Lajme nga vendi
QEVERIA E “PËRZHINËS” SHKON NË HISTORI, PËRPLASJE POZITË – OPOZITË!
Me 67 vota “për”, 13 “kundër” dhe asnjë “abstenim”, Kuvendi në seancën e sotme miratoi nevojën për miratimin e ndryshimeve në Ligjin për Qeverinë me procedurë të shkurtuar, që përbën fazën e parë të procedurës parlamentare. Nëse këto ndryshime miratohen, sipas propozimit të shumicës qeverisëse, do të hapet rruga për shfuqizimin e modelit të qeverisë teknike, e cila formohet 100 ditë para zgjedhjeve parlamentare.
Por ky ndryshim ligj nuk morri mbështetje të opozitës. “Nuk do t’i mbështesim heqjen e qeverisë teknike” tha deputetja e BDI-së Arbana Pasholli duke shtuar se qeveria teknike është arritur me marrëveshje politike me ndërmjetësim të ndërkombëtarëve dhe se në të njëjtën mënyrë duhet edhe të zhbëhet.
ARBANA PASHOLLI – Deputete e BDI-së
“Në lidhje me ligjin për qeveri teknike, mendojmë që gjithçka që është arritur me marrëveshje politike dhe mbëshetje të ndërkombëtarëve, duhet në të njëjtën mënyrë t’i qaset edhe kur kërkohet që e njëjta të shfuqizohet. Në atë drejtim, mendoj se ne nuk do ta mbështesim atë ligj”.
Deputeti i LSDM-së, Oliver Spasovski nga foltorja e Kuvendit tha se socialdemokratët janë edhe kundër shfuqizimit të ligjit për qeveri teknike por edhe kundër mënyrës se si po shfuqizohet. Ai rikujtoi se ligji për qeverinë teknike është rezultat i një marrëveshjeje politike ndërmjet katër partive më të mëdha, me garanci nga bashkësia ndërkombëtare, dhe se pas miratimit në zgjedhjet e 2016-tës me kërkesë të VMRO-DPMNE-së në vitin 2018, e njëjta zgjidhje ishte miratuar sërish pa kufizim kohor, përkatësisht me vlefshmëri deri në hyrjen e shtetit në Bashkimin Evropian.
OLIVER SPASOVSKI – Deputet i LSDM-së
“Sot paraqiten qëndrime të cilat drejtpërdrejt i kundërshtojnë kërkesat dhe propozimet e dhëna në vitin 2018. Ligji për Qeverinë është pjesë e një agjende më të gjerë reformuese, e cila përfshin edhe kodin zgjedhor dhe kodin e ri penal. Me miratimin e një zgjidhjeje të tillë me nxitim, në procedurë të shkurtuar, nuk do të mund t’i përmbushim kriteret e agjendës reformuese, e cila parashikon një qasje sistematike dhe të thelluar. Nuk ka nevojë për nxitim. Është e nevojshme të kthehemi në formatin përmes të cilit është miratuar kjo zgjidhje ligjore, me konsensus dhe dialog ndërmjet partive politike”.
Në tekstin e propozim-ndryshimeve të dorëzuara deputetëve theksohet, ndër të tjera, se megjithëse qeveria kalimtare në një kontekst të caktuar historik dhe ka pasur një rol stabilizues, zbatimi i vazhdueshëm i saj me kalimin e kohës është dëshmuar si jofunksional dhe financiarisht i pajustifikuar. Në arsyetimin e propozim-ligjit gjithashtu theksohet se miratimi i këtyre ndryshimeve do të vendosë një kornizë të qartë dhe të zbatueshme ligjore, e cila do të garantojë zgjedhje të ndershme dhe transparente përmes institucioneve dhe do të eliminojë zgjidhjet e përkohshme të vendosura me marrëveshje politike në të kaluarën.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
