Lajme nga vendi
Kongresi më 9 maj: VLEN-i shpall orientimin pro-evropian
Deklarata e njërit nga liderët e VLEN-it Bilall Kasamit se kongresi i parë i VLEN-it pritet të mbahet më 9 maj, në Ditën e Evropës, nuk është thjeshtë një njoftim i zakonshëm mbi datën e një ngjarjeje politike, por kjo duket që është një simbolikë e fortë politike për orientimin e anëtarëve dhe udhëheqësve të partive, shkruan Zhurnal.
Simbolika e Ditës së Evropës
Zgjedhja e 9 majit si datë për kongresin e parë të VLEN-it është një akt me porozi të qartë të bashkimit, në këtë rast bashkimit tëpesë partive dhe shndërrimit në një të vetme.
Dita e Evropës përkujton fillimin e projektit të integrimit evropian, një vizion i paqes dhe bashkëpunimit pas Luftës së Dytë Botërore në kontinent.
Për një subjekt politik që synon të afirmohet si alternativë moderne dhe pro-evropiane, kjo datë është një shenjë e qartë e orientimit strategjik. Me zgjedhjen e kësaj date për shpalljen zyrtare të partisë, VLEN-i dëshiron të identifikohet me vlerat e demokracisë, integrimit dhe perspektivës evropiane.
Kasami sqaroi se vendimi nuk është ekskluzivisht i tij, por i pesë liderëve që duhet të arrijnë konsensus. Ky detaj është i rëndësishëm, sepse tregon natyrën kolektive të strukturës së VLEN-it dhe mënyrën e bashkëpunimit dhe vendimarrjes sëudhëheqësve të saj.
“Një ndër propozimet është edhe Dita e Evropës, më 9 maj. Pra, nuk jam unë ai që vendos ekskluzivisht, janë pesë liderë që, me konsensus, duhet të vendosin për shumë çështje”, ka deklaruar, Bilall Kasami, një nga liderët e VLEN-it në intervistë për Alsat.
Vendosja e kongresit në Ditën e Evropës është një porosi i drejtpërdrejtë për elektoratin shqiptar dhe më gjerë, me të cilën VLEN-i synon të paraqitet si forca që e lidhë politikën e brendshme dhe synimet me perspektivën evropiane.
Në një kohë kur integrimi në BE është ende një proces i ngadalshëm dhe shpesh i bllokuar nga faktorë të brendshëm dhe të jashtëm, ky akt është një përpjekje për të kapitalizuar mbi aspiratat e qytetarëve për një të ardhme evropiane.
Nga ana tjetër, zgjedhja e një date simbolike mund të shihet edhe si strategji për të fituar vëmendje mediatike dhe për të dalluar kongresin nga aktivitetet rutinë të partive politike.
Sfida e kongresit të parë
VLEN-i si një projekt politik i ri ka nevojë të pozicionohet qartë. Duke e lidhur kongresin me Ditën e Evropës, veçse bëhet një veprim i tillë. Betonon se është një alternativë e re, e orientuar drejt reformës dhe integrimit në bllokun evropian.
Kjo e bënë të qartë se e është një subjekt politik që e sheh të ardhmen e shqiptarëve dhe të gjithë qytetarëve të Maqedonisë së Veriut brenda familjes evropiane. Ky është një akt i vigjilent në politikë, pasi simbolika e datës përdoret si instrument për të ndërtuar identitetin e subjektit.
Megjithëse data ka rëndësi simbolike, sfida e vërtetë e VLEN-it do të jetë përmbajtja e vendimeve në këtë kongres. A do të arrijë ky subjekt të artikulojë një platformë të qartë, të besueshme dhe të dallueshme nga partitë e tjera? A do të mund të shfaqet si një alternativë reale për elektoratin shqiptarë që për vite kanë qenë të zhgënjyer?
