Lajme nga vendi
ZEKOLLI SIGURON: “KORRIDORI 8” DO TË KETË DALJE NË SHQIPËRI
“Korridori 8 do të ketë dalje në Shqipëri patjetë”. Kështu së paku thotë zv/ministrja e Transportit Kaltrina Zekolli e cila thotë se aktualisht priten që të vijnë përfaqësuesit e UNESCO-s për të gjetur zgjidhje ndërsa paralajmëron se gjysmës së parë të vizit 2026 do të flasin për aletrnativë në qoftë se traseja aktuale nuk është mirë e planifikuar.
“Në korridorin 8 po punohet në të gjitha segmentet. E dini se aktualisht segmenti Trebenisht-Qafthanë edhe për aty tani në muajin maj Kryeministri paralajmëroi që do ti pret përfaqësusit e UNESCO-s për të gjetur një zgjidhje. Raporti përfundimtar është në muajin Qershor dhe tutje do të shohim se çfarë alternative dhe modaliteti do të gjejmë por patjetër do të kemi lidhshmëri me shqipërinë dhe patjetër që struga do të jetë e kyçur”.
Zekolli Shaqiri tha se pas përfundimit të marrëveshjes me Kinezët për segmentin Kërçovë-Ohër kanë gjetur zgjidhje tjetër për finansim dhe përfundim të punimeve që janë nisur shumë vite më parë. Sipas saj, nuk parashihet shtyerje e afatit ndërsa i njëjti pritet të përfundojë në vitin 2026 por Qeverisë do i duhen edhe 3 muaj shtesë për të marr lejen që autostrada të lëshohet në përdorim..
“Sa i përket përfundimit të marrëveshjes me kinezët jeni të informuar. Ajo çfarë mund të them është se ne kemi gjetur një zgjidhje. Nuk ishte e lehtë por me ndihmën e bankave vendore ne kemi arritur që ta sigurojmë shumën e nevojshme që puna mos të ketë ndalesë ose të mos pengohet realizimi. Gjithsej ky projekt e dini që kushton 1.2 miljardë euro. 500 milionë euro veçmë janë lëshuar tek kompania Bechtel-Enka, vetëm për vitin 2026 janë lëshuar mbi 90 milionë kështu që nëse ka nevojë për shtesë do të kemi ribalanc të buxhetit dhe do të lëshohen edhe ato mjete të nevojshme”.
Korridori 8 mbetet një projekt strategjik për Maqedoninë e Veriut, por realizimi i tij po shoqërohet me sfida të shumta. Punimet vazhdojnë, megjithëse ka vonesa për shkak të çështjeve mjedisore dhe financiare. Projekti është kthyer edhe në temë përplasjesh politike, me akuza dhe kundërakuza mes palëve. Ndërkohë, ekzistojnë paqartësi për disa segmente dhe kontratën realizuese. Pavarësisht kësaj, autoritetet sigurojnë se ndërtimi do të vazhdojë.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13