Lajme nga vendi
SUPEREKSPERTIZË PËR RASTIN E TEATRIT NË TETOVË
Ka vazhduar procesi gjyqësor që lidhet me projektin shumëvjeçar të Teatrit dhe Bibliotekës së qytetit, i cili prej më shumë se një dekade shoqërohet me vonesa dhe polemika. Në seancën e fundit në Gjykatën e Tetovës u dëgjuan dëshmitarë dhe ekspertë kyç, ndërsa gjykata vendosi që të kryhet një superekspertizë, një hap që pritet të jetë vendimtar për zbardhjen e plotë të çështjes. Seanca e radhës është caktuar për 1 qershor.
Para trupit gjykues dëshmuan përfaqësuesi i Ministrisë së Kulturës, Vlladimir Popovski, ekspertja ekonomike Biljana Gigovska, si dhe arkitektët Anton Kajtazi dhe Liljana Kovaçeva. Deklaratat e tyre nuk sollën prova të qarta për dëme konkrete financiare apo shkelje serioze në procesin e ndërtimit. Popovski madje theksoi se nuk kishte njohuri të detajuara për akuzat, ndërsa Gigovska sqaroi se rritja e vlerës së punimeve nuk ka kaluar kufirin ligjor prej 30%. Nga ana tjetër, arkitektët deklaruan se nuk kanë konstatuar parregullsi në mbikëqyrje.
Megjithatë, në qendër të rastit mbetet një aktakuzë e rëndë për keqpërdorime në periudhën 2014–2020, ku dyshohet për përfitime të paligjshme mbi 13 milionë euro. Të akuzuar janë kompania “Urban Plan”, si dhe disa persona fizikë: Sejdi Sharivari si pronar dhe menaxher, Haki Fazliu ish-drejtor i Qendrës së Kulturës “Iljo Anteski – Smok”, Artan Arsllani, i cili ka pasur rol në komisionin e prokurimit publik, si dhe Bujar Muça në cilësinë e inxhinierit mbikëqyrës. Ata akuzohen për shkelje të procedurave të prokurimit publik, keqpërdorim të pozitës zyrtare dhe neglizhencë në detyrë.
Sipas Prokurorisë, skema e dyshuar përfshin anashkalim të qëllimshëm të rregullave të tenderimit dhe koordinim mes zyrtarëve për të favorizuar interesa të caktuara, duke i shkaktuar dëm të konsiderueshëm buxhetit publik. Në anën tjetër, dëshmitë e deritanishme kanë krijuar një kontrast të fortë me pretendimet e akuzës, duke e bërë superekspertizën thelbësore për drejtimin e mëtejshëm të procesit.
Deri tani janë mbajtur katër seanca gjyqësore, ndërsa procesi është shtyrë disa herë para se të fillonte. Ndërkohë, projekti i Teatrit dhe Bibliotekës, i premtuar prej rreth 15 vitesh dhe i nisur para 12 vitesh, vazhdon të mbetet simbol i zvarritjeve institucionale dhe i një çështjeje që tashmë është zhvendosur nga kantieri i ndërtimit në sallën e gjyqit.
Çmimet e derivateve të naftës do të pësojnë ndryshime nga mesnata, me ulje për benzinën dhe naftën, ndërsa vaji ekstra i lehtë do të shtrenjtohet lehtë.
Sipas vendimit të Komisioni Rregullator për Energjetikë, benzina dhe nafta do të lirohen për 1,5 denarë për litër. Në të njëjtën kohë, çmimi i vajit ekstra të lehtë rritet për 0,5 denarë për litër.
Ndërkohë, në fuqi mbetet edhe ulja shtesë që ofron OKTA, prej 3 denarësh për naftën dhe 2 denarësh për benzinën.
Pas përfshirjes së të gjitha këtyre ndryshimeve, çmimet e reja të karburanteve janë:
Benzina BS-98 – 80,5 den/l
Benzina BS-95 – 78,5 den/l
Nafta – 91 den/l
Vaji ekstra i lehtë – 97,0 den/l
Vendimi hyn në fuqi nga mesnata dhe pritet të reflektohet menjëherë në pikat e shitjes së karburanteve në vend.
Qëndrimet e pushteteve bullgare për kushtëzimin ndaj Maqedonisë së Veriut për hapjen e bisedimeve të anëtarësimit në Bashkimin Evropian pritet që të vazhdojnë edhe me pushtetin e ardhshëm në Sofje.
Fitorja e partisë së ish-kryetarit bullgar pro-Rus Rumen Radev në zgjedhjet e djeshme nuk sjell gjë të re të mirë për Shkupin në rrugën e premtuar për hyrje në BE.
