Sport
VOLEJBOLL: MË 19 PRILL NIS EDICIONI I TRETË “LIGA E VETERANËVE”
Kampionati i volejbollit për veterenaë starton më 19 prill me turnirin e parë që organizohet në Gjevgjeli. Në kampionatin e këtij viti do të garojnë shtatë ekipe. Shkëndija në xhiron e parë takohet me Tetovën.
Në organizim të Federatës së Volejbollit të Maqedonisë së Veriut, nga 19 prilli fillon edicioni i tretë i kampionatit të volejbollit për veteranë.
Në këtë edicion do të marrin pjesë shtatë ekipe: Gjevgjelia, Shkëndija, Velesi, Skopje, Strumica, Tetova dhe Prilepi.
Garat do të zhvillohen me sistemin e turnirëve, ndërsa turniri i parë do të zhvillohet më 19 prill në qytetin e Gjevgjelisë.
Ekipin e Shkëndisë do ta drejtojnë tandemi i trajnerëve Miftar Ziberi me ndihmësin Latif Halilin të cilët në dispozicion kanë formacionin më të mirë me të gjithë legjendat e këtij klubi.
Kapiteni Durim Luma, gjatë një prononcimi për Tv Koha, nuk e fsheh se në këtë edicion do të jenë pretendent për titull.
‘’Këtë vit jemi të mobilizuar edhe më shumë dhe jemi të përforcuar. Kemi një fond të lojtarëve më të gjerë në krahasim me vitin e kaluar. Kështu që ambiciet tona gjithsesi se janë të luajmë përsëri në finale por kësaj radhe besoj se do ta fitojmë edhe titullin kampion pasi ne përveç lojtarëve tjerë të cilët kanë marrë pjesë vitin e kaluar. Pra vëllezërit Vela, Zulfi Baftjari,Besim Rexha, Mensur Hamza, na janë bashkangjitur edhe disa lojtar tjerë në veçanti Habil Ajet dhe Naim Abazi që për na do të jenë një mbështetje dhe një përforcim jashtëzakonisht i madh. Qëllimi është të marrim pjesë pikë së pari dhe pastaj të vinë edhe rezultatet ‘’ deklaroi kapitemi i Shkëndijës Durim Luma
Kampionati i veteranëve do të zhvillohet me sistemin e turnirëve, pra në çdo qytet prej nga vijnë ekipet garuese.
‘’ Vendas të turnirëve do të jenë secila ekip nga një javë. Shorti bëhet për secilin turnir veç e veç. Ne tanimë e dimë kënd do ta kemi kundërshtar në turnirin e parë, të dytë dhe të tretë e kështu me radhë deri te i shtati. Turniri i parë mbahet në Gjevgjeli dhe ne për kundërshtarë do ta kemi ekipin e Tetovës që pritet të jetë një derbi i madh kurse turnirin e dytë do të jemi ne nikoqir dhe për kundërshtarë do ta kemi Gjevgjelinë ‘’ tha kapiteni Durim Luma.
Në xhiron e parë më 18 prill në Gjevgjeli do të takohen: Shkëndija – Tetova, Boreci – Skopje dhe 11 Oktomvri – Gjevgjelia.
Drejtuesit e Federatës së futbollit në Itali kanë emëruar Roberto Mançinin për trajner të ri të kombëtares
Roberto Mancini është zyrtarisht trajneri i ri i kombëtares italiane. Konfirmimi erdhi përmes kanaleve të rrjeteve sociale të Federatës Italiane të Futbollit, pasi Giovanni Malagò e kishte bërë tashmë të ditur lajmin në një konferencë për shtyp.
Në stafin e tij mund të përfshihen Leonardo Bonucci, Antonio Gagliardi dhe Massimo Maccarone, ndërsa Marco Roccati do të shërbejë si trajner i portierëve.
Mancini do të prezantohet të mërkurën, më 29 korrik, në orën 18:00, së bashku me Claudio Ranierin, i cili do të marrë rolin e drejtorit teknik të kombëtares italiane.
Periudha e “Mancios” në krye të Italisë ishte një sagë epike që nisi si përralla më e bukur dhe përfundoi me hidhërim e një lamtumirë që ende dhemb. Ishte një histori e karakterizuar nga kulme të jashtëzakonshme – viti i paharrueshëm 2021, nata në “Wembley” kundër Anglisë, trofeu i ngritur drejt qiellit dhe një stil loje magjepsës që bëri që një komb i tërë të dashurohej sërish me skuadrën.