Nëse VLEN-i do të arrijë që të shndërrojë këtë simbolikë në një platformë konkrete që i flet qytetarëve me besueshmëri dhe qartësi, natyrisht që ky subjekt politik do të ngulitet si projekt afatgjatë në Maqedoninë e Veriut, në të kundërtën do të jetë kalimtar, sepse elektorati kërkon rezultate dhe ai di që të zhvendoset sa herë mbetet i paknaqur. /Zhurnal.mk
Lajme nga vendi
Zjarri në Tearcë dyshohet të jetë i qëllimshëm, Komuna dhe policia hetojnë rastin,autoritetet me apel për kujdes
Një sipërfaqe bukur e madhe e fushave të Tearcës dhe u përfshi nga zjarri. Intervenimi në kohë i zjarrëfikësve, autoriteteve dhe vetë qytetarëve bëri që zjarri të vihet nën kontroll dhe që të lokalizohet, e më vonë të shuhet tërësisht. Komandanti i Njësitit Territorial Kundër Zjarrit në Tetovë, Avni Ameti thotë se mbi 5 orë kanë bërë luftë me zjarrin deri sa e kanë shuar tërësisht. Sipas tij, më së shpeshti këto llojë zjaresh shkaktohen nga vetë faktori njeri, i cili u bëri apel që qytetarët të kenë kujdes të shtuar meqë në këtë periudhë të thatë, zjarri ndizet dhe përhapet shumë shpejtë.
AVNI AMETI – NJTKZ “Afërsisht 5 apo 6 orë kemi intervenuar në këtë terren këtu me gjitha kapacitetet që ka stacioni i Tearcës dhe i Tetovës, pra u përfshimë gjithë këtu. Po ashtu kemi pasur intervenime të tjera të shumëta dje në Tetovë në sipërfaqe të hapura, gjithsej rreth dhjetë zjarre ka pasur dje në Tetovë. Ka pasur për një muaj rreth 30 intervenime që i ka bërë vetëm nënstacioni i Tearcës, ndërsa stacioni i Tetovës dhe i Bogovinës kanë rritje enorme të zjarreve dhe dihet që faktori njeri është kryesori, apo hedhja edhe e qelqit vend e pa vend që shkaktojnë zjarre me këto përmasa”
Kreu i komunës së Tearcës Daut Memishi, ka paralajmëruar përgjegjësi ligjore për personat që me dashje apo nga pakujdesia shkaktojnë zjarre.
“Nuk kemi konstatuar ende, por vërejtjet e para edhe të zjarrfikësve pasi zjarri ishte përhapur në katër pika të ndryshme, nënkupton se ka qenë zjarrvënie me qëllim. Apeloj miqësisht qytetarëve që të kenë kujdes sepse kjo javë do jetë më e nxehta e vitit, dhe meqë ka zjarre edhe në vende tjera, mundojnë ekipet për intervenim nga ajri sepse dje kërkuam ndërhyrje edhe nga ajri, por falë zjarrfikësve edhe të Tetovës u arrit shpejtë të lokalizohet, por falënderoj edhe banorët që ndihmuan për katër deri pesë orë pra arritën ta lokalizojmë. Sot i kemi në terren ekipet që të vërtetohet sa hektar është djegur. Parandaluam që zjarri të kaplojë edhe komunën e Jegunocit”
Memishi thotë se ka pasur zjarrvënie të qëllimshme brenda muajit edhe nëpër disa fshatra të Komunës së Tearcës të cilat vepra po hetohen dhe autorët do përgjigjen para Ligjit. Ndryshe, intervenimi në 36 raste vetëm nga njësiti i Tearcës për brenda një muaji, sipas Memishit dëmton shumë buxhetin e Komunës së Tearcës, andaj ka apeluar banorët që të bëjnë kujdes sidomos gjatë punimeve apo zjarreve që ndezin në fusha për të pastruar tokat./Tv Koha/
Lajme nga vendi
Ethet e nilit perëndimor, Cana: 10 të diagnostifikuar, 7 të dyshuar dhe të hospitalizuar
Në Klinikën Universitare për Sëmundje Infektive në Shkup aktualisht po trajtohen 17 pacientë me ethet e Nilit Perëndimor. Prej tyre, 10 janë të diagnostikuar me këtë virus, ndërsa 7 të tjerë ende nuk janë të konfirmuar, por kanë simptoma klinike që përputhen me ethet e Nilit Perëndimor.
Drejtori i Klinikës Infektive Fadil Cana për TVM2 tha se të shtatë pacientëve do t’u përsëriten analizat e nevojshme dhe se ata do të vazhdojnë të qëndrojnë nën mbikëqyrje mjekësore në klinikë derisa gjendja e tyre shëndetësore përmirësohet.
