Lajme nga vendi
SPB ; Kronika e zezë për ditën e djeshme 16 Prill Tetovë dhe Gostivar
Më 16.04.2026, në orën 23:15, në rrugën “Vëllezërit Bllazheski” në Gostivar, zyrtarët policorë kanë privuar nga liria personin V.N. (39) nga Gostivari, pasi tek ai është gjetur dhe konfiskuar një lëndë pluhur e bardhë. Më vonë, më 17.04.2026, me urdhër gjyqësor, është kryer kontroll në shtëpinë e tij, me ç’rast është gjetur dhe konfiskuar marihuanë. Ai është ndaluar në stacionin policor dhe pas dokumentimit të plotë të rastit do të vijojë parashtresa përkatëse.
……Më 17.04.2026, në orën 14:20, në rrugën “Ilinden” në Tetovë, zyrtarët policorë kanë privuar nga liria personin A.A. (43) nga fshati Shipkovicë е Tetovës, pasi tek ai është gjetur dhe konfiskuar marihuanë. Ai është ndaluar në stacionin policor dhe pas dokumentimit të rastit ndaj tij do të vijojë parashtresa përkatëse.
…..Më 16.04.2026, në orën 11:30, në SPB Tetovë, një person 54-vjeçar nga rrethina e Tetovës ka denoncuar se është mashtruar nga personi A.G. nga Tetova. Sipas denoncimit, gjatë muajit tetor të vitit 2025, A.G. ka blerë prej tij një automjet “Audi” për çmimin e dakorduar prej 8.500 eurosh, me premtimin se do ta paguante deri në dhjetor. Siç është denoncuar, më pas ai e ka shtyrë pagesën me pretekste të ndryshme, pas së cilës i ka dorëzuar një automjet tjetër “Jaguar” si zëvendësim, të cilin më vonë e ka marrë për riparim të pretenduar dhe nuk e ka kthyer më. Po ndërmerren masa për zbardhjen e rastit.
……Më 16.04.2026, në orën 13:45, në rrugën “Fazaneria” në Gostivar, zyrtarët policorë kanë privuar nga liria personin I.H. (56) nga Gostivari, pasi që ka prishur rendin dhe qetësinë publike me sjellje agresive. Pas dokumentimit të rastit do të vijojë parashtresa përkatëse.
…….Më 16.04.2026, në orën 15:30, në DPB Gostivar, një person 56-vjeçar nga Gostivari ka denoncuar se është mashtruar nga A.S. nga fshati Haraçinë e Shkupit, për një shumë prej 5.000 eurosh. Sipas denoncimit, përmes rrjeteve sociale ai ka rënë në kontakt me personin dhe është vënë në lajthitje për shitblerjen e një tufe delesh, me ç’rast përmes një ndërmjetësi i ka paguar të denoncuarit 5.000 euro si kapar. Pas marrjes së parave, i denoncuari ka ndërprerë kontaktet dhe ka fikur telefonin, pas së cilës personi ka kuptuar se është mashtruar. Po ndërmerren masa për zbardhjen e rastit.
…….Më 16.04.2026, në orën 18:10, në rrugën “Ilinden” në Tetovë, zyrtarët policorë të SPB Tetovë kanë shoqëruar personin A.M. (52) nga Shqipëria. Gjatë kontrollit në një bastore sportive në Tetovë, është kryer identifikimi i A.M. dhe është konstatuar se ai ka qëndrim të padeklaruar në shtet. Ai është ndaluar në stacionin policor për procedurë të mëtejshme.
…….Më 16.04.2026, në orën 18:50, në bulevardin “Iliria” në Tetovë, zyrtarët policorë kanë privuar nga liria personin personin A.R. (29) nga fshati Llërc e Tetovës. Gjatë kontrollit të trafikut rrugor, zyrtarët policorë kanë ndaluar automjetin e udhëtarëve “Volkswagen Golf” me targa të Tetovës, të cilin ai e drejtonte, dhe pas verifikimeve është konstatuar se e ka drejtuar mjetin me shpejtësi 63 kilometra në orë në vendbanim, ku shpejtësia e lejuar është e kufizuar në 50 kilometra në orë. Kur e kanë njoftuar se do t’i shqiptohet urdhërpagesë për kundërvajtje, ai ka filluar të sillet në mënyrë agresive ndaj zyrtarëve policorë dhe është privuar nga liria. Ai është ndaluar në stacionin policor dhe pas dokumentimit të rastit ndaj tij do të vijojë kallëzimi përkatës.
