Lajme nga vendi
DEKLARATA E PETER MAGJAR – FATI I GRUEVSKIT PËRPLAS LSDM-në DHE VMRO-DPMNE-në!
Çështja për ekstradimin eventual të Gruevskit sërish po aktualizohet pas disfatës zgjedhore të Viktor Orbanit në Hungari, qeveria e të cilit i në vitin 2018 i dha azil ish-Kryeministrit.
Njëkohësisht, Peter Magjar, fituesi i zgjedhjeve në Hungari, i cili duhet ta formojë Qeverinë, theksoi në një press-konferencë se Hungaria nuk do të jetë strehë e kriminelëve duke përmendur edhe Gruevskin.
PETER MAGJAR – Fitues i zgjedhjeve në Hungari
“Hungaria nuk do të jetë strehë e kriminelëve ndërkombëtar. Kjo nuk vlen vetëm për ta, por edhe për Nikola Gruevskin, ish-Kryeministrin e Maqedonisë, i cili gjithashtu është I dënuar”
Ndërkaq, lideri i LSDM-së, Venko Filipçe, gjatë një press-konference ka parashtruar një sërë pyetjesh për të ardhmen e ish-Kryeministrit Gruevski, pas ndryshimeve politike në Hungari.
Ai duke përshëndetur mesazhet e qeverisë së re hungareze, ka parashtruar pyetje të drejtpërdrejta për Qeverinë aktuale në vend.
VENKO FILIPÇE – LSDM
“Shtrojmë pyetjen, a ka kërkesë për ekstradim nga Qeveria VMRO-ZNAM për kthimin e Gruevskit? Nëse nuk ka, përse nuk ka? Dhe nëse nuk ka, a do të dorëzojnë sot kërkesë për ekstradim? Shtrohet pyetja se çfarë do të bëjë Gruevski tashmë kur nuk ka mbrojtës në Budapest? A do të arratiset në Rusi ose në ndonjë vend tjetër apo do të kthehet ta vuajë dënimin”
Ndërkohë, Kryeministri Mickoski sot ka komentuar zhvillimet politike në Hungari dhe është prononcuar për ekstradimin eventual të Gruevskit.
HRISTIJAN MICKOSKI – Kryeministër
“Lidhur me politikat specifike me ish-Kryeministrin Gruevski, ato janë vendime të qeverisë hungareze. Siç jam i njoftuar, ekstradimi është kërkuar që në vitin 2018, kurse është refuzuar më 2019 dhe komente shtesë duhet të kërkohen në Ministria e Drejtësisë. Unë nuk jam Ministër i Drejtësisë, unë jam Kryeministër”
Ish-Kryeministri Gruevski u arratis nga Maqedonia në nëntor të vitit 2018, kur duhej të vuajë dënimin me burg për rastin “Tanku” që kishte të bënte me Mercedesin luksoz, rast i cili u hap nga ish-Prokuroria Speciale Publike.
Hungaria disa herë kishte refuzuar ekstradimin për shkak të statusit të azilit politik.
Sipas mediave për të mbërritur në Hungari kishte kaluar tre shtete – Shqipërinë, Malin e Zi dhe Serbinë.
Më 13 nëntor 2018 përmes një statusi në Facebook njoftoi se gjendet në Budapest ku ka kërkuar azil politik.
Para disa viteve Gruevski u fut edhe në “listën e zezë” të SHBA-së.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13