Lajme nga vendi
SPB ; Kronika e zezë për ditën e djeshme 19 Prill Tetovë dhe Gostivar
Dje, në ora 11:15, në Stacionin Policor të Gostivarit, një 43-vjeçar nga fshati Gradec i Gostivarit, ka raportuar se një ditë më parë rreth orës 21:30 është sulmuar fizikisht nga një qytetar nga Gostivari. Sipas raportimit, sulmi ka ndodhur në banesën e të denoncuarit pas një debati paraprak lidhur me pagesën për punët e kryera. Po merren masa për zbardhjen e rastit.
……Dje, në ora 13:10, në Njësinë Policore të Tearcës, një 66-vjeçar nga fshati Përshevcë, në cilësinë e kryetarit të bashkësisë lokale, ka raportuar se është sulmuar fizikisht nga dy bashkëfshatarë të tij. Sipas denoncimit, sulmi ka ndodhur një ditë më parë rreth orës 11:55 pranë rezervuarit të ujit të fshatit, ku ishin angazhuar punëtorë për riparimin e kolektorëve.
……Dje, në ora 22:00, në Njësinë Policore të Zherovjanit, një 66-vjeçar nga fshati Zherovjan ka raportuar se është sulmuar fizikisht nga një 17-vjeçar nga i njëjti fshat.
……SPB Tetovë dhe DPB Gostivar gjatë ditës së kaluar kanë kryer kontrolle të intensifikuara, me ç’rast për shkak të drejtimit të pakujdesshëm të automjeteve janë ndaluar disa persona dhe u janë sekuestruar automjetet:
Në rrugën “101” në Gostivar, është privuar nga liria një 23-vjeçar nga fshati Tërnovë, i cili drejtonte automjetin e pasagjerëve “Renault” me targa të Tetovës pa pasur patentë shoferi. Automjeti është sekuestruar për procedurë të mëtejshme.
Në rrugën magjistrale Tetovë-Gostivar, është privuar nga liria një 29-vjeçar nga Gostivari, i cili drejtonte automjetin “BMË” me targa të Gostivarit pa patentë shoferi. Automjeti është sekuestruar për procedurë të mëtejshme.
Në fshatin Kallnik, Komuna e Bogovinës, pas një aksidenti trafiku të ndodhur më parë, është privuar nga liria një 26-vjeçar nga fshati Novakë, i cili drejtonte një “BMË” pa patentë shoferi. Automjeti është sekuestruar për procedurë të mëtejshme.
Në rrugën magjistrale Gostivar-Tetovë, pranë pikës së pagesës rrugore Tetovë, me automjetin “interceptor” është matur shpejtësia e lëvizjes së një automjeti “Mercedes” me targa të Gostivarit prej 178 km/orë, në një vend ku shpejtësia maksimale e lejuar është 80 km/orë. Shoferi, nj 42-vjeçar nga fshati Çegran i Gostivarit është privuar nga liria, ndërsa automjeti është sekuestruar.
Në autostradën Tetovë-Shkup, është privuar nga liria një 42-vjeçar nga fshati Mitrashincë e Berovës, i cili drejtonte automjetin “Ford” me targa të Berovës. Gjatë alkooltestit, tek ai janë konstatuar 2.38 promilë alkool në gjak. Automjeti është sekuestruar për procedurë të mëtejshme.
Pas dokumentimit të rasteve, ndaj personave do të vijojnë kallëzimet përkatëse.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13