Sport
Përsëri thirrje raciste antishqiptare në fushat e sportit, derbi Vardari-Bashkimi riktheu debatin për gjuhën e urrejtjes
Sipas reagimit zyrtar të Federatës së Futbollit e Maqedonisë, kartoni i kuq ndaj futbollistit të Bashkimit, Rexhep Murati, u dha për pështyrje ndaj gjyqtarit, vendim që – sipas tyre – u konfirmua edhe nga sistemi VAR.
“Lidhur me ndeshjen e sotme të javës së 19-të në Ligën e Parë të Maqedonisë ndërmjet FK Vardarit dhe FK Bashkimit, në minutën e 87-të u akordua karton i kuq direkt për lojtarin me nr. 3 të ekipit mysafir për shkak të pështyrjes ndaj gjyqtarit. Gjyqtari kryesor ndodhej në një distancë rreth një metër nga ngjarja, e vërejti qartë pështyrjen dhe pa hezitim tregoi me të drejtë karton të kuq direkt. Ky veprim tejet josportiv u konfirmua edhe nga gjyqtarët e VAR-it, në bazë të provave të qarta video nga momenti i incidentit. Më pas, personi zyrtar i përjashtuar më herët nga stoli i FK Bashkimit hyri në mënyrë të palejuar në fushën e lojës, duke provokuar dhe nisur përballje me lojtarin aktiv të FK Vardarit, Boban Nikollov. Një sjellje e tillë është krejtësisht josportive dhe e palejueshme, veçanërisht duke pasur parasysh se personi ishte përjashtuar në pjesën e parë dhe në asnjë mënyrë nuk duhej të hynte në fushë. Shkaku i përballjes dhe i përjashtimit rrjedh ekskluzivisht nga sjellja e palejueshme e lojtarit me nr. 3, i cili pështyu drejt gjyqtarit, si dhe nga hyrja e palejuar në fushë e personit zyrtar të përjashtuar, i cili nisi përballjen me lojtarin e FK Vardarit, Boban Nikollov, i cili më pas me të drejtë u ndëshkua disiplinarisht me karton të verdhë”, thanë nga FFM.
Nga ana tjetër, klubi nga Kumanova e mohoi kategorikisht këtë pretendim, duke e cilësuar si interpretim të gabuar dhe tendencioz të pamjeve. Sipas tyre pika e bardhë që është paraqitur si pështymë në video, është pjesë e palltos të një tifozi në tribunë.
“FFM-ja me shpejtësi të dritës paska reaguar në mbrojtje të referit Benjamin Kerimi, referit kryesor të ndeshjes KF VARDAR – KF BASHKIMI 1947! Falemnderojmë nga zemra FFM-në për publikimin e videos ku qëllimi kryesor është arsyetimin e vendimit te referit për ndëshkimin e Rexhep Murati me karton të kuq, ku në mënyrë flagrante shihet gënjeshtra dhe tendeca e qëllimshme e referit Benjamin Benoo për ta përjashtuar lojtarin e U21 të Maqedonisë! SHIKONI VIDEON E FFM-së. Sekondi i 4 dhe 5 rrethohet “pështyma fantazmë” e lojtarit tonë dhe ÇUDITSHMËRISHT pështyma mbetet ende në ajr edhe pas shumë sekondave (sekonda 7,8,9 e videos)”, thoanë nga FC Bashkimi.
Përplasjet verbale dhe fizike pasuan menjëherë, ndërsa ndeshja u ndërpre për disa minuta.
Ngjarja ka nxitur reagime politike dhe institucionale.
Rastet të ngjashme janë regjistruar edhe më parë në Maqedoninë e Veriut, ku thirrje nacionaliste dhe ofenduese kundër shqiptarëve apo grupeve të tjera kanë kaluar pa ndëshkim të qartë institucional.
Kujtojmë se, mosreagimi adekuat i MPB, prokurorisë dhe lëndëve të pakta me aktgjykim në gjykatë, e ushqejnë edhe më shumë gjuhën e urrejtjes.