…..Më 16.04.2026, në orën 23:00, në rrugën “Ilinden” në Gostivar, zyrtarët policorë kanë arrestuar personin K.XH. (62) nga fshati Dobërdoll i Gostivarit, pasi që ka prishur rendin dhe qetësinë publike me sjellje agresive ndaj kalimtarëve të rastit. Gjatë verifikimeve të kryera, është konstatuar se ai ishte nën efektin e alkoolit, përkatësisht se kishte 2,08 promilë alkool në gjak. Ai është ndaluar në stacionin policor dhe pas dokumentimit të rastit do të vijojë parashtresa përkatëse.
……..Më 16.04.2026, në orën 23:10, në SPB Tetovë është denoncuar se para kazermës “Kuzman Josifovski Pitu” në Tetovë, disa persona kanë varur flamurin e një shteti të huaj në rrethimin mbrojtës dhe kanë filmuar me celularë. Pas ndërhyrjes së personit përgjegjës të objektit, personat e kanë hequr flamurin dhe janë larguar. Po punohet për zbardhjen e rastit.
……Më 17.04.2026, në orën 00:40, në rrugën “Ilinden” në Gostivar, zyrtarët policorë kanë privuar nga liria personin B.E. (26) nga fshati Vrapçisht i Gostivarit. Gjatë kontrollit të trafikut rrugor, zyrtarët policorë kanë ndaluar automjetin e udhëtarëve “Pezho”, të cilin ai e drejtonte, dhe pas verifikimeve është konstatuar se e ka drejtuar mjetin pa dhënë provimin për patentë shoferi. Ai është ndaluar në stacionin policor, automjeti i është konfiskuar dhe pas dokumentimit të rastit ndaj tij do të vijojë kallëzimi përkatës.
Drejtoria e Doganave thotë se ka ngritur nivelin e kontrollit përmes vendosjes së profileve adekuate të rreziqeve, që ka rezultuar me zbulimin e disa tentativave për të trafikuar arin, gjatë dy javëve të kaluara.
Zyrtarët doganorë kanë parandaluar katër tentativa për kontrabandë ari në pikat kufitare, gjatë të cilave janë sekuestruar sende të arta që udhëtarët kanë tentuar t’i fusin ilegalisht në vend.
Siç bëjnë të ditur nga Drejtoria Doganore, rastet janë zbuluar gjatë kontrolleve të detajuara të udhëtarëve dhe bagazheve të tyre, ku tek disa persona janë gjetur sende ari të padeklaruara.
Ndaj personave të përfshirë janë ngritur kallëzime përkatëse, ndërsa ari i sekuestruar është konfiskuar përkohësisht deri në përfundimin e procedurave.
Gjatë dy javëve të fundit, në pikën kufitare “Aeroporti Ndërkombëtar i Shkupit” janë zbuluar tre tentativa për kontrabandë ari me peshë totale prej 285 gramësh dhe vlerë rreth 23 mijë euro.
Më herët, Drejtoria Doganore ka informuar edhe për një rast të parandaluar të kontrabandës së arit në pikën kufitare Bogorodicë. Në të gjitha rastet, ari është sekuestruar dhe ndaj të dyshuarve janë ngritur kallëzime penale.
Drejtoria Doganore rikujtoi një rast tjetër, ku zyrtarët doganorë në Aeroportin Ndërkombëtar të Shkupit parandaluan kontrabandën e 1.7 kilogramëve stoli ari të çmuar, të cilat gjatë procedurës penale nga një ekspert gjyqësor janë vlerësuar në pothuajse një milion euro.
