale, duke informuar publikun se emisioni “Wake Up” nuk do të transmetohej gjatë ditës së sotme.

Advertisement

Për shkak të një zjarri të papritur në ambientet e Top Albania Radio, emisioni ‘Wake Up’ nuk do të transmetohet sot. I gjithë stafi është mirë dhe ndodhet në kushte të sigurta. Ju falënderojmë për mirëkuptimin!”**, thuhet në njoftimin e publikuar nga Top Channel.

Continue Reading

Lajme nga rajoni

Përplasje fizike në Kuvendin e Shqipërisë, rrahje mes deputetëve (VIDEO)

Published

5 days ago

on

October 22, 2026

By

Ndërkohë që Niko Peleshi po e kalonte me shpejtësi rendin e ditës, vijoi konfrontimi fizik mes deputetëve.

Flamur Noka i Partisë Demokratike po u merrte kartonët kolegëve të Partisë Socialiste, kur nisi konfrontimi fizik në mes të sallës.

Fidel Kreka i PD-së me Ervin Hoxhën e PS-së ishin iniciatorët.

Pasi Sali Berisha qetësoi demokratët dhe u kërkoi të ktheheshin te foltorja, Kuvendi vijoi me votimin e ligjeve mes tensioneve.

Advertisement
Continue Reading

Më të lexuarat