Lajme nga vendi
SPB ; Kronika e zezë për ditën e djeshme 06 Prill Tetovë dhe Gostivar
Më datë 06.04.2026, në orën 07:00, në SPB Tetovë, nga Spitali i Përgjithshëm i Gostivarit është denoncuar se tek ata është sjellë me gjendje të përkeqësuar shëndetësore R.M. (29) nga Manastiri, e cila pas pak kohësh ka ndërruar jetë. Mjeku ka konstatuar vdekjen, ndërsa me urdhër të prokurorit publik trupi i të ndjerës është dorëzuar në Mjekësinë Ligjore për obduksion.
……Më datë 06.04.2026, në orën 09:50, në SPB Tetovë, një 39-vjeçar nga Tetova ka denoncuar se është mashtruar nga Z.J. nga Gostivari për shumën prej 2.230 eurove. Sipas denoncimit, gjatë muajit shkurt të vitit 2026, përmes një ndërmjetësi, ka kontaktuar me të denoncuarin për zhdoganimin e një motoçiklete nga Zvicra. Siç është denoncuar, pasi janë takuar në Tetovë dhe ia ka dhënë paratë, Z.J. nuk e ka përmbushur marrëveshjen dhe nuk ia ka kthyer paratë, me ç’rast ka dyshuar se është mashtruar. Pas dokumentimit të plotë të rastit, do të vijojë kallëzimi përkatës.
……Më datë 06.04.2026, në orën 15:10, në SPB Tetovë, një 33-vjeçar nga Tetova ka denoncuar se është mashtruar nga S.GJ. nga Ohri, e punësuar në një firmë private për konsulencë. Sipas denoncimit, në fund të vitit 2024 ka kontaktuar me të denoncuarën për ndërmjetësim për marrjen e një vize gjermane pune, me ç’rast më 01.11.2024 në xhirollogarinë e firmës ka paguar 24.520 denarë. Siç është denoncuar, edhe pse i ishte premtuar se viza do të jetë gati brenda tre muajve, deri në ditën e denoncimit puna nuk ishte kryer. Po ndërmerren masa për zbardhjen e rastit.
……Më datë 06.04.2026, në orën 12:30, në SPB Tetovë, M.A. (36) nga Tetova ka denoncuar se në një objekt hotelerik në Tetovë është sulmuar fizikisht nga F.F. (40) nga fshati Zherovjan. Po ndërmerren masa për zbardhjen dhe dokumentimin e rastit.
……Më datë 06.04.2026, në orën 16:10, në udhëkryqin e rrugës “Marshall Tito” dhe rrugës “Jane Sandanski” në Tetovë, zyrtarët policorë nga SPB Tetovë kanë privuar nga liria S.M. (27) dhe D.R. (42), të dy nga Tetova, sepse kanë prishur rendin dhe qetësinë publike me një përleshje fizike. Ata janë shoqëruar në stacionin policor dhe pas zbardhjes së plotë të rastit do të vijojë parashtresa përkatëse.
……Më datë 06.04.2026, zyrtarët policorë nga DPB Gostivar, në bashkëveprim me inspektorët e ndërtimit nga Komuna e Gostivarit, kanë kryer inspektim në fshatin Forinë të Gostivarit, për shkak të ekzistimit të dyshimit për vepra penale “uzurpim i tokës shtetërore” dhe “ndërtim pa leje”. Gjatë kontrollit është konstatuar se në vendin e quajtur “Rudina” ka filluar ndërtimi i një objekti pa dokumentacionin përkatës në tokë në pronësi shtetërore, ndërsa investitor është SH.S. (39) nga fshati Forinë. Në vendngjarje janë gjetur kontraktuesi B.R. (40) dhe disa punëtorë, me ç’rast dy shtetas të Republikës së Shqipërisë, E.O. (33) dhe D.O. (49), janë ndaluar për shkak të keqpërdorimit të qëndrimit turistik në shtet dhe janë mbajtur në Stacionin Policor të Gostivarit për procedurë të mëtejshme. Përkohësisht janë konfiskuar edhe makineritë ndërtimore të gjetura në terren.
……Më datë 06.04.2026, në orën 11:30, në Stacionin Policor të Gruçinit, A.J. (48) nga fshati Pallaticë e Tetovës, ka denoncuar se në afërsi të shkollës fillore në fshat, djali i tij i mitur është sulmuar fizikisht nga disa të mitur, me ç’rast ka pësuar lëndime të konstatuara në Spitalin Klinik të Tetovës. Po ndërmerren masa për zbardhjen e rastit.
…… Më datë 06.04.2026, në orën 20:00, në fshatin Pirok të Tetovës, zyrtarët policorë nga Stacioni Policor i Kamjanit kanë privuar nga liria personat J.K. (33), J.A. (36) dhe J.N. (20), të gjithë nga fshati Rakovec i Tetovës, duke vepruar sipas denoncimit paraprak nga M.R. (53) nga fshati Rakovec, se në orën 17:45, derisa po lëvizte me bashkëshorten e tij me automjetin e tij drejt Tetovës, i kanë bllokuar rrugën, pas së cilës me mjet të fortë dhe metalik i kanë dëmtuar automjetin. Pas dokumentimit të plotë të rastit do të vijojë kallëzimi përkatës.
……Më datë 06.04.2026, në orën 21:50, zyrtarët policorë nga DPB Gostivar kanë privuar nga liria F.I. (36) nga fshati Vrutok i Gostivarit. Ai dyshohet se ka kryer vepër penale “vjedhje e rëndë” në një xhami në fshatin Mirditë. Personi është ndaluar në stacionin policor dhe pas dokumentimit të plotë të rastit, ndaj tij do të vijojë kallëzimi përkatës.
……Më datë 07.04.2026, në orën 01:30, në rrugën rajonale Tetovë-Jazhincë, në fshatin Tearcë, zyrtarët policorë nga Stacioni Policor i Tearcës kanë privuar nga liria A.M. (20) nga fshati Nerasht i Tetovës. Gjatë kontrollit në trafik, zyrtarët policorë kanë ndaluar një automjet pasagjerësh “Opel Corsa” me targa të Tetovës, të cilin ai po e drejtonte, ku është konstatuar se mjetin po e drejtonte me leje qarkullimi të skaduar. Automjeti është konfiskuar dhe pas dokumentimit të plotë të rastit ndaj tij do të vijojë kallëzimi përkatës.
Nën moton “Luftojmë për paga, jo për t’u lutur“, Lidhja e Sindikatave të Maqedonisë me një protestë masive punëtorësh do ta shënojë 1 Majin – Ditën Ndërkombëtare të Punës, përcjell TV21. Protesta do të fillojë në orën 11:00, nga para Shtëpisë së Punëtorëve me të njëjtat kërkesa për rritjen e pagës minimale dhe të pagave të tjera.
“Luftojmë për paga, jo për t’u lutur” është slogani nën të cilin këtë vit punëtorët do ta shënojnë Ditën Ndërkombëtare të Punës 1 Maj dhe do të dalin në rrugë krah për krah, njëri pranë tjetrit, për të kërkuar rritjen e pagës minimale, sepse paga minimale sot është përcaktuar nga Ministria e Ekonomisë dhe Punës pa pëlqimin e partnerëve socialë, pra pa pëlqimin e Lidhjes së Sindikatave të Maqedonisë dhe në dëm të punëtorëve për vetëm 1.667 denarë”, tha Slobodan Trendafilov, kryetar i LSM.
Më datë 06.04.2026, në orën 07:00, në SPB Tetovë, nga Spitali i Përgjithshëm i Gostivarit është denoncuar se tek ata është sjellë me gjendje të përkeqësuar shëndetësore R.M. (29) nga Manastiri, e cila pas pak kohësh ka ndërruar jetë. Mjeku ka konstatuar vdekjen, ndërsa me urdhër të prokurorit publik trupi i të ndjerës është dorëzuar në Mjekësinë Ligjore për obduksion.
Lajme nga vendi
Inspektime në treg: Paralajmërohen masa të rrepta për abuzimet me çmimet e ushqimeve
Qeveria dhe Inspektorati Shtetëror i Tregut janë duke analizuar operatorët tregtues për shpërdorimet e mundshme çmimet e ushqimeve. Kryeministri Hirstijan Mickoski tha se analiza është në përpunim e sipër dhe do të ketë masa të rënda kundër keqpërdoruesve.
“Analizat tona janë në drejtim të asaj për të konstatuar nëse ka keqpërdorime dhe qasje jo tregtare nga operatorët tregtues. Vetëm të ju kujton se në vitim 2022 në muajin mars dhe prill shkalla e inflacionit ka qenë dyshifror, përkatësisth 10, 5 për qind. Me korrektimet që i bërë dhe masat fillestare me uljen e TVSH-së dhe mundësisë për akcizë më të vogël, neve i përgjysmuam mundësitë për inflacion më të madh”, deklaroi Hristijan Mickoski, Kryeministër .
Sipas kreut të ekzekutivit, falë masave të ndërmarra nuk pritet inflacion më i madh se 5 për qind.
“Sipas përllogaritjeve tona presim që inflacioni të mos shkon më shumë se 4,5-5 për qind në muajin mars. Do të kemi ngarkesë. Ishte e dukshme në gjysmën e dytë të muajit mars. I bëjmë analizat dhe do të sjellim vendim të duhur”., theksoi Hristijan Mickoski, Kryeministër.
Në seancën e ardhshme të Qeverisë, seanca që duhet zhvilluar pas festave do të sillen masa të reja. Do të targetohen më shumë sektorë por fokusi do të jetë te produktet ushqimore bazë./Alsat.mk.
VIDEO/ Sulmi me armë pranë Konsullatës Izraelite në Stamboll, dy të vd’ekur dhe policë të plagosur
Trump: Një civilizim i tërë do të vdesë sonte nëse Irani s’bën marrëveshje
LSM në protestë për 1 maj: Luftojmë për paga, jo për t’u lutur
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”