Lajme nga vendi
MINISTRI DURMISHI VIZITOI KOMPANI NË KOMUNËN E ZHELINËS
Ministri i Ekonomisë, Besar Durmishi, zbarkoi në Zhelinë, për të parë nga afër problemet, sfidat, situatën me punëtorët në kompanitë që gravitojnë në këtë Komunë.
Gjatë vizitës në Kompaninë “Liberta”, Ministri u zotua se në terren nuk ka dalë vetëm për të dëgjuar, por, sic tha edhe për të vepruar.
Në këtë kontekst ai përmendi Ligjin për përkrahje financiare të investitorëve ku mundësohet zhvillimi I kompanive, rritja e kapaciteteve poashtu edhe hapjen e vendeve të reja të punës.
Nga Komuna e Zhelinës thonë se me investimet që I kanë bërë në infrastrukturë kanë ndihmuar kompanitë, por bashkëpunimi do të vazhdojë edhe në sfera tjera.
BLERIM SEJDIU – Kryetar i Komunës së Zhelinës
Me përvojën e saj shumëvjeçare, në lëminë e prodhimit të dyerëve dhe dritareve Libertakom ka arritur që të posedojë çertifikata nga Institute shumë të njohura të kësaj lëmije, andaj produktet e kësaj kompanie shiten me shumë interes në shumë shtete Evropiane.
Pronari, pranoi se kriza globale, por edhe mungesa e fuqisë punëtore ndikon në rezultatet e kësaj kompanie.
IBRAHIM ISMAILI – Pronar i kompanisë “Liberta”
Masat për formalizimin e punës dhe uljen e ekonomisë gri, krijimi i mundësive fleksibël të punësimit për kategori të ndryshme të qytetarëve, si dhe forcimi i zbatimit të ligjit për të rritur sigurinë dhe të drejtat e punëtorëve, kanë qenë në fokus të vizitës së Ministrit të Ekonomisë, Besar Durmishi, në Komunën e Zhelinës.
Gjithashtu, është diskutuar edhe për mbështetjen e të rinjve, nxitjen e investimeve dhe rolin e zonave industriale në hapjen e vendeve të reja të punës dhe rritjen ekonomike, duke mos harruar edhe rëndësinë e mbrojtjes së konsumatorëve, përmirësimit të kushteve për funksionimin e bizneseve dhe rritjes së kontrolleve në terren për të siguruar një treg më të drejtë dhe transparent./Tv Koha/
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13