“Aktualisht në Klinikën për Sëmundje Infektive janë të hospitalizuar 10 pacientë, te të cilët është konfirmuar në mënyrë laboratorike prania e etheve të Nilit Perëndimor. Ndërkohë, janë të hospitalizuar edhe 7 pacientë të tjerë, për të cilët ekziston dyshimi se mund të jenë të infektuar, bazuar në gjendjen e tyre klinike. Tek këta pacientë po kryhen analiza dhe metoda të tjera diagnostikuese laboratorike, rezultatet e të cilave priten në ditët në vijim. Deri atëherë, ata do të vazhdojnë të trajtohen në Klinikën për Sëmundje Infektive.” – tha Drejtori i Klinikës Infektive-Shkup, Fadil Cana.
Prej tyre, tre pacientë janë në gjendje më të rëndë shëndetësore dhe ndodhen në ventilim mekanik, ndërsa të gjithë të tjerët janë në gjendje stabile, sqaroi më tej Cana. Të gjithë pacientët e hospitalizuar janë nga Shkupi.
“Periudha e inkubacionit të sëmundjes zgjat deri në 14 ditë dhe askush nuk mund të parashikojë se si do të zhvillohet ajo te një organizëm i caktuar. Ajo që dihet deri më tani është se më të rrezikuarit janë personat e grupmoshave më të vjetra. Të gjithë pacientët e hospitalizuar janë mbi 60 vjeç dhe kanë edhe sëmundje të tjera shoqëruese.” – u shpreh Drejtori i Klinikës Infektive-Shkup, Fadil Cana.
Ndërkohë, ethet e Nilit Perëndimor kanë vënë në alarm institucionet shëndetësore dhe autoritetet lokale, të cilat kanë intensifikuar masat për luftimin e mushkonjave, bartëset kryesore të virusit.
Në disa komuna, përfshirë edhe Shkupin, po zhvillohet spërkatja nga ajri dhe toka, si pjesë e një përgjigjeje të koordinuar institucionale.
Qyteti i Shkupit këtë javë do ta realizojë spërkatjen e 11-të kundër mushkonjave në të gjithë territorin e kryeqytetit, në kuadër të masave parandaluese, ndërsa deri në fund të sezonit janë planifikuar gjithsej rreth 20 spërkatje të tilla. (Rexhep Qamili, TVM2)
Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturina Komunale i Republikës së Maqedonisë së Veriut (KRRE) solli vendimin, me të cilin bëhet ulja e çmimeve të shitjes me pakicë të derivateve të naftës mesatarisht 1,24 % në raport me vendimin e datës 27.7.2026, thuhet në njoftimin e KRRE-së.
Në vendimin e sotshëm është zbatuar shuma e ulur e akcizës prej 2,00 den/l te benzina EUROSUPER BS-95 dheEUROSUPER BS-98 dhe shuma e ulur e akcizës prej 4,00 den/l tek EURODIZELI (D-Е V).
Çmimet e shitjes me pakicë të benzinës EUROSUPER BS-95 dhe EUROSUPER BS-98 ulen për 2.00 den/litër.Çmimi i shitjes me pakicë i EURODIZELIT (D-Е V) rritet për 1,00 den/litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 0,50 den/litër. Çmimi i shitjes me pakicë i Мazutit М-1 SU ulet për 1,680 denarë/kg
Nga data 5.8.2026, nga ora 00:01, çmimet maksimale të derivateve të naftës do të jenë:
EUROSUPER BS – 95 do të shitet për 91,00 (denarë/litër)
EUROSUPER BS – 98 do të shitet për 93,00 (denarë/litër)
EURODIZEL BS (D-E V) do të shitet për 99,50 (denarë/litër)
Vaj për Djegie Ekstra i Lehtë 1 (EL-1) do të shitet për 98,50 (denarë/litër)
Mazut М-1 SU do të shitet për 46,419 (denarë/kilogram).
Zjarri në Tearcë dyshohet të jetë i qëllimshëm, Komuna dhe policia hetojnë rastin,autoritetet me apel për kujdes
Ethet e nilit perëndimor, Cana: 10 të diagnostifikuar, 7 të dyshuar dhe të hospitalizuar
Vazhdojnë hetimet për varrezat masive në Kosovë, në pritje të procesit të identifikimit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