Boksieri shqiptar Kristjan Prenga është mposhtur nga Anthony Joshua në duelin e shumëpritur.
Prenga e nisi sfidën me ritëm të lartë, duke shfaqur vendosmëri dhe agresivitet në raundin e parë, ku arriti të vendosë në vështirësi kundërshtarin duke e rrëzuar dy herë për tokë dhe të lërë përshtypje pozitive me paraqitjen e tij.
Megjithatë, rrjedha e ndeshjes ndryshoi në raundin e dytë, kur Joshua mori kontrollin e plotë të duelit. Boksieri britanik shfrytëzoi përvojën dhe cilësitë e tij, duke dominuar momentet vendimtare dhe siguruar fitoren.
Me këtë sukses, Joshua vazhdon përgatitjet për përballjen e shumëpritur ndaj Tyson Fury, ndërsa Kristjan Prenga, pavarësisht paraqitjes së mirë në fillim të sfidës dhe shpirtit të garës që tregoi, nuk arriti të shmangë humbjen në këtë duel.
Sipas raportimeve, në këtë ndeshje boksi, Joshua përfitoi rreth 4.6 milionë euro, ndërsa Kristian Prenga arkëtoi afërsisht 1.1 milionë euro, duke u shënuar si pagesa më e madhe e karrierës së tij.
Anthony Joshua tha se fitorja e tij me nokaut ndaj Kristian Prengës nuk ishte vetëm rezultat i fuqisë së grushteve.
“Është më shumë sesa fuqia e goditjes. Ishte shpirti, ishte Latz, ishte Sina. Ishin familjet e tyre.” tha Joshua.
Në organizim të rinisë së fshatit Miletinë nga data 20 deri më 25 korrik u mbajt turneu tradicional i futbollit të vogël “Mërgimtarët 2026”. Gjatë pesë netëve sa zgjati turneu, ky event ishte një festë e vërtet për banorët e këtij vendbanim përfshirë këtu edhe mërgimtarët. Tetë ekipet pjesëmarrëse kryesisht nga Miletina për pesë netë me radhë dhuruan spektakël dhe emocione të pa përshkruara dhe kjo u vërejt edhe me praninë e madhe në natën finale kur edhe u shpallë më të mirët. Fituesi i këtij edicioni doli ekipi “Knauf Bajro”, të cilët në finale mundën ekipin “Auto Laker Meti” pas ekzekutimit të penaltive. Nasir Ajrullai në cilësinë e organizatorit u shpreh tepër i kënaqur me rrjedhën e turneut duke falënderuar të gjithë ata që e përkrahën.
“Kështu që na do të vazhdojmë çdo vit që ti ofrojmë fshatit një atmosferë që rina e fshatit dhe mërgimtarët të jenë sa më afër me rininë. Një falënderim të veçantë edhe njëherë posaçërishitë për mërgimtarët. Mërgimtarët janë ata që na nbështesën dhe normal rina e fshatit gjithsesi edhe për sponsorët tanë” deklaroi organizatori Nasir Ajrullai
Kapiteni i ekipit fitues “Knauf Bajro” Qemal Rasimi i emocionuar me atmosferën e krijuar gjatë pesë ditëve, fitoren ua dedikojë mërgimtarëve dhe gjithë fshatit.
I kënaqur me atmosferën e krijuar në natën finale u shprehë edhe lojtari i ‘Swiss Garden’ Naser Zenuni
Organizatori për fituesin ‘Knauf Bajrami’ ndau Kupë, mirënjohje dhe 400 Euro, për ekipin e dytë ’Auto Laker Meti” kupë mirënjohje dhe 200 Euro dhe për vendin e tret ekipit ‘Swiss Garden’ ndau kupë mirënjohje dhe 100 Euro. Lojtari më I mire I turneut u shpall Valmir Abduramani, golashënuesi më im mire Zemri Jashari dhe portier më I mire Lirim Ajrullai. Mirënjohje u ndanë edhe për arbritrat.Shaban Sinani – TV KOha
Besnik Xhemaili zgjidhet zëvendëskryetar i Antikorrupsionit
Uji në Gostivar mbetet vetëm për përdorim teknik, nuk lejohet për pirje
Skandal me provimin e Stomatologjisë: Studentja i pagoi ryshfet profesorëve, policia kapi mijëra euro
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