Në një shoqëri të brishtë multietnike si Maqedonia e Veriut, mosndëshkimi i gjuhës së urrejtjes nuk është thjesht neglizhencë administrative, është një mesazh i rrezikshëm. Kur institucioneve u mungon reagimi i shpejtë dhe i vendosur, ato në mënyrë implicite i japin hapësirë ekstremizmit të normalizohet. Kështu, një brohoritje raciste nuk mbetet më vetëm incident, por shndërrohet në precedent që nxit ndarje.
Volejbollistja tetovare Erjona Jonuzi është lojtarja e parë shqiptare e cila krahas klubeve vendore dhe reprezentacionit me sukses të madh është dëshmuar edhe jashtë vendit. Së fundit ajo ka firmos kontratë një vjeçare me kampionin e Sllovakisë, Sllovan Bratislava. deklaroi Erjona Jonuyi
Hapat e para në volejboll i bëri në Shkëndinë e Tetovës, kurse tani volejbollistja tetovare, Erjona Jonuzi, është duke realizuar ëndrrën e saj për t`u dëshmuar edhe në ekipet e mëdha evropiane.
Në një rrëfim personal në Tv Koha, Erjona Jonuzi, konfirmoi se kohë me parë, zyrtarisht, është pjesë e kampionit në fuqi të Sllovakisë, Sllovan Bratislava, me të cilën skuadër ka firmosur kontratë një vjeçare.
‘’Po është e vërtet para disa ditëve u nënshkrua një kontratë një vjeçare me klubin kampion në fuqi në Sllovaki, Sllovan Bratislava. Është një ndjenjë shumë e veçantë e gjithë puna që unë kam bërë këtë vit u pa edhe nga një ekip kampion dhe jam shumë e lumtur që do të jem pjesë e klubit Sllovan Bratislava për vitin e ardhshëm’’
Rrugëtimi i Erjona Jonuzit është historia e përkushtimit, guximit dhe besimit në vetvete. Ajo nuk është thjesht një emër i njohur në sportin vendor, por një shembull i vajzës që sfidon paragjykimet, tejkalon lëndimet dhe e kthen pasionin në profesion.
‘’Në Nové Mesto nad Váhom është viti i dytë që unë jam atje. Vitin e parë pësova një lëndim ku nuk mu dha mundësia që ta përfundoj kampionatin atje, mirëpo për aq pak loja që unë pata atje klubi e pa kualitetin dhe unë nënshkrova edhe për vitin tjetër, domethënë për këtë vit që unë isha atje. Ka qenë një vit shumë i rëndësishëm për karrierën time sepse unë u ktheva nga një lëndim mjaftë serioz nga një operacion dhe ishte shumë e vështirë që të kapja ritmin në kohë me vajzat tjera, por që ia arrita me punë normal. Si kapitene atje mendoj se kam dhënë maksimumin si brenda dhe jashtë fushës, respektin e kam pasur maksimalisht edhe nga klubi edhe nga shoqet e klubit edhe nga fansat e klubit. Kështu që për mua mund të them që ishte një vit shumë i suksesshëm’’ tha volejbollistja Jonuzi.
Varësisht fizikut, Erjona thotë se do të vazhdojë të jetë pjesë e reprezentacionit të Maqedonisë së Veriut në Volejboll.
Teksa flet për karrierën dhe sfidat që e presin, nuk mund ta harrojë Shkëndinë dhe shoqet e saja në këtë skuadër. Për klubin “kuqezi” nga Tetova, emocionet vijnë vetvetiu.
‘’ Shkëndija ! Kur filloj të flas për Shkëndijën emocionohem sepse unë i kam hedhë hapat e para në karrierë dhe do të jetë klubi më i rëndësishëm në jetën time. Më vjen keq se nuk është pjesë e kampionatit të Maqedonisë tash. Por që besoj dhe shpresoj se në një kohë shumë të afërt do të jetë përsëri pjesë dhe do të nxjerrim shumë lojtare të tjera që do të na bëjnë krenare si në vendin tonë ashtu edhe jashtë vendit tonë . Për shoqet e klubit Shkëndija nuk kam fjalë për to se jam aq shumë falënderuese për ato. Për çdo ndeshje , për çdo stërvitje që kemi bërë bashkë sepse unë jam këtu ku jam shkaku i atyre’’ u shprehë volejbollistja tetovare Erjona Jonuzi
Në ceremoninë prestigjioze “Laureus” që u mbajt në Madrid, tenisi konfirmoi dominimin botëror. Tenistët më të mirë në botë, Karlos Alkaraz dhe Arina Sabalenka u shpallën sportistë më të mirë në botë për vitin 2025. Ceremonia “Oskarët” e sportit në Madrid mblodhi emrat më të mëdhenj të sportit dhe u shndërruar në qendër sportive botërore.
Në një ceremoni madhështore të zhvilluar në Madrid, për të tretin vit radhazi, u ndanë Çmimet Botërore të Sportit Laureus 2025, që nderon arritjet më të mëdha sportive në nivel global të njohura ndryshe si “Oscarët” e sportit.
Në qendër të vëmendjes ishte tenisti spanjoll Carlos Alcaraz, i cili u shpall “Atleti i Vitit”, ndërsa bjellorusja Aryna Sabalenka fitoi çmimin “Sportistja e Vitit” pas një sezoni dominues, ku ruajti vendin e parë në renditjen botërore dhe triumfoi në turne madhor si US Open.
Mbrëmja u moderua për herë të parë nga dy sportistë të njohur ndërkombëtarisht, Novak Gjokoviq dhe Ajlin Gu, të dy ish-fitues të çmimeve Laureus.
Në kategoritë e tjera, spikati klubi francez Paris Sent Zhermen, që u shpall “Ekipi i Vitit”.
Piloti britanik i Formula 1 Lando Norris fitoi çmimin për progresin më të madh, ndërsa golfisti Rory Mekilroj u nderua për rikthimin e vitit.
Talenti i ri i futbollit Lamine Yamal u shpall “Atleti i Ri i Vitit”, ndërsa çmime të tjera të rëndësishme iu akorduan figurave si Toni Kroos për frymëzim sportiv dhe legjendës Nadia Komaneçi për arritje gjatë jetës.
Lista e plotë e fituesve konfirmon edhe një herë rolin e Laureus si një nga vlerësimet më prestigjioze në botën e sportit, duke bashkuar emrat më të mëdhenj dhe historitë më frymëzuese të arenës ndërkombëtare.
Në edicionin e 130 me radhë Maratona e Bostonit fitues doli atleti kenian John Korir i cili ka regjistruar rekord botëror në këtë garë me traditë 130 vjeçare.
Keniani John Korir ka fituar Maratonën e Bostonit, garën më të vjetër në botë prej 42 kilometra e 197 metra, në vitin e saj të 130-të, duke vendosur një kohë rekord prej 2 orë 1 minutë e 52 sekonda.
Në vendin e dytë u rendit atleti nga Tanzania, Feliks Alfons Simbu, kampion bote në Tokio 2025, me kohën 2 orë 2 minuta e 47 sekonda , kurse vendin e tretë e zuri keniani tjetër Benson Kipruto, gjithashtu fitues në edicionin e vitit 2021, me kohën 2 orë 2 minuta e 50 sekonda.
Maratona e Bostonit u zhvillua sipas traditës së Patriot’s Day, të hënën e tretë të prillit, e cila përkujton fillimin e Luftës Revolucionare Amerikane, duke filluar në Hopkinton dhe duke përfunduar në Sheshin Copley.
I dha 15 mijë euro ryshfet për të dalë nga burgu, mbeti edhe në burg edhe pa para
Taksisti nga Shkupi i mori 7.800 denarë (130 euro) turistit zviceran për një vozitje në qytet
VLEN: Kutia e zezë, Grubi e mban peng Ahmetin!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota4 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni4 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport4 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!