Një mjek nga fshati Bërvenicë i Tetovës është arrestuar dje, pasi dyshohet se ka kryer vrasjen e një 76-vjeçari në Ohër, mësohet jozyrtarisht, përcjell INA.

Sipas informacioneve, dje rreth orës 17:20 në fshatin Bërvenicë, zyrtarët policorë nga SPB Tetovë, në bazë të një fletarresti qendror të lëshuar nga SPB Ohër, kanë privuar nga liria personin me inicialet Zh.G. (53), i cili dyshohet për veprën penale “vrasje” sipas nenit 123 të Kodit Penal.

Më herët, në orën 08:24, në SPB Ohër ishte raportuar se në shtëpinë familjare në rrugën “Nada Fileva” në Ohër, ishte gjetur pa shenja jete 76-vjeçari me inicialet K.M.

Në vendin e ngjarjes kanë dalë prokurori publik dhe ekipet policore, ndërsa mjeku i ndihmës së shpejtë ka konstatuar vdekjen. Me urdhër të prokurorit, trupi i pajetë është dërguar për obduksion.(INA)

Siç njoftojnë nga Ministria e Punëve të Brendshme, më 24 të këtij muaji, në ora 15:30, në SPB Shkup, 45-vjeçari nga Shkupi ka denoncuar se është mashtruar nga një person.

Sipas denoncimit, personi i është paraqitur, është prezantuar si i punësuar në polici dhe i ka ofruar që t’i kthejë paratë – 40 mijë euro që i ka investuar në firmë të huaj në të cilën ka qenë i punësuar dhe që ka ndaluar me punë.

Nga policia shtojnë se pasi që nuk është kryer shërbimi, denoncuesi ka dyshuar se personi është mashtrues dhe ka denoncuar.

Ministria e Punëve të Brendshme theksojnë se po ndërmerren masat për zbardhjen e plotë të rastit.

Të punësuarve në NPK Tetova Tetovë, ka gati 27 mauj që nuk u paguhet sigurim shëndetësor dy muaj pa marr paga.  Të punësuarit e kësaj ndërmarrje nuk i kanë marr as rrogat e janarit dhe të shkurtit, pasi që dy ditë para festës së Bajramit llogaria e ndërmarrjes është bllokuar nga ana e drejtorisë për të hyra publike.

AVZI RIZVANI – Përfaqësues i Sindikatës
“ Me kontributet pak është puna ngarkuar janë akumuluar vite ta pa paguara kontributet , jemi në rrjedha me një potencial për ti realizuar, jemi në kontakt me drejtorin dhe kryetarin e komunës ku  na kanë premtuar se shumë shpjet do rregullohet pagesa.  Me rroga lart posh tuk kemi keq , kemi të pa marrë  rrogën e janarit she shkurtit por para festës  na bllokun xhirollogarinë   ku edhe ngecëm me rrogën e janarit.”

Kryetari i komunës së Tetovës Bilall Kasami thotë që po punon për zgjidhjen e problemit me kontributet e punëtorëve të NPK-së. Kasami bën me dije që bëhet fjalë për shumë të madhe të mjeteve financiare që duhet kohë për t’i siguruar.

 BILALL KASAMI – Kryetar i Komunës Tetovës
“Është një obligim i lartë financiar që kalon mbi 40 milion denar , për kontributet e ndërmarrjes komunale  që i bie se komuna do të duhet të siguroj të ardhura të jashtëzakonshme do kisha thënë dhe  jemi duke punuar që në momentin e parë që të sigurohen këta të ardhura të bëhet pagesa e atyre kontributeve , ajo që është fokusi jonë në këto momente është që të marrin rroga në kohë dhe deri më tash i kanë marr rrogat në kohë .”

Përndryshe, punëtorët e NPK-së për vite me rradhë kanë pasur probleme me pagat dhe sigurimin shëndetësorë. Madje disa herë me rradhë edhe është protestuar.

Advertisement