Kryetari i Kuvendit të Maqedonisë së Veriut, Afrim Gashi, mori pjesë në Debatin e Përgjithshëm të Asamblesë së 152-të të Inter-Parliamentary Union (IPU), që po mbahet në Antalya, ku theksoi rëndësinë e bashkëpunimit ndërkombëtar për ruajtjen e paqes dhe forcimin e demokracisë.
Në fjalimin e tij në kuadër të debatit me temën “Ushqimi i shpresës, sigurimi i paqes dhe garantimi i drejtësisë për brezat e ardhshëm”, Gashi vlerësoi se bota po përballet me sfida serioze për rendin global dhe se përballja me to kërkon angazhim të përbashkët dhe vendime të guximshme nga institucionet demokratike.
“Në një kohë sfiduese për rendin global, demokracia, paqja dhe drejtësia për brezat e ardhshëm kërkojnë angazhim të përbashkët dhe veprim të guximshëm,” theksoi Gashi gjatë fjalimit të tij.
Ai nënvizoi se përvoja e North Macedonia tregon se dialogu dhe bashkëpunimi ndërkombëtar mbeten instrumente kyçe për tejkalimin e krizave dhe ndërtimin e stabilitetit afatgjatë.
Kryeparlamentari gjithashtu riafirmoi përkushtimin e Kuvendit për të qenë një institucion gjithëpërfshirës për të gjithë qytetarët, duke theksuar rëndësinë e përfshirjes së të rinjve në proceset vendimmarrëse.
Në fund, Gashi bëri thirrje për thellimin e bashkëpunimit ndërparlamentar, sidomos në përballjen me sfidat e reja globale, si transformimi digjital dhe zhvillimi i inteligjencës artificiale, duke theksuar se parlamentet duhet të jenë aktive në formësimin e politikave që do të ndikojnë në të ardhmen e shoqërive.
Lajme nga vendi
Shqipëria dhe Kosova do të konkurrojnë për të dytin vit në olimpiadën e përbashkët të gjuhës shqipe
Për të dytin vit radhazi, Shqipëria dhe Kosova do të konkurrojnë në olimpiadën e përbashkët të gjuhës shqipe.
Ministrja e Arsimit e Shqipërisë, Mirela Kumbaro fton nxënësit e klasave të nënta të shkollave në Shqipëri dhe Kosovë, të marrin pjesë në këtë rrugëtim për të testuar dhe vlerësuar njohuritë e tyre mbi gjuhën amtare.
Kumbaro tha se “faza e parë nis sot në mjediset e çdo shkolle, për të vijuar më pas me fazën e dytë në nivelin vendor të zyrave arsimore më 25 prill”.
Nxënësit që do të kualifikohen do të përfaqësojnë dijet e tyre në fazën e tretë në nivel kombëtar më datë 9 maj.
“Kulmi i këtij bashkimi do të arrijë në fazën e katërt ndërshtetërore, e cila do të mbahet në Prishtinë më 23 maj”, tha Kumbaro në një postim në rrjetet sociale.
Kumbaro u shpreh se gjuha shqipe ndër shekuj ka shërbyer si urë e pathyeshme dhe si trashëgimi e vyer që mban të lidhur pas rrënjëve Shqipërinë me Kosovën.
Organizimi i kësaj olimpiade për të dytin vit radhazi ka për qëllim forcimin e bashkëpunimit mes Ministrisë së Arsimit të Shqipërisë dhe Ministrisë së Arsimit dhe Shkencës së Kosovës ka si qëllim mbrojtjen dhe promovimin e gjuhës, kulturës dhe traditave tona dhe forcimin e identitetit kombëtar.
Irani “mban fjalën” pas marrëveshjes, hap plotësisht Ngushticën e Hormuzit
DOGANA KA PARANDALUAR KATËR TENTATIVA PËR TRAFIKIM TË ARIT!
Gashi në Asamblenë e IPU-së: Nevojiten hapa konkretë për demokraci dhe drejtësi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota3 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni3 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport3 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!