Me nga dy gola që realizuan Meliqi, Ibraimi dhe Latifi kuqezinjt tetovar  regjistruan fitoren e 20 sezonale në ndeshjen e javës së 27-të kundër  Shkupit  duke  vazhduar tw mbajnë hapin për mbrojtjen e titullit kampion. Struga Trim Lum sërish i zhgënjeu tifozët.

Shkëndija ashtu siç edhe pritej nuk hasi në vështirësi për të siguruar tre pikë në përballjen  kundër  Shkupit. Ekipi kuqezi edhe pse me një formacion të kombinuar arriti  të regjistrojë fitore të sigurt  6-0 .

E veçanta e këtij takimi ishte se në përfundim të ndeshjet futbollistët e dy ekipeve  së bashku me tifo grupin  Ballistët”, u  grumbulluan duke kënduar në një zë: “Kush nuk kcen, nuk o shqiptar, o hej!” dhe ‘’o sa mirë me qenë shqiptar’’.

Anes Meliqi i cili luajti vetëm në pjesën e parë duke  realizuar dy  gola, pas ndeshjes tha se kjo ishte e një ndeshje që duhej fituar.

“Ishte një ndeshje që duhej ta kalonim. Tani të gjithë e dimë se jemi në sprintin final të kampionatit dhe çdo ndeshje e marrim shumë seriozisht. Fakti që shënuam gjashtë gola do të thotë se ishim shumë seriozë. Dua të potencoj se më vjen shumë keq për gjendjen e Shkupit. Vetë vij nga Shkupi, aty kam lindur dhe uroj ky klub ta kalojnë sa më shpejt këtë krizë dhe të kthehen sa më shpejt aty ku e kanë vendin. Klubi i Shkupit ka histori shumë të madhe dhe mëkat të jenë në këtë gjendje.” – deklaroi futbollisti Anes Meliqi.

Advertisement

Në ndeshjen tjetër të zhvilluar pasditen e djeshme Struga Trim zhgënjeu tifozët vendas me disfatën 1-2 kundër Tikveshit që ishte edhe  disfata e  pestë sezonale. Struga Trim Lum vazhdon të mban pozitën e tretë në tabelë me 55 pikë  apo gjashtë më tepër se vendi i katërt.

Në pjesën e dytë të ndeshjes  ndodhi një skenë trishtuese Pape Fall pati një duel të rëndë me futbollistin kundërshtarë, Petroviq, duke pësuar një goditje të rëndë në krahëror, ndërsa gjatë rënies në tokë, i njëjti kishte lënduar kokën, duke humbur kështu për një çast edhe vetëdijen.

Lojtari  me urgjencë ishte transferuar në spital  dhe  pas ekzaminimeve mjekësore, i njëjti u nënshtrua edhe një incizimi tomografik në kokë, që tregoi gjendjen e tij stabile dhe të qëndrueshme, ashtu që Pape Fall pritet të rikthehet shumë shpejtë me ekipin.

Liga e Kampioneve do të mësojë sot emrat e dy gjysmëfinalistëve të parë të turneut, pasi nisin ndeshjet e kthimit të turit çerekfinal të turneut. Në orën 21:00 do të luhen dy ndeshje të ethshme, ku gjithçka mund të ndodhë, edhe pse në sfidat e para fitoret kanë qenë me rezultatin e pastër 2-0.

 Sonte pritet një mbrëmje vendimtare në Ligën e Kampionëve, ku do të mësohen dy gjysmëfinalistët e parë të edicionit aktual pas zhvillimit të ndeshjeve të kthimit çerekfinale.

 Në fokus është përballja mes Atletico Madridit dhe Barcelonës, një duel i zjarrtë spanjoll që mbetet plotësisht i hapur pas rezultatit 2-0 për skuadrën e Simeones në ndeshjen së parë.

Të dy ekipet hynë në këtë takim me synimin e qartë për të siguruar një vend në mesin e katër më të mirëve të Evropës, ndërsa diferencat e vogla nga sfida e parë e bëjnë këtë përballje edhe më dramatike.

 Po aq interesant pritet të jetë edhe dueli mes Liverpullit dhe Paris Saint-Germain.

Advertisement

Skuadra angleze kërkon ta përmbysë epërsinë prej dy golave të PSG-së, ndërsa francezët synojnë të shfrytëzojnë cilësinë individuale për të siguruar kualifikimin.

Edhe kjo përballje pritet të jetë e hapur deri në minutat e fundit.

Rezultatet e ndeshjeve të para kanë lënë gjithçka të hapur, duke bërë që sonte të jetë një nga netët më emocionuese të këtij sezoni në Ligën e Kampionëve, ku vetëm dy nga këto katër gjigantë do të vazhdojnë rrugën drejt finales.

Klubi i futbollit Kamjani dhe  Vëllazërimi i Kërçovës edhe pas xhiros së 16-të, mbeten dy skuadrat  pretendente  për titullin kampion në Ligën e tretë grupi Perëndim

 Gjatë vikendit janë  zhvilluara  ndeshjet e javës së 16-të në Ligën e tretë grupi  Perëndim,  ku skuadrat vendase  kanë regjistruar 2 fitore  po aq edhe skuadrat mysafire.  Lideri në renditjen e tabelës klubi futbollit Kamjani ka shënuar fitore të thellë  6-0 në përballjen me  ekipin e Renovës. Për ekipin e Kamjanit ishte  kjo  fitorja e 13  sezonale në 15 ndeshje të zhvilluara. Fitore të sigurt 3-0 ka shënuar edhe Vëllazërimi Kërçovës në përballjen me ekipin Skënderbeu  të Porojit. Ekipi i Reçicës ka  befasuar Dobroshtin duke e mundur 3-2 në  cilësinë e mysafirit.  Në transfertë fitore të thellë ka regjistruar Vardari i Bërvenicës kundër Lubotenit 7-2.  Ndeshja Drita – Naperdoku është anuluar. Pas ndeshjeve të djeshme tabelën e kryeson Kamjani me 40 pikë e ndjekur nga Vëllazërimi me 38 pikë  por me një ndeshje më tepër.

Rezultatet: Luboteni – Vardari 0-7, Vëllazërimi – Skënderbeu 3-0, Dobroshti – Reçica  2-3  dhe Kamjani – Renova  6-0