Shtatë pushtetet e deritashme në Bullgari kanë patur të njëjtin qëndrim, pra kushtëzim nga Shkupit, se pa futjen e bashkësisë bullgare në kushtetutën e vendit nuk mund të ketë fillim të bisedimeve për hyrje në BE.
Radev, si edhe krejt pushtetet e deritashme atje i ka të njëjtat qëndrime, kushtëzime ndaj Shkupit.
Zgjedhjet e së dielës janë zgjedhjet e teta me radhë në këto pesë vite në vendin i cili e ka bllokuar Maqedoninë e Veriut në procesin drejt bllokut evropian.
Edhe kur ishte në postin më të lartë në Bullgari, Radev kishte të njëjtat qëndrime me ato të qeverive që ndërroheshin ndaj Maqedonisë së Veriut.
“Përfshirja e bullgarëve në kushtetutën e RMV-së do ta përshpejtojë ndjeshëm rrugën e vendit drejt BE-së dhe shpresoj që fqinji ynë jugperëndimor do ta bëjë këtë sa më shpejt të jetë e mundur në mënyrë që të hapë derën e negociatave për anëtarësim të plotë”, pat thënë Radev gjatë një takimi me 4 Dhjetor 2025 përfqësuesit e bashkësisë bullgare në Maqedoninë e Veriut, nga qytetet e Manastirit, Ohrit, Shkupit, Prilepit, Kavadarit dhe Koçanit.
“Ne të gjithë shpresojmë që integrimi i RMV-së të ndodhë sa më shpejt të jetë e mundur, por kjo nuk mund të jetë në kurriz të të drejtave të bashkësisë bullgare në vend”, pa thënë Radev para pesë muajve.
Shkoi Orbani, erdhi Radevi
Përdërisa në Hungari Viktor Orban pro-rus po largohet nga pushteti pas humbjesë së madhe në zgjedhjet, në në krye të pushtetit në bullgari pritet qët ë jetë një pro-rus poashtu.
Radevi pat thirrur për rivendosjen e marrëdhenieve me Rusinë e Putinit dhe e ka kritikuar BE-në për ndihmën me armë Ukrainës në luftën e saj ndaj okupimit rus.
Sapo vendet e tjera të BE-së morën frymë se problemi Orban iku, tash BE-së i njëjti problem i lind përsëri, por kësaj herë në Bullgari.
Ardhja në pushtet e një kryeministri pro-rus nuk është në të mirë të unitetit brenda BE-së dhe politikës së jashtme të saj. Bllokadat që i bënte Orban tash pritet që t’i bëjë Radev, përmes fuqisë së vetos.
Do të ishte “mrekulli” nëse Radev do të ndryshonte e të zbuste qëndrimin ndaj Maqedonisë së Veriut, për të përmbushur kërkesat e Hristijan Mickoskit për bashkësinë maqedonase në Bullgari dhe kërkesën për garanci nga BE e Bullgaria se nuk do të ketë kërkesa e bllokada të tjerë që ndërlidhen me identitetin dhe gjuhën maqedonase. / Zhurnal.mk
Lajme nga vendi
Nis ndërtimi i rrugës Strugë–Morovisht, Qyra: “Struga nuk pret më, Struga punon, Struga fiton”
Kryetari i Komunës së Strugës, Mendi Qyra, ka njoftuar nisjen zyrtare të punimeve për një nga projektet më të rëndësishme infrastrukturore në qytet – rrugën Strugë–Morovisht, e njohur si “Kolektori”.
Sipas tij, projekti që kishte mbetur pezull për më shumë se 20 vite, tashmë po realizohet brenda vetëm pesë muajve të qeverisjes së re. Ai theksoi se ky aks rrugor pritet të zgjidhë problemet e kahershme të trafikut dhe të sjellë një standard të ri infrastrukture, me katër korsi, trotuare dhe hapësira të gjelbra.
“Struga nuk pret më. Struga punon. Dhe Struga fiton”, deklaroi Qyra.
Projekti po realizohet me mbështetjen e Ministrisë së Transportit dhe, sipas autoriteteve, përmes një procesi transparent, kostoja është ulur nga 2.2 milionë euro në 1.2 milionë euro. Mjetet e kursyera, sipas njoftimit, do të ridrejtohen për investime të tjera në interes të qytetarëve.
Rruga do të shtrihet nga rrethrrotullimi te Foni drejt rrugës Turistike (ish-Apolonia), duke u lidhur më tej me Morovishtin.
Irani refuzon negociatat me SHBA pas sekuestrimit të anijes së mallrave
Ari bie në minimum njëjavor/ Tensionet SHBA-Iran forcojnë dollarin dhe nxisin rritjen e naftës me 5%
Lirohen çmimet e naftës dhe benzinës në Maqedoni!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota4 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni4 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport4 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!