Lajme nga vendi
MICKOSKI: SKENARI I BRUKSELIT – RMV NË BE NË 2027, PA TË DREJTË VOTE!
Në Bruksel gjithnjë e më e zëshme është ideja që përshinë planin e paqes për Ukrainën dhe integrimin e saj në Bashkimin Evropian, ku në këto skenare implikohet edhe Maqedonia – tha mbrëmë Kryeministri Mickoski. Sipas tij, në fillim të vitit 2027 Maqedonia mund të bëhet anëtare e BE-së, por pa të drejtë vote.
Ekziston mundësia që Maqedonia e Veriut të anëtarësohet në BE në fillim të vitit 2027, pa të drejtë vote. Kështu ka deklaruar Kryeministri Mickoski gjatë një interviste në Kanal 5, duke u përgjigjur në pyetjen nëse Brukseli ka ndonjë alternativë për vendin duke marrë parasysh eurointegrimet e bllokuara.
“Skenari i parë është Ukraina bashkë me Malin e Zi, Shqipërinë dhe Maqedoninë të bëhen vende anëtare të BE-së dhe kjo të ndodh në fillim të vitit 2027 – të ulen në tavolinë, të valëvitet flamuri maqedonas në Bruksel, por pa të drejtë vote. Të marrim pjesë në punën e ministrave të Këshillit, komisioneve, trupave, por pa të drejtë vote me shumë mekanizma kontrolluese”
Që të realizohet kjo, sipas Kryeministrit, duhet të përmbushen dy kushte. I pari, vendi tashmë e ka përmbushur i pari në rajon, bëhet fjalë për politikën e jashtme të përbashkët të sigurisë me BE-në, kurse kushti i dytë është sundimi i së drejtës.
I pyetur nëse kusht do të jenë edhe ndryshimet kushtetuese, ai thotë.
“Supozoj se për ne do të jenë edhe ndryshimet kushtetuese, për shkak se është pranuar nga qeveria e mëprashme. Ky integrim mund të ndodh diku në fillim të vitit 2027. Kushti i dytë është që kësaj t`i bashkangjiten edhe vendet tjera të rajonit, sikurse Bosnja e Hercegovina, Serbia, Kosova, Moldavia”
Kjo, sipas Mickoskit, është ajo që momentalisht po dësgjohet në Bruksel, kurse ka qenë temë diskutimi edhe në Konferencën e Sigurisë në Mynih.
Megjithatë, sic tha, realizimi i skenareve të këtilla varen nga shumë parametra, sikurse plani i paqes për Ukrainën dhe konsensusi për marrëveshje eventuale të paqës